ಎಕ್ಸ್‌ಬಾಕ್ಸ್‌ ಸರಣಿಯ ಹೆಡ್‌ಸೆಟ್‌ ಬಿಡುಗಡೆ!..15 ಗಂಟೆಗಳ ಬ್ಯಾಟರಿ ವಿಶೇಷ!

ಹೌದು, ಎಕ್ಸ್‌ಬಾಕ್ಸ್‌ ಸಂಸ್ಥೆ ತನ್ನ ಹೊಸ ವಾಯರ್‌ಲೆಸ್‌ ಹೆಡ್‌ಸೆಟ್‌ ಅನ್ನು ಪರಿಚಯಿಸಿದೆ. ಇನ್ನು ಈ ಹೆಡ್‌ಫೋನ್‌ಗಳು ಬ್ಲ್ಯಾಕ್‌ ಫಿನಿಶ್ ಹೊಂದಿದ್ದು, ಸ್ವಯಂ ಮ್ಯೂಟ್, ಧ್ವನಿ ಪ್ರತ್ಯೇಕತೆ ಮತ್ತು ಕನ್ಸೋಲ್‌ನೊಂದಿಗೆ ನೇರ ಜೋಡಣೆಯಂತಹ ಫೀಚರ್ಸ್‌ಗಳೊಂದಿಗೆ ಬರುತ್ತದೆ. ಸದ್ಯ ಎಕ್ಸ್ ಬಾಕ್ಸ್ ವಾಯರ್‌ಲೆಸ್‌ ಹೆಡ್‌ಸೆಟ್ ವಿಂಡೋಸ್ ಸೋನಿಕ್, ಡಾಲ್ಬಿ ಅಟ್ಮೋಸ್ ಮತ್ತು ಡಿಟಿಎಸ್ ಹೆಡ್‌ಫೋನ್ ಎಕ್ಸ್ ಗೆ ಬೆಂಬಲದೊಂದಿಗೆ ಬರುತ್ತದೆ. ಇನ್ನುಳಿದಂತೆ ಈ ಹೆಡ್‌ಫೋನ್‌ ವಿಶೇಷತೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಎಕ್ಸ್‌ಬಾಕ್ಸ್‌ ಕಂಪೆನಿ ಪರಿಚಯಿಸಿರುವ ವಾಯರ್‌ಲೆಸ್‌ ಹೆಡ್‌ಸೆಟ್‌ ತಿರುಗುವ ಇಯರ್‌ಕಪ್ ಡಯಲ್‌ಗಳನ್ನು ಹೊಂದಿದ್ದು, ಇದು ವಾಲ್ಯೂಮ್ ಮತ್ತು ಗೇಮ್ / ಚಾಟ್ ಬ್ಯಾಲೆನ್ಸ್ ಅನ್ನು ಸರಿಹೊಂದಿಸಲು ನಿಮಗೆ ಅನುವು ಮಾಡಿಕೊಡುತ್ತದೆ. ಇನ್ನು ಈ ಎಕ್ಸ್ ಬಾಕ್ಸ್ ವಾಯರ್‌ಲೆಸ್‌ ಹೆಡ್ಸೆಟ್ ಅನ್ನು 40mm ಡ್ರೈವರ್‌ಗಳು ನಿಯಂತ್ರಿಸುತ್ತವೆ. ಇವುಗಳನ್ನು ಕಾಗದದ ಸಂಯೋಜಿತ ಡಯಾಫ್ರಾಮ್ ಮತ್ತು ನಿಯೋಡೈಮಿಯಮ್ ಮ್ಯಾಗ್ನೆಟ್ ನಿಂದ ತಯಾರಿಸಲಾಗುತ್ತದೆ. ಇದು ರೆಸ್ಪಾನ್ಸ್‌ ರೇಂಜ್‌ 20Hz ನಿಂದ 20,000Hz ವರೆಗೆ ಹೊಂದಿದ್ದಾರೆ.

