ಶಿಯೋಮಿಯಿಂದ ಹೊಸ 60W ಫಾಸ್ಟ್ ಚಾರ್ಜರ್ ಲಾಂಚ್‌!

ಹೌದು, ಶಿಯೋಮಿ ಈಗಾಗಲೇ ಟೆಕ್‌ ಮಾರುಕಟ್ಟೆಗೆ ಹಲವು ಮಾದರಿಯ ಪವರ್‌ ಬ್ಯಾಂಕ್‌ಗಳನ್ನ ಬಿಡುಗಡೆ ಮಾಡಿದೆ. ಇದೀಗ ತನ್ನ ಹೊಸ ಮಾದರಿಯ 60W ಶಿಯೋಮಿ ಫಾಸ್ಟ್ ಚಾರ್ಜರ್ ಅನ್ನ ಬಿಡುಗಡೆ ಮಾಡಿದ್ದು, ಚೀನಾದಲ್ಲಿ ಸಿಕ್ಕಾಪಟ್ಟೆ ಸೌಂಡ್‌ ಮಾಡೋ ಲಕ್ಷಣ ಕಾಣಿಸ್ತಿದೆ. ಇನ್ನು ಸ್ಮಾರ್ಟ್‌ಫೋನ್‌ಗಳ ಪವರ್‌ ದಾಹವನ್ನ ತೀರಿಸೋದಕ್ಕೆ ಹಲವು ಮಾದರಿಯ ಹೊಸ ಫಿಚರ್ಸ್‌ಗಳ ಪವರ್‌ ಬ್ಯಾಂಕ್‌ಗಳು ಮಾರುಕಟ್ಟೆಗೆ ಲಗ್ಗೆ ಹಾಕುತ್ತಿವೆ. ಈ ಸಾಲಿಗೆ ಶಿಯೋಮಿಯ ಈ ಹೊಸ ಚಾರ್ಜರ್ ಕೂಡ ಸೇರಿಕೊಂಡಿದೆ.

ಇನ್ನು ಈ ಪವರ್‌ ಬ್ಯಾಂಕ್‌ನ ಯುಎಸ್‌ಬಿ-ಎ ಪೋರ್ಟ್‌ಗಳು ತಲಾ 45 ಡಬ್ಲ್ಯೂ output ಅನ್ನ ಹೆಚ್ಚಿನ ಡಿಜಿಟಲ್ ಸಾಧನಗಳೊಂದಿಗೆ ಹೊಂದಿಕೊಳ್ಳಲಿದ್ದು, ಇದು ಟ್ರಿಪಲ್ ಪವರ್‌ ಬ್ಯಾಂಕ್‌ ಆಘಿದೆ. ಅಂದರೆ ಏಕಾಕಾಲದಲ್ಲಿ ಮೂರು ಸ್ಮಾರ್ಟ್‌ಫೋನ್‌ಗಳನ್ನ ಚಾರ್ಜಿಂಗ್‌ ಮಾಡಬಹುದಾಗಿದೆ. ಅಷ್ಟೇ ಅಲ್ಲ ಒಂದೇ ಸಮಯದಲ್ಲಿ ಫೋನ್‌ಗಳು ಮತ್ತು ಕಂಪ್ಯೂಟರ್‌ಗಳನ್ನು ಪವರ್ ಮಾಡಬಹುದು. ಜೊತೆಗೆ ಈ ಪವರ್‌ ಬ್ಯಾಂಕ್‌ ಅನ್ನ ಸುಲಭವಾಗಿ ಸಾಗಿಸಬಹುದಾಗಿದ್ದು ಚಾರ್ಜರ್‌ಪಿನ್ ಅನ್ನು 90 ಡಿಗ್ರಿಗಳಲ್ಲಿ ಮಡಚಬಹುದಾಗಿದೆ.

