ಡಿಜಿಟಲ್‌ ಪೇಮೆಂಟ್‌ಗೆ ಶಿಯೋಮಿ ಎಂಟ್ರಿ: ಟಚ್ ಮಾಡದೇ ಪೇ ಮಾಡಿ..!

ಚೀನಾದಲ್ಲಿದೆ:

ಚೀನಾ ಮೂಲದ ಕಂಪನಿಯಾಗಿರುವ ಶಿಯೋಮಿ, ಈಗಾಗಲೇ ಚೀನಾದಲ್ಲಿ ಪೇಮೆಂಟ್ ಸೇವೆಯನ್ನು ನೀಡುತ್ತಿದೆ. Mi ಪೇ ಹೆಸರಿನಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಚೀನಾ ಡಿಜಿಟಲ್ ಪೇಮೆಂಟ್ ಮಾರ್ಕೆಟ್ ನಲ್ಲಿ ಹೆಸರುವಾಸಿಯಾಗಿದೆ. ಈ ಹಿನ್ನಲೆಯಲ್ಲಿ ಈಗಾಗಲೇ ಭಾರತದಲ್ಲಿಯೂ ಖ್ಯಾತಿಯನ್ನು ಪಡೆಯುತ್ತಿರುವ ಶಿಯೋಮಿ, ಶೀಘ್ರವೇ ಇಲ್ಲಿಯೂ ಶಿಯೋಮಿ Mi ಪೇ ಪೇಮೆಂಟ್ ಸೇವೆಯನ್ನು ನೀಡಲಿದೆ.

WhatsApp group voice and video calling is now live - KANNADA GIZBOT

ಕ್ರೆಡಿಟ್-ಡೆಬಿಟ್:

ಶಿಯೋಮಿ Mi ಪೇ ಪೇಮೆಂಟ್ ಸೇವೆಯಲ್ಲಿ ಬಳಕೆದಾರರು ವಿವಿಧ ಬ್ಯಾಂಕ್‌ಗಳ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ ಗಳನ್ನು ಬಳಕೆ ಮಾಡಿಕೊಂಡು ಪೇಮೆಂಟ್ ಮಾಡಬಹುದಾಗಿದೆ. ಚೀನಾದಲ್ಲಿ ಇದೇ ಮಾದರಿಯಲ್ಲಿ 2016ನಿಂದಲೇ ಕಾರ್ಯನಿರ್ವಹಿಸುತ್ತಿದೆ.

ಮಾರುಕಟ್ಟೆಯಲ್ಲಿ ಸಂಚಲನ:

ಶಿಯೋಮಿ Mi ಪೇ ಪೇಮೆಂಟ್ ಸೇವೆಯ ದೇಶಿಯ ಮಾರುಕಟ್ಟೆಯಲ್ಲಿ ಶುರುವಾಗಲಿದೆ ಎನ್ನುವ ವಿಷಯವು ಸಂಚಲನವನ್ನು ಮೂಡಿಸಿದೆ. ಇದರಿಂದಾಗಿ ಬೇರೆ ಪೇಮೆಂಟ್ ಆಪ್‌ ಗಳು ಬೇಡಿಕೆಯನ್ನು ಕಳೆದುಕೊಳ್ಳುವ ಸ್ಥಿತಿಯೂ ನಿರ್ಮಾಣವಾಗುವ ಸಾಧ್ಯತೆ ಅತಿಯಾಗಿದೆ.

ಈ ವರ್ಷದ ಅಂತ್ಯಕ್ಕೆ:

ಈಗಾಗಲೇ ಭಾರತೀಯ ಮಾರುಕಟ್ಟೆಯಲ್ಲಿ ಶಿಯೋಮಿ Mi ಪೇ ಪೇಮೆಂಟ್ ಸೇವೆಯನ್ನು ಆರಂಭಿಸಲು ಎಲ್ಲಾ ರೀತಿಯ ತಯಾರಿಯನ್ನು ನಡೆಸಲಾಗುತ್ತಿದೆ. ಈ ವರ್ಷದ ಅಂತ್ಯಕ್ಕೆ ಇಲ್ಲವೇ ಮುಂದಿನ ವರ್ಷದ ಆರಂಭದಲ್ಲಿ ಶಿಯೋಮಿ Mi ಪೇ ಪೇಮೆಂಟ್ ಸೇವೆ ಪ್ರಾರಂಭಗೊಳ್ಳಲಿದೆ.

RBI:

ಈಗಾಗಲೇ ದೇಶಿಯ ಮಾರುಕಟ್ಟೆಯಲ್ಲಿ ಶಿಯೋಮಿ Mi ಪೇ ಪೇಮೆಂಟ್ ಸೇವೆಯೂ ಪ್ರಾರಂಭವಾಗಲು RBI ಗ್ರೀನ್ ಸಿಗ್ನಲ್ ನೀಡಿದೆ ಎನ್ನಲಾಗಿದ್ದು, ಇದರಿಂದಾಗಿ ಶಿಯೋಮಿ Mi ಪೇ ಪೇಮೆಂಟ್ ಲಾಂಚಿಂಗ್ ಹಾದಿ ಸುಗಮವಾಗಿದೆ.

ಸ್ಯಾಮ್‌ಸಂಗ್ ಮಾದರಿ:

ಶಿಯೋಮಿ Mi ಪೇ ಪೇಮೆಂಟ್ ಸೇವೆಯೂ ಈಗಾಗಲೇ ಮಾರುಕಟ್ಟೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸ್ಯಾಮ್‌ಸಂಗ್ ಪೇ ಮಾದರಿಯಲ್ಲಿ ಕಾಣಿಸಿಕೊಳ್ಳಲಿದೆ. NFC ಸಹಾಯದಿಂದ ಬಳಕೆದಾರರು ಪೇಮೆಂಟ್ ಮಾಡುವ ಅವಕಾಶವನ್ನು ಶಿಯೋಮಿ Mi ಪೇ ಪೇಮೆಂಟ್ ನಲ್ಲಿ ಪಡೆಯಬಹುದಾಗಿದೆ.

Mi ಕ್ರೆಡಿಟ್:

ಶಿಯೋಮಿ Mi ಪೇ ಪೇಮೆಂಟ್ ಸೇವೆಯಲ್ಲಿ ಬಳಕೆದಾರರು ಕ್ರೆಡಿಟ್ ಅನ್ನು ಪಡೆದುಕೊಳ್ಳಬಹುದಾಗಿದೆ. ರೂ.1 ರಿಂದ 1ಲಕ್ಷದ ವರೆಗೂ ಇದು ದೊರೆಯಲಿದೆ ಎನ್