ಇನ್ನು ಎಕ್ಸ್ ಬಾಕ್ಸ್ ವಾಯರ್‌ಲೆಸ್‌ ಹೆಡ್‌ಸೆಟ್‌ ವಿಂಡೋಸ್ 10 ಡಿವೈಸ್‌ಗಳಲ್ಲಿ ಬ್ಲೂಟೂತ್ 4.2 ಅಥವಾ ಅದಕ್ಕಿಂತ ಹೆಚ್ಚಿನದನ್ನು ಬೆಂಬಲಿಸಲಿದೆ. ಎಕ್ಸ್ ಬಾಕ್ಸ್ ವಾಯರ್‌ಲೆಸ್‌ ಅಡಾಪ್ಟರ್ ಅಥವಾ ಯುಎಸ್‌ಬಿ ಟೈಪ್-ಸಿ ಕೇಬಲ್ ಅಗತ್ಯವಿದೆ ಎಂದು ಮೈಕ್ರೋಸಾಫ್ಟ್ ಸಂಸ್ಥೆ ಹೇಳಿದೆ. ಇದಲ್ಲದೆ ಕೆಲವ ವಾಯ್ಸ್‌ ಚಾಟ್ ಫೀಚರ್ಸ್‌ಗಳಿಗೆ ಎಕ್ಸ್ ಬಾಕ್ಸ್ ಗೇಮ್ ಪಾಸ್ ಅಲ್ಟಿಮೇಟ್ ಅಥವಾ ಎಕ್ಸ್ ಬಾಕ್ಸ್ ಲೈವ್ ಗೋಲ್ಡ್ ಮೆಂಬರ್‌ಶಿಪ್‌ಗಳು ಬೇಕಾಗಲಿದೆ. ಇದಲ್ಲದೆ ಹೆಡಸ್‌ಸೆಟ್‌ ಮೈಕ್ ಆನ್ ಅಥವಾ ಆಫ್ ಆಗಿದೆಯೇ ಎಂದು ನಿಮಗೆ ತಿಳಿಸಲು ಎಲ್ಇಡಿ ಸೂಚಕವಿದೆ.

ಇದಲ್ಲದೆ ಈ ಹೆಡ್‌ಸೆಟ್ ಬ್ಲೂಟೂತ್ 4.2 ಬಳಸಿ ಸಂಪರ್ಕಿಸುತ್ತದೆ ಮತ್ತು ಎಸ್‌ಬಿಸಿ ಕೊಡೆಕ್ ಅನ್ನು ಬೆಂಬಲಿಸುತ್ತದೆ. ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಇದೆ, ಅದು ಆಂತರಿಕ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಚಾರ್ಜ್ ಮಾಡಲು ನಿಮಗೆ ಅನುಮತಿಸುತ್ತದೆ. ಇದು ಕಂಪನಿಯು 15 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ ಎಂದು ಹೇಳುತ್ತದೆ. ಮೂವತ್ತು ನಿಮಿಷಗಳ ಚಾರ್ಜಿಂಗ್ ನಿಮಗೆ ನಾಲ್ಕು ಗಂಟೆಗಳ ಬ್ಯಾಟರಿ ಅವಧಿಯನ್ನು ಪಡೆಯಬಹುದು ಮತ್ತು ಎಕ್ಸ್‌ಬಾಕ್ಸ್ ವಾಯರ್‌ಲೆಸ್ ಹೆಡ್‌ಸೆಟ್ ಅನ್ನು ಮೂರು ಗಂಟೆಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು.

ಸದ್ಯ ಎಕ್ಸ್ ಬಾಕ್ಸ್ ವಾಯರ್‌ಲೆಸ್‌ ಹೆಡ್ಸೆಟ್ ಬೆಲೆ ಯುಎಸ್‌ನಲ್ಲಿ $ 99 (ಸುಮಾರು ರೂ. 7,300) ಆಗಿದೆ. ಆಯ್ದ ಪ್ರದೇಶಗಳಲ್ಲಿ ಮಾರ್ಚ್ 16 ರಿಂದ ಎಕ್ಸ್‌ಬಾಕ್ಸ್ ವೈರ್‌ಲೆಸ್ ಹೆಡ್‌ಸೆಟ್‌ ಲಭ್ಯವಾಗಲಿದೆ. ಅಲ್ಲದೆ ಮೇ 10 ರಂದು ಎಕ್ಸ್‌ಬಾಕ್ಸ್ ವೈರ್‌ಲೆಸ್ ಹೆಡ್‌ಸೆಟ್ ದೇಶದಲ್ಲಿ ಲಭ್ಯವಾಗಲಿದೆ ಎಂದು ಎಕ್ಸ್‌ಬಾಕ್ಸ್ ಇಂಡಿಯಾ ವೆಬ್‌ಸೈಟ್ ಹೇಳಿದೆ ಆದರೆ ಬೆಲೆ ಮಾಹಿತಿ ಇನ್ನೂ ಹಂಚಿಕೊಂಡಿಲ್ಲ.