ಶ್ಯೋಮಿಯಿಂದ ಎಮ್ ಐ ನೋಟ್ ಪ್ರೊ ಬಿಡುಗಡೆ

ಎಮ್ ಐ ನೋಟ್ ಫ್ಯಾಬ್ಲೆಟ್ ಅನ್ನು ಲಾಂಚ್ ಮಾಡುವ ಹೊರತಾಗಿಯೂ ಶ್ಯೋಮಿ, ಎಮ್ ಐ ನೋಟ್ ಪ್ರೊವನ್ನು ಹೊರತಂದಿದೆ. ಕಂಪೆನಿ ಹೇಳುವಂತೆ ಎಮ್ ಐ ನೋಟ್ ಪ್ರೊ ಎಮ್ ಐ ನೋಟ್‌ಗಿಂತಲೂ ಉತ್ತಮವಾಗಿದ್ದು ಇದರ ವಿಶೇಷತೆಗಳತ್ತ ಗಮನ ಹರಿಸಿದಾಗ ಇದು ಗ್ರಾಹಕರಿಗೆ ಇಷ್ಟವಾಗುವುದು ಖಂಡಿತ ಎಂಬುದನ್ನು ತಿಳಿಸುತ್ತಿದೆ.

ಶ್ಯೋಮಿ ಎಮ್ ಐ ನೋಟ್ ಪ್ರೊ ದರವು 32,900 ಆಗಿದ್ದು ಮಾರ್ಚ್ ಕೊನೆಯಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಇನ್ನು ಫೋನ್‌ನ ವಿಶೇಷತೆಗಳತ್ತ ಗಮನ ಹರಿಸಿದಾಗ ಇದು ಓಕ್ಟಾ ಕೋರ್ 64 ಬಿಟ್ ಕ್ವಾಲ್‌ಕಾಮ್ ಸ್ನ್ಯಾಪ್‌ಡ್ರಾಗನ್ 810 ಪ್ರೊಸೆಸರ್ ಜೊತೆಗೆ ಬಂದಿದ್ದು 4ಜಿಬಿ RAM ಡಿವೈಸ್‌ನಲ್ಲಿದೆ. ಆಂಡ್ರಾಯ್ಡ್ 4.4.4 ಕಿಟ್‌ಕ್ಯಾಟ್ ಆಧಾರಿತ MIUI 6 ಇದರಲ್ಲಿದ್ದು ಇದು ಸಿಂಗಲ್ ಸಿಮ್‌ಗೆ ಮಾತ್ರ ಬೆಂಬಲವನ್ನು ನೀಡುತ್ತಿದೆ.

ಇನ್ನು ಶ್ಯೋಮಿ ಎಮ್‌ ನೋಟ್‌ನಂತೆಯೇ, ಎಮ್ ಐ ನೋಟ್ ಪ್ರೊ 5.7 ಇಂಚಿನ ಡಿಸ್‌ಪ್ಲೇಯೊಂದಿಗೆ ಬಂದಿದ್ದು, ಹೆಚ್ಚಿನ QHD (1440x2560 ಪಿಕ್ಸೆಲ್‌ಗಳು) ರೆಸಲ್ಯೂಶನ್ ಇದರಲ್ಲಿದೆ ಇದು 515ppi ಪಿಕ್ಸೆಲ್ ಡೆನ್ಸಿಟಿಯನ್ನು ಒದಗಿಸುತ್ತಿದೆ. ಇನ್ನು ಫೋನ್‌ನ ಆಂತರಿಕ ಸಂಗ್ರಹಣಾ ಸಾಮರ್ಥ್ಯ 64 ಜಿಬಿಯಾಗಿದ್ದು ಇದನ್ನು ಎಸ್‌ಡಿ ಕಾರ್ಡ್ ಬಳಸಿ ವಿಸ್ತರಿಸಬಹುದಾಗಿದೆ. ಫೋನ್‌ನ ರಿಯರ್ ಕ್ಯಾಮೆರಾ 13 ಮೆಗಾಪಿಕ್ಸೆಲ್ ಆಗಿದ್ದು ಮುಂಭಾಗ ಕ್ಯಾಮೆರಾ 4 ಮೆಗಾಪಿಕ್ಸೆಲ್ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. 3000mAh ಬ್ಯಾಟರಿ ಡಿವೈಸ್‌ನಲ್ಲಿದ್ದು ತ್ವರಿತ ಚಾರ್ಜಿಂಗ್ ಸಾಮರ್ಥ್ಯವನ್ನು ಫೋನ್ ಪಡೆದುಕೊಂಡಿದೆ.