ಇನ್ನು ಮುಂದೆ ಮಕ್ಕಳಿಗಿಲ್ಲ ವಾಟ್ಸ್‌ಆಪ್ ಬಳಸುವ ಅವಕಾಶ..! ಯಾಕೆ..?

ಮೇ ನಿಂದ ಜಾರಿ

ಇನ್ನು ಮುಂದೆ ಯುರೋಪಿಯನ್ ಜನರಲ್ ಡೇಟಾ ಪ್ರೊಟೆಕ್ಷನ್ ರೆಗ್ಯುಲೇಶನ್(ಜಿಡಿಪಿಆರ್) ಕಾಯ್ದೆ ಪ್ರಕಾರವೇ ವಾಟ್ಸ್‌ಆಪ್ ಕಾರ್ಯನಿರ್ವಹಿಸಲಿದೆ ಎನ್ನಲಾಗಿದ್ದು, ಮೇ 25ರಿಂದ ವಯಸ್ಸು 16 ಮೀರಿದವರು ಮಾತ್ರವೇ ವಾಟ್ಸ್‌ಆಪ್ ಬಳಕೆ ಅವಕಾಶ ದೊರೆಯಲಿದೆ. ಅಧಿಕೃತವಾಗಿ ಈ ನಿಯಮ ಅಂದಿನಿಂದಲೇ ಜಾರಿಗೆ ಬರಲಿದೆ.

ವಯಸ್ಸಿನ ಖಾತ್ರಿ:

ವಾಟ್ಸ್‌ಆಪ್ ತನ್ನ ಕಂಪನಿಯ ಡೇಟಾ ಸುರಕ್ಷತೆಯ ನಿಯಮಗಳಲ್ಲಿ ಕೆಲವು ಬದಲಾವಣೆಯನ್ನು ಮಾಡಿದ್ದು, ಹೊಸ ನೀತಿಯನ್ನು ಅದರಲ್ಲಿ ಸೇರಿಸಿದೆ. ಇನ್ನು ಮುಂದೆ ಯುರೋಪಿಯನ್ ಬಳಕೆದಾರರ ವಯಸ್ಸನ್ನು ಖಾತ್ರಿ ಪಡಿಸಿಕೊಂಡ ನಂತರವೇ ಸೇವೆಯನ್ನು ನೀಡುವುದಾಗಿ ವಾಟ್ಸ್‌ಆಪ್ ತಿಳಿಸಿದೆ.

ಭಾರತದಲ್ಲಿ ಬದಲಾವಣೆ ಇಲ್ಲ

ಯೂರೋಪ್ ಒಕ್ಕೂಟದಲ್ಲಿ ಮಾತ್ರ ಜಿಡಿಪಿಆರ್ ಸಂಬಂಧಿಸಿದಂತೆ ಈ ಹೊಸ ನಿಯಮವು ಜಾರಿಯಾಗಲಿದ್ದು, ಭಾರತ ಸೇರಿದಂತೆ ಉಳಿದಡೆ ಕನಿಷ್ಟ ವಯಸ್ಸಿನ ಮಿತಿ 13 ಇರಲಿದೆ ಎನ್ನಲಾಗಿದೆ.