130 ರಾಷ್ಟ್ರಗಳ ಅಚ್ಚುಮೆಚ್ಚಿನ 'ಚಾಟ್‍ಬೊಟ್' ಬಗ್ಗೆ ನಿಮಗೆಷ್ಟು ಗೊತ್ತು?

ಏನಿದು ‘ವೊಬೊಟ್'?

ಕೃತಕ ಬುದ್ಧಿಮತ್ತೆಯ ಸೀಮಿತ ಪರಿಧಿ, ಅಪಾಯ ಹಾಗೂ ಜನರ ಮನಸ್ಥಿತಿಯನ್ನು ಗ್ರಹಿಸುವ ಸಲುವಾಗಿ ಸ್ಟ್ಯಾನ್‍ಫೋರ್ಡ್ ವಿಶ್ವವಿದ್ಯಾಲಯದ ಮನಶಾಸ್ತ್ರಜ್ಞರು 2017ರಲ್ಲಿ ‘ವೊಬೊಟ್'( Woebot)ಅನ್ನು ಸೃಷ್ಟಿಸಿದರು. ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಸುಧಾರಣೆಗೆ ಸಹಕಾರಿಯಾಗುವ ಕೃತಕ ಬುದ್ಧಿಮತ್ತೆ ಅಭಿವೃದ್ಧಿಯಲ್ಲಿಇದು ಬಹಳಷ್ಟು ಪ್ರಯತ್ನ ನಡೆಸಿದೆ.

ಆಪ್ತ ಸಮಾಲೋಚಕ ವೊಬೊಟ್

ವಿಶ್ವದ 10 ಜನರಲ್ಲಿ ಓರ್ವ ಯಾವುದಾದರೊಂದು ಮಾನಸಿಕ ಸಮಸ್ಯೆಗೆ ಒಳಗಾಗಿರುತ್ತಾನೆ ಎನ್ನುತ್ತವೆ ವರದಿಗಳು. ಮನೋವೈದ್ಯರನ್ನು ಭೇಟಿಯಾಗದ ಇವರ ಸಮಸ್ಯೆ ಪರಿಹಾರಕ್ಕಾಗಿಯೇ 2017ರ ಜೂನ್ ತಿಂಗಳಲ್ಲಿ ವೊಬೊಟ್ ಮಾರ್ಗದರ್ಶನ ಪ್ರಾರಂಭಿಸಿತು. ಈ ವೊಬೊಟ್ ವಾರಕ್ಕೆ ಅಂದಾಜು 20 ಲಕ್ಷ ಸಂದೇಶಗಳಿಗೆ ವೊಬೊಟ್ ಪ್ರತಿಕ್ರಿಯಿಸುತ್ತಿದೆ.

ಹೇಗೆ ಕೆಲಸ ಮಾಡುತ್ತದೆ ವೂಬೊಟ್?

ಮನಸ್ಸಿನ ಎಲ್ಲ ಮಾತುಗಳನ್ನು ಸಂದೇಶಗಳ ಮೂಲಕ ನಿರಾತಂಕವಾಗಿ ಈ ಆಪ್ತ ಸಮಾಲೋಚಕನೊಂದಿಗೆ ಹೇಳಿಕೊಳ್ಳಲು ಈ ವೊಬೊಟ್ ನಿಮಗೆ ಸಹಾಯಕನಾಗಲಿದೆ. ವ್ಯಕ್ತಿ ಆಡುವ ಮಾತನ್ನು ಇತರರೊಡನೆ ಹಂಚಿಕೊಳ್ಳುವುದಿಲ್ಲ, ಗಾಸಿಪ್ ಮಾಡುವುದಿಲ್ಲ, ಮಾತಿನ ಆಧಾರದ ಮೇಲೆ ವ್ಯಕ್ತಿತ್ವ ನಿರ್ಣಯಿಸದಂತೆ ಇದು ಕಾರ್ಯನಿರ್ವಹಿಸುತ್ತದೆ.

ಮನಸಿನ ಗ್ರಾಫ್ ನಿಡುತ್ತದೆ

ಈ ವೊಬೊಟ್ ಮಾನಸಿಕ ಸಮಸ್ಯೆಗೆ ಚಿಕಿತ್ಸೆ ನೀಡಲು ಬಳಸುವ ವ್ಯವಸ್ಥಿತ ಮಾರ್ಗವಾಗಿರುವುದರಿಂದ ಫಲಿತಾಂಶ ಉತ್ತಮವಾಗಿದೆ. ತನ್ನೊಂದಿಗೆ ಸಂವಹನ ನಡೆಸುತ್ತಿರುವ ವ್ಯಕ್ತಿಯ ಮಾನಸಿಕ ಮಟ್ಟದಲ್ಲಿನ ಬದಲಾವಣೆಯನ್ನು ಗ್ರಾಫ್ ಮುಖೇನ ಪ್ರತಿ ವಾರವೂ ತೋರುವುದು ಈ ಆಪ್‌ನ ವಿಶೇಷತೆಯಾಗಿದೆ.

130 ರಾಷ್ಟ್ರಗಳ ಅಚ್ಚು ಮೆಚ್ಚು ಈ ವೊಬೊಟ್!

ವರ್ಷದ ಎಲ್ಲ ದಿನವೂ ಯಾವುದೇ ಸಮಯದಲ್ಲಿ ಆಪ್ತ ಸಮಾಲೋಚನೆ ನೀಡುವ ‘ವೊಬೊಟ್' ಅನ್ನು ವಿಶ್ವದ 130 ರಾಷ್ಟ್ರಗಳ ಜನರು ಮೆಚ್ಚಿದ್ದಾರೆ. ಹಾಗಾಗಿಯೇ, ‘ವೊಬೊಟ್' ಅನ್ನು ಜಗತ್ತಿನ ಬ್ಯುಸಿ ಚಾಟ್‍ಬೊಟ್ ಎಮದು ಕರೆಯಲಾಗಿದೆ. ಫೇಸ್‍ಬುಕ್ ಪುಟ, ಆಪ್ ಕೂಡ ಒಳಗೊಂಡಿರುವ ಈ ವ್ಯವಸ್ಥೆಯೊಂದಿಗೆ ಸಾವಿರಾರು ಜನ ಸಂಪರ್ಕ ಸಾಧಿಸಿದ್ದಾರೆ.