ಶಿಯೋಮಿ ಫೋನ್‌ ಬೆಲೆ ಕಡಿಮೆ ಏಕೆ ಗೊತ್ತಾ..? ಅಧಿಕೃತವಾಗಿ ಶಿಯೋಮಿ ಬಿಚ್ಚಿಟ್ಟ ಸತ್ಯ.!

ಹೆಚ್ಚಿನ ಲಾಭಕ್ಕೆ ಒಪ್ಪದ ಕಂಪನಿ:

ರೂ.50000ಕ್ಕೆ ಸ್ಮಾರ್ಟ್‌ಫೋನ್ ಮಾರಾಟ ಮಾಡಲು ಕಂಪನಿಯ ಬೋರ್ಡ್ ಒಪ್ಪುವುದಿಲ್ಲ ಎಂದು ಮನು ಜೈನ್ ತಿಳಿಸಿದ್ದು, ಕಂಪನಿಯ ಬೋರ್ಡ್ ಹೆಚ್ಚಿನ ಪ್ರಮಾಣದ ಲಾಭವನ್ನು ಪಡೆದುಕೊಳ್ಳಲು ಹೆಚ್ಚಿನ ಬೆಲೆಗೆ ಸ್ಮಾರ್ಟ್‌ಫೋನ್ ಅನ್ನು ಮಾರಾಟ ಮಾಡಲು ಕಂಪನಿಯು ಒಪ್ಪುವುದಿಲ್ಲ ಎಂದು ತಿಳಿಸಿದ್ದಾರೆ.

ಬೇರೆ ಕಂಪನಿಯಂತೆ ಅಲ್ಲ:

ಶಿಯೋಮಿ ಸದ್ಯ ಮಾರುಕಟ್ಟೆಯಲ್ಲಿ ಇರುವ ಇತರೆ ಕಂಪನಿಗಳಂತೆ ಕಾರ್ಯನಿರ್ವಹಿಸುವುದಿಲ್ಲ ಎಂದು ತಿಳಿಸಿರುವ ಮನು ಜೈನ್, ಕೇವಲ ಲಾಭಕ್ಕಾಗಿ ಮಾರುಕಟ್ಟೆಯಲ್ಲಿ ನಾವು ಸ್ಮಾರ್ಟ್‌ಫೋನ್ ಅನ್ನು ಲಾಂಚ್ ಮಾಡುತ್ತಿಲ್ಲ. ಬದಲಾಗಿ ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಗೆ ಉತ್ತಮ ತಂತ್ರಜ್ಞಾನವು ಲಭ್ಯವಾಗುವ ಉದ್ದೇಶದಿಂದ ಎಂದಿದ್ದಾರೆ.

ಕೇವಲ 5% ಲಾಭ:

ಶಿಯೋಮಿ ಸ್ಮಾರ್ಟ್‌ಫೋನ್‌ಗಳನ್ನು ಕೇವಲ 5% ಲಾಭದೊಂದಿಗೆ ಕಾರ್ಯನಿರ್ವಹಿಸುತ್ತಿದೆ ಎಂದಿರುವ ಮನುಜೈನ್‌, ಇದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಲಾಭವನ್ನು ಹೊಂದುವುದಿಲ್ಲ. ನಮ್ಮ ಬೋರ್ಡ್ ಇದಕ್ಕಿಂತ ಹೆಚ್ಚಿನ ಲಾಭಕ್ಕೆ ಕಾರ್ಯನಿರ್ವಹಿಸುವುದನ್ನು ವಿರೋಧಿಸುತ್ತದೆ ಎಂದಿದ್ದಾರೆ.

ಇದೇ ಮಾದರಿ:

ಇದೇ ಮಾದರಿಯಲ್ಲಿ ಪೊಕೊ ಪೋನ್ ಅನ್ನು ಲಾಂಚ್ ಮಾಡಲಾಗಿದೆ. ಇದೇ ಮಾದರಿಯ ಆಯ್ಕೆಯನ್ನು ಹೊಂದಿರುವ ಸ್ಮಾರ್ಟ್ಫೋನ್‌ಗಳು ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತಿವೆ, ಆದರೆ ರೂ.30000ದ ಒಳಗೆ 8 GB RAM - 256 GB ಇಂಟರ್ನಲ್ ಮೆಮೊರಿಯ ಸ್ಮಾರ್ಟ್‌ಫೋನ್‌ ಅನ್ನು ಶಿಯೋಮಿ ಬಿಟ್ಟರೇ ಇನ್ಯಾರಿಗೂ ಮಾರಾಟ ಮಾಡಲು ಸಾಧ್ಯವಿಲ್ಲ. ಇದರಲ್ಲಿ ಲಾಭ ಕೇವಲ 5% ಎಂದಿದ್ದಾರೆ.

ಹೆಚ್ಚಿನ ಲಾಭ ಗ್ರಾಹಕರಿಗೆ:

ಶಿಯೋಮಿಗೆ ತಾನು ಪಡೆದುಕೊಂಡ ಹೆಚ್ಚಿನ ಪ್ರಮಾಣದ ಲಾಭವನ್ನು ಗ್ರಾಹಕರಿಗೆ ಹಿಂತಿರುಗಿಸುವ ಕಾರ್ಯವನ್ನು ಮಾಡುತ್ತಿದೆ. ಈ ಹಿಂದೆಯೂ ಮಾಡಿದೆ. ನಿರ್ಮಾಣದ ಕಾರ್ಯಕ್ಕೆ ವೆಚ್ಚವಾಗುವುದನ್ನು ಮಾತ್ರವೇ ಲಾಭವಾಗಿ ಪರ್ವತಿಸಲಾಗುತ್ತಿದೆ. ಇದರಿಂದಾಗಿಯೇ ಶಿಯೋಮಿ ಕಡಿಮೆ ಬೆಲೆಗೆ ಸ್ಮಾರ್ಟ್‌ಫೋನ್ ಅನ್ನು ಮಾರಾಟ ಮಾಡುತ್ತಿದೆ.

ಮಾರುಕಟ್ಟೆಯಲ್ಲಿ:

ಸದ್ಯ ಮಾರುಕಟ್ಟೆಯಲ್ಲಿ ಸ್ನಾಪ್‌ಡ್ರಾಗನ್ 845 ಪ್ರೋಸೆಸರ್, 6 GB RAM ಮತ್ತು 64 GB ಇಂಟರ್ನಲ್ ಜೊತೆಗೆ ಡ್ಯುಯಲ್ ಕ್ಯಾಮೆರಾ ಹೊಂದಿರುವ ಸ್ಮಾರ್ಟ್‌ಫೋನ್ ಕಡಮೆ ಎಂದರೆ ರೂ.36000ಕ್ಕೆ ಮಾರಾಟವಾಗುತ್ತಿದೆ. ಆದರೆ ಶಿಯೋಮಿ ಇದನ್ನು ರೂ.19990ಕ್ಕೆ ನೀಡಿದೆ. ಇದಕ್ಕೆ ಕಾರಣ ಎಂದರೆ ಶಿಯೋಮಿ ಲಾಭದ ಪ್ರಮಾಣ ಕಡಿಮೆ ಇರುವುದು.