ಶಿಯೋಮಿ ಮಿ ಡಿಸ್‌ಪ್ಲೇ 1A ಮಾನಿಟರ್ ಬಿಡುಗಡೆ !

ಹೌದು, ಜನಪ್ರಿಯ ಸ್ಮಾರ್ಟ್‌ಫೋನ್‌ ಕಂಪೆನಿ ಶಿಯೋಮಿ ತನ್ನ ಹೊಸ ಮಿ ಡಿಸ್‌ಪ್ಲೇ 1A ಮಾನಿಟರ್‌ ಅನ್ನು ಬಿಡುಗಡೆ ಮಾಡಿದೆ. ಈ ಡಿಸ್‌ಪ್ಲೇಯು ಹೊಸ ಆಕರ್ಷಕ ರೂಪದಲ್ಲಿ ಬಂದಿದೆ ಎಂದು ಹೇಳಲಾಗ್ತಿದೆ. ಹಾಗೇ ನೋಡುವುದಾದರೆ ಶಿಯೋಮಿ ಕಂಪೆನಿ ಕೆಲವು ತಿಂಗಳುಗಳ ಹಿಂದೆ, ತನ್ನದೇ ಆದ ಎರಡು ಹೊಸ ಡಿಸ್‌ಪ್ಲೇ ಮಾದರಿಗಳನ್ನ ಬಿಡುಗಡೆ ಮಾಡಿತ್ತು. ಅವುಗಳಲ್ಲಿ ಒಂದು 23.8-ಇಂಚಿನ ಶಿಯೋಮಿ ಫ್ಲಾಟ್ ಡಿಸ್‌ಪ್ಲೇ ಮತ್ತು ಎರಡನೆಯದು 34 ಇಂಚಿನ ಬಾಗಿದ ಡಿಸ್‌ಪ್ಲೇಯನ್ನು ಪರಿಚಯಿಸಿತ್ತು ಇದೀಗ 23.8 ಇಂಚಿನ ಫ್ಲಾಟ್‌ ಸ್ಕ್ರೀನ್‌ ಡಿಸ್‌ಪ್ಲೇಯನ್ನು ಬಿಡುಗಡೆ ಮಾಡಿದೆ. ಅಷ್ಟಕ್ಕೂ ಈ ಡಿಸ್‌ಪ್ಲೇಯಲ್ಲಿರುವ ವಿಶೇಷತೆಗಳೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿದುಕೊಳ್ಳೋಣ ಬನ್ನಿರಿ.

ಶಿಯೋಮಿ ಕಂಪೆನಿ ಮಿ ಡಿಸ್‌ಪ್ಲೇ 1A ಮಾನಿಟರ್‌ ಇದು 1920 x 1080 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್‌ ಹೊಂದಿದ್ದು, 23.8-ಇಂಚಿನ ಐಪಿಎಸ್ ಫ್ಲಾಟ್ ಸ್ಕ್ರೀನ್ ಅನ್ನು ಒಳಗೊಂಡಿದೆ. ಇನ್ನು ಈ ಡಿಸ್‌ಪ್ಲೇಯು 16:9 ರಚನೆಯ ಅನುಪಾತವನ್ನು ಹೊಂದಿದೆ. ಅಲ್ಲದೆ 178-ಡಿಗ್ರಿ ವ್ಯೂವ್‌ ಆಂಗಲ್‌ ಅನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ ಮಾನಿಟರ್‌ ಸಾಮಾನ್ಯ ವಿನ್ಯಾಸವನ್ನು ಹೊಂದಿದೆ. ಅಲ್ಲದೆ ಇದರಲ್ಲಿ ಮೂರು ಕಡೆಯ ಅಂಚುಗಳು ಕಿರಿದಾದ ಬೆಜೆಲ್ಸ್‌ ಮತ್ತು ಅಗಲವಾದ ಅಂಚನ್ನು ಹೊಂದಿರುತ್ತವೆ.

ಇನ್ನು ಈ ಡಿಸ್‌ಪ್ಲೇ 60Hz ರಿಫ್ರೆಶ್ ರೇಟ್‌ ಅನ್ನು ಮಾತ್ರ ಬೆಂಬಲಿಸುವುದರಿಂದ ಇದು ಗೇಮಿಂಗ್‌ಗೆ ಸೂಕ್ತವಲ್ಲ. ಇದಲ್ಲದೆ ಈ ಡಿಸ್‌ಪ್ಲೇ ಮಾನಿಟರ್‌ ವೀಡಿಯೊ ಫ್ಲ್ಯಾಷ್ ಇಲ್ಲದೆ ಕಡಿಮೆ ನೀಲಿ ಬೆಳಕನ್ನು ಮಾನಿಟರ್ ಸಹ ಬೆಂಬಲಿಸುತ್ತದೆ. ಈ ಡಿವೈಸ್‌ನಲ್ಲಿ ಬ್ರೈಟ್‌ನೆಶ್‌ ಅನ್ನು ಹೊಂದಿಸಲು ಇಂಟೆಲಿಜೆಂಟ್‌ ಡಿಸಿ ಟೆಕ್ನಾಲಜಿಯನ್ನ ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಜೊತೆಗೆ ಇದರಲ್ಲಿ ಬ್ರೈಟ್‌ನೆಶ್‌ 250 cd/ m², ಕಾಂಟ್ರಾಸ್ಟ್ ರೇಶಿಯೋ 1000: 1, ಮತ್ತು ಪ್ರತಿಕ್ರಿಯೆ ಸಮಯ 6mm ಎಂದು ಗಿಜ್ಚಿನಾ ವರದಿ ಮಾಡಿದೆ.

ಇದಲ್ಲದೆ, ಶಿಯೋಮಿ ಮಿ ಡಿಸ್‌ಪ್ಲೇ 1a ಮೂರು-ಮೈಕ್ರೋ ಎಡ್ಜ್ ಇಂಟಿಗ್ರೇಟೆಡ್ ಪ್ಯಾನಲ್ ವಿನ್ಯಾಸದೊಂದಿಗೆ ಬರುತ್ತದೆ. ಇದು ಹೆಚ್ಚುವರಿಯಾಗಿ, ಉತ್ತಮ ದೃಶ್ಯ ಅನುಭವಕ್ಕಾಗಿ ಮಲ್ಟಿ ಸ್ಕ್ರೀನ್‌ ಗಳನ್ನ ಸ್ಟಿಚ್‌ ಮಾಡುವ ಅವಕಾಶ ನೀಡಲಾಗಿದೆ. ಸದ್ಯ ಈ ಡಿಸ್‌ಪ್ಲೇಯನ್ನು ಆಸಕ್ತ ಖರೀದಿದಾರರು ಶಿಯೋಮಿ ಇಂಡಿಯಾದ ಅಧಿಕೃತ ವೆಬ್‌ಸೈಟ್ ಮೂಲಕ ಹಾಗೂ ಶಿಯೋಮಿ ಮಾಲ್‌ಗಳಲ್ಲಿ ಖರೀದಿಸಬಹುದಾಗಿದೆ. ಇನ್ನು ಇದರ ಬೆಲೆ RMB 699 ಆಗಿದ್ದು, ಭಾರತದಲ್ಲಿ ಸುಮಾರು 7,560 ರೂ.ಆಗಿದೆ.