ಮೇ 22 ರಂದು Xiaomi Civi 5 Pro ಬಿಡುಗಡೆ: ಕೇವಲ 1.6mm ಅಲ್ಟ್ರಾ-ಬೆಜೆಲ್!

ಜನಪ್ರಿಯ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ Xiaomi ಕಂಪೆನಿಯ ಬಹುನಿರೀಕ್ಷಿತ 'Xiaomi Civi 5 Pro' ಸ್ಮಾರ್ಟ್‌ಫೋನ್ ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದೆ. Xiaomi ಕಂಪನಿಯ 15 ನೇ ವಾರ್ಷಿಕೋತ್ಸವದ ಅಂಗವಾಗಿ, ಇದೇ ಮೇ 22 ರಂದು ಸಂಜೆ 7 ಗಂಟೆಗೆ (ಭಾರತೀಯ ಕಾಲಮಾನ ಸಂಜೆ 4:30) ನಡೆಯಲಿರುವ ವಿಶೇಷ ಬಿಡುಗಡೆ ಸಮಾರಂಭದಲ್ಲಿ Xiaomi Civi 5 Pro ಸ್ಮಾರ್ಟ್‌ಫೋನ್ ಬಿಡುಗಡೆಗೊಳ್ಳುವ ಸಾಧ್ಯತೆ ಇದ್ದು, ಈ ಕಾರ್ಯಕ್ರಮದಲ್ಲಿ Xiaomi ತನ್ನ ಹೊಸ "ಕ್ಸುವಾಂಜಿ O1" ಅಥವಾ XRING O1 ಮೊಬೈಲ್ ಚಿಪ್‌ಸೆಟ್, Xiaomi 15s Pro ಸ್ಮಾರ್ಟ್‌ಫೋನ್, Xiaomi Pad 7 ಅಲ್ಟ್ರಾ ಟ್ಯಾಬ್ಲೆಟ್ ಮತ್ತು ಮೊದಲ SUV Xiaomi YU7 ಅಂತಹ ಸಾಧನಗಳು ಸಹ ಅನಾವರಣಗೊಳಿಸಲಿದೆ. ಇವುಗಳಲ್ಲಿ Xiaomi Civi 5 Pro ಸ್ಮಾರ್ಟ್‌ಫೋನ್ ಎಲ್ಲರ ಗಮನಸೆಳೆದಿದೆ.

ಹೌದು, ಬಿಡುಗಡೆಗೂ ಮುನ್ನವೇ Xiaomi ತನ್ನ ಮುಂಬರುವ Xiaomi Civi 5 Pro ಸ್ಮಾರ್ಟ್‌ಫೋನ್‌ನ ಪ್ರಮುಖ ವೈಶಿಷ್ಟ್ಯಗಳನ್ನು ಬಹಿರಂಗಪಡಿಸಿದೆ. ಕಂಪನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ಈಗಾಗಲೇ Xiaomi ಪೂರ್ವ-ಕಾಯ್ದಿರಿಸುವಿಕೆಯು ಪ್ರಾರಂಭವಾಗಿದೆ. Weibo ನಲ್ಲಿ ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ, ಈ Xiaomi Civi 5 Pro ಫೋನ್ ಆಕರ್ಷಕವಾದ ನೆಬ್ಯುಲಾ ಪರ್ಪಲ್ ಮತ್ತು ಸಕುರಾ ಪಿಂಕ್ ಬಣ್ಣಗಳಲ್ಲಿ ಲಭ್ಯವಿರುತ್ತದೆ. ಇದರೊಂದಿಗೆ ಕಪ್ಪು ಮತ್ತು ಬಿಳಿ ಬಣ್ಣದ ಆಯ್ಕೆಗಳು ಸಹ ಇರಲಿವೆ. ವಿನ್ಯಾಸದ ದೃಷ್ಟಿಯಿಂದಲೂ ಈ ಫೋನ್ ಗಮನ ಸೆಳೆಯುವಂತಿದೆ. ಏಕೆಂದರೆ, ಕೇವಲ 1.6mm ಅಲ್ಟ್ರಾ-ಬೆಜೆಲ್ ಅನ್ನು ಈ ಫೋನ್ ಹೊಂದಿದೆ. ಇದರ ಲೋಹದ ಮಧ್ಯದ ಫ್ರೇಮ್ ಕೇವಲ 7.45mm ದಪ್ಪವಿದ್ದು, ಫೋನ್‌ಗೆ ಸೊಗಸಾದ ನೋಟವನ್ನು ನೀಡುತ್ತಿದೆ.

Xiaomi Civi 5 Pro ಸ್ಮಾರ್ಟ್‌ಫೋನ್‌ನ ಪ್ರಮುಖ ವೈಶಿಷ್ಟ್ಯಗಳು ಹೀಗಿವೆ,

Xiaomi Civi 5 Pro ಸ್ಮಾರ್ಟ್‌ಫೋನ್ ಅತ್ಯಾಕರ್ಷಕ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 120Hz ರಿಫ್ರೆಶ್ ದರದೊಂದಿಗೆ 6.55-ಇಂಚಿನ 1.5K OLED ಪರದೆಯನ್ನು ಒಳಗೊಂಡಿದೆ. ಉತ್ತಮ ವೀಕ್ಷಣೆಯ ಅನುಭವವನ್ನು ಖಚಿತಪಡಿ ಈ ಡಿಸ್‌ಪ್ಲೆಯು 3,200 nits ವರೆಗಿನ ಗರಿಷ್ಠ ಹೊಳಪನ್ನು ನೀಡುತ್ತದೆ, ಜೊತೆಗೆ HDR10+, HDR ವಿವಿಡ್, ಡಾಲ್ಬಿ ವಿಷನ್, TÜV ರೈನ್‌ಲ್ಯಾಂಡ್‌ನಿಂದ ಟ್ರಿಪಲ್ ಐ ಪ್ರಮಾಣೀಕರಣವನ್ನು ಪಡೆದಿದೆ. ಕಾರ್ಯಕ್ಷಮತೆಯ ವಿಷಯಕ್ಕೆ ಬಂದರೆ, Xiaomi Civi 5 Pro ಶಕ್ತಿಯುತ ಸ್ನಾಪ್‌ಡ್ರಾಗನ್ 8s Gen 4 SoC ಪ್ರೊಸೆಸರ್‌ನಿಂದ ಚಾಲಿತವಾಗಲಿದೆ. ಇದು ವೇಗದ ಮತ್ತು ಸುಗಮ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸುತ್ತದೆ. ಇದರೊಂದಿಗೆ, ದೀರ್ಘಕಾಲದ ಬ್ಯಾಟರಿ ಬಾಳಿಕೆಯನ್ನು ನೀಡುವ 6,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಈ ಫೋನ್ ಒಳಗೊಂಡಿದೆ.

ಕ್ಯಾಮೆರಾ ವಿಭಾಗದಲ್ಲಿಯೂ Xiaomi Civi 5 Pro ಸ್ಮಾರ್ಟ್‌ಫೋನ್ ಗಮನಾರ್ಹವಾದ ಅಪ್‌ಗ್ರೇಡ್ ಅನ್ನು ಪಡೆದುಕೊಂಡಿದೆ. ಇದು ಲೈಕಾ ಸಹಭಾಗಿತ್ವದೊಂದಿಗೆ ಅಭಿವೃದ್ಧಿಪಡಿಸಲಾದ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರಲ್ಲಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, 50-ಮೆಗಾಪಿಕ್ಸೆಲ್ ಫ್ಲೋಟಿಂಗ್ ಟೆಲಿಫೋಟೋ ಲೆನ್ಸ್ ಮತ್ತು 12-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾ ಸೇರಿವೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, ಈ ಫೋನ್ ಆಟೋಫೋಕಸ್ ಮತ್ತು f/2.0 ಅಪರ್ಚರ್‌ನೊಂದಿಗೆ 50-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಹೊಂದಿದೆ. ಒಟ್ಟಾರೆಯಾಗಿ, Xiaomi Civi 5 Pro ಅತ್ಯಾಧುನಿಕ ವೈಶಿಷ್ಟ್ಯಗಳು ಮತ್ತು ಆಕರ್ಷಕ ವಿನ್ಯಾಸದೊಂದಿಗೆ ಮಾರುಕಟ್ಟೆಗೆ ಲಗ್ಗೆ ಇಡಲು ಸಿದ್ಧವಾಗಿದೆ. ಮೇ 22 ರಂದು ನಡೆಯಲಿರುವ ಬಿಡುಗಡೆ ಸಮಾರಂಭದಲ್ಲಿ ಇದರ ಸಂಪೂರ್ಣ ವಿವರಗಳು ಮತ್ತು ಬೆಲೆಯ ಕುರಿತು ಮಾಹಿತಿ ಲಭ್ಯವಾಗಲಿದೆ.