ಶಿಯೋಮಿಯ 60W ಫಾಸ್ಟ್ ಚಾರ್ಜರ್ ಆಪಲ್‌ನ ಪಿಡಿ 3.0, ಕ್ಯೂಸಿ 4.0, ಕ್ಯೂಸಿ 3.0, ಎಫ್‌ಸಿಪಿ, ಎಎಫ್‌ಸಿ, ಎಂಟಿಕೆ ಮತ್ತು ಮಾರುಕಟ್ಟೆಯಲ್ಲಿನ ಇತರ ಜನಪ್ರಿಯ ಫಾಸ್ಟ್ ಚಾರ್ಜ್ ಪ್ರೊಟೋಕಾಲ್‌ಗಳನ್ನ ಬೆಂಬಲಿಸಲಿದೆ.ಇನ್ನು ಈ ಪವರ್‌ ಬ್ಯಾಂಕ್‌ ಸ್ಮಾರ್ಟ್ ವೋಲ್ಟೇಜ್ ಪತ್ತೆಹಚ್ಚುವಿಕೆಯನ್ನು ಸಹ ಹೊಂದಿದೆ. ಇದು ಸಾಧನಕ್ಕೆ ಅಗತ್ಯವಿರುವ ವೋಲ್ಟೇಜ್ ಅನ್ನು ಪತ್ತೆ ಮಾಡುತ್ತದೆ. ಇನ್ನು ಈ ಪವರ್‌ ಬ್ಯಾಂಕ್‌ ಚಾರ್ಜರ್ ಓವರ್‌ವೋಲ್ಟೇಜ್, ಓವರ್‌ಕರೆಂಟ್, ಸ್ಥಿರ ವಿದ್ಯುತ್, ತಾಪಮಾನ ಮತ್ತು ಶಾರ್ಟ್ ಸರ್ಕ್ಯೂಟ್ ರಕ್ಷಣೆಗಳನ್ನು ಸಹ ಹೊಂದಿದೆ. ಇನ್ನು ಈ ಚಾರ್ಜರ್‌ನ ಬೆಲೆ ಯುವಾನ್ 149 (1,513ರೂ) ಆಗಿದ್ದು, ಚೀನಾ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಖರೀದಿಗೆ ಲಭ್ಯವಿದೆ.

ಇನ್ನು 60W ಶಿಯೋಮಿ ಚಾರ್ಜರ್ ಜೊತೆಗೆ ಪ್ರತ್ಯೇಕವಾಗಿ, ಶಿಯೋಮಿ ವೈರ್‌ಲೆಸ್ ಕೀಬೋರ್ಡ್ ಮತ್ತು ಮೌಸ್‌ನ ಕಾಂಬೊವನ್ನು ಸಹ ಬಿಡುಗಡೆ ಮಾಡಿದ್ದು. ಇದು ಕೇವಲ ಆರ್‌ಎಂಬಿ 99 ಕ್ಕೆ ಲಭ್ಯವಿದೆ (ಸುಮಾರು 1,005 ರೂ.). ಇದು ಮಾರುಕಟ್ಟೆಯಲ್ಲಿ ವೈರ್‌ಲೆಸ್ ಕೀಬೋರ್ಡ್ ಮತ್ತು ಮೌಸ್ ಕಾಂಬೊದಲ್ಲಿ ಒಂದಾಗಿದೆ. ಕೀಬೋರ್ಡ್‌ನಲ್ಲಿ ಸರಿಯಾಗಿ 104 ಕೀಲಿಮಣೆಯಾಗಿದ್ದು ಪ್ರತ್ಯೇಕ ಸಂಖ್ಯಾ ಕೀಪ್ಯಾಡ್ ಅನ್ನು ಹೊಂದಿದೆ. ಫಂಕ್ಷನ್ ಕೀಗಳು ವಾಲ್ಯೂಮ್ ಕಂಟ್ರೋಲ್, ಮೀಡಿಯಾ, ಮೇಲ್ ಮತ್ತು ಇತರ ಉಪಯುಕ್ತ ಕಾರ್ಯಗಳಿಗೆ ಶಾರ್ಟ್‌ಕಟ್‌ಗಳನ್ನು ಸಹ ನೀಡಲಾಗಿದೆ.