ಡ್ಯುಯೆಲ್‌ ಕ್ಯಾಮೆರಾ ಒಳಗೊಂಡ ಶಿಯೋಮಿ ಮಿ ಬನ್ನಿ ವಾಚ್ 4 ಬಿಡುಗಡೆ!

ಹೌದು, ಚೀನಾ ಮೂಲದ ಜನಪ್ರಿಯ ಕಂಪೆನಿ ಶಿಯೋಮಿ ತನ್ನ ಹೊಸ ಆವೃತ್ತಿಯ ಮಿ ಬನ್ನಿ ವಾಚ್‌4 ಅನ್ನು ಲಾಂಚ್‌ ಮಾಡಿದೆ. ಈ ಸ್ಮಾರ್ಟ್‌ವಾಚ್‌ ಎಂಟು ದಿನಗಳ ಬ್ಯಾಟರಿ ಅವದಿಯನ್ನ ಹೊಂದಿದ್ದು ಜೊತೆಗೆ ಡ್ಯುಯೆಲ್‌ ಕ್ಯಾಮೆರಾಗಳನ್ನು ಸಹ ಒಳಗೊಂಡಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ 4G ನೆಟ್‌ವರ್ಕ್‌ಗೆ ಬೆಂಬಲಿಸಲಿದ್ದು, AI ಟೆಕ್ನಾಲಜಿಯನ್ನ ಸಹ ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ವಿನ್ಯಾಸ ಹಾಗೂ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಯೋಣ ಬನ್ನಿ.

ಇನ್ನು ಶಿಯೋಮಿ ಕಂಪೆನಿ ಬಿಡುಗಡೆ ಮಾಡಿರುವ ಶಿಯೋಮಿ ಮಿ ಬನ್ನಿ ವಾಚ್‌4 ಡ್ಯುಯೆಲ್‌ ಕ್ಯಾಮೆರಾ ವನ್ನು ಒಳಗೊಂಡಿದ್ದು ಉತ್ತಮ ವಿನ್ಯಾಸವನ್ನು ಒಳಗೊಂಡಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ 1.78 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ ಹೊಂದಿದ್ದು 326 ಪಿಪಿ ಪಿಕ್ಸೆಲ್ ಸಾಂದ್ರತೆಯನ್ನು ಹೊಂದಿದೆ. ಜೊತೆಗೆ ಇದು 2.5D ಬಾಗಿದ ಗಾಜಿನ ಡಿಸ್‌ಪ್ಲೇ ಹೊಂದಿದ್ದು, ಉತ್ತಮ ಸ್ಕ್ರೀನ್‌ ರೆಸಲ್ಯೂಶನ್‌ ಒಳಗೊಂಡಿದೆ. ಇನ್ನು ಈ ಡಿಸ್‌ಪ್ಲೇ ರಕ್ಷಣೆಗಾಗಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 3 ಅನ್ನು ನೀಡಲಾಗಿದೆ.

ಇದಲ್ಲದೆ ಈಗಾಗಲೇ ತಿಳಿಸಿರುವಂತೆ ಈ ಸ್ಮಾರ್ಟ್‌ವಾಚ್‌ ಡ್ಯುಯೆಲ್ ಕ್ಯಾಮೆರಾ ಸೆಟ್‌ಅಪ್‌ ಹೊಂದಿದ್ದು, ಎರಡು ಕ್ಯಾಮೆರಾಗಳು ಕೂಡ 5 ಮೆಗಾಪಿಕ್ಸೆಲ್ ಸೆನ್ಸಾರ್‌ ಅನ್ನು ಹೊಂದಿದೆ. ಇವುಗಳಲ್ಲಿ ಒಂದು ಕ್ಯಾಮೆರಾ ವಿಡಿಯೊ ಕರೆಗಾಗಿ ವಾಚ್‌ನ ಮೇಲ್ಬಾಗದಲ್ಲಿ ನೀಡಲಾಗಿದೆ. ಹಾಗೇಯೆ ಮತ್ತೊಂದು ಕ್ಯಾಮೆರಾವನ್ನ ಇನ್ನೊಂದು ಬದಿಯಲ್ಲಿ ನೀಡಲಾಗಿದೆ. ಇನ್ನು ಈ ವಾಚ್‌ ಎನ್‌ಎಫ್‌ಸಿ, ವೈ-ಫೈ, 4G, ಸ್ಪೀಕರ್‌ಗಳು ಮತ್ತು ಮೈಕ್ರೊಫೋನ್‌ಅನ್ನು ಸಹ ನೀಡಲಾಗಿದೆ.

ಇನ್ನು ಈ ವಾಚ್‌ ವಾಟರ್‌ಪ್ರೂಪ್‌ ವ್ಯವಸ್ಥೆಯನ್ನ ಹೊಂದಿದ್ದು, 20 ಮೀಟರ್ ವರೆಗೂ ನೀರಿನಿಂದ ರಕ್ಷಣೆ ನೀಡಲಿದೆ. ಜೊತೆಗೆ ಈ ವಾಚ್‌ AI ಅನ್ನು ಹೊಂದಿದ್ದು, ಮನೆಯ ಮಕ್ಕಳ ಮೇಲೆ ನಿಗಾವಹಿಸಲು ಉಪಯುಕ್ತವಾಗಲಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ ದೇಶಾದ್ಯಂತ 4000 ಕ್ಕೂ ಹೆಚ್ಚು ಶಾಪಿಂಗ್ ಮಾಲ್‌ಗಳು, ರೈಲು ನಿಲ್ದಾಣಗಳು ಮತ್ತು ವಿಮಾನ ನಿಲ್ದಾಣಗಳ ಡೇಟಾಬೇಸ್ ಹೊಂದಿದೆ. ಇಂಟರ್‌ ಬಿಲ್ಟ್ ವಾಯ್ಸ್‌ ಅಸಿಸ್ಟೆಂಟ್‌ ಮುಲಕ ಅಲಾರಮ್‌ಗಳನ್ನು ಹೊಂದಿಸಲು, ಮ್ಯೂಸಿಕ್‌ ಪ್ಲೇ ಮಾಡಲು, ಹಾಗೂ ಇಂಗ್ಲಿಷ್ ಕಲಿಯಲು ಸಹಾಯ ಮಾಡುತ್ತದೆ.

ಅಲ್ಲದೆ ಈ ವಾಚ್ ಇಂಗ್ಲಿಷ್ ಭಾಷೆಗಾಗಿ AI ಮೌಲ್ಯಮಾಪನವನ್ನು ಬೆಂಬಲಿಸುತ್ತದೆ ಮತ್ತು ಮಕ್ಕಳಿಗೆ ನಿರರ್ಗಳವಾಗಿ ಇಂಗ್ಲಿಷ್ ಮಾತನಾಡಲು ಸಹಾಯ ಮಾಡಲಿದ್ದು. ಇದಕ್ಕಾಗಿ ನಾಲ್ಕು ಮಾಡ್ಯೂಲ್‌ಗಳೊಂದಿಗೆ ಬರುತ್ತದೆ. ಜೊತೆಗೆ ವೈವಿಧ್ಯಮಯ ಅಪ್ಲಿಕೇಶನ್‌ಗಳನ್ನು ಸಹ ನೀಡಲಾಗಿದೆ. ಸದ್ಯ ಈ ವಾಚ್‌ 920mAh ಬ್ಯಾಟರಿ ಹೊಂದಿದ್ದು 296 ಗ್ರಾಂ ತೂಕ ಹೊಂದಿದೆ. ಇನ್ನು ಇದರ ಬೆಲೆ CNY 899 (ಸುಮಾರು 9,600 ರೂ.) ಆಗಿದ್ದು, ಬ್ಲೂ ಮತ್ತು ಪಿಂಕ್ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ. ಏಪ್ರಿಲ್ 9 ರಿಂದ ಖರೀದಿಸಲು ಲಭ್ಯವಾಗಲಿದೆ ಎಂದು ಹೇಳಲಾಗಿದೆ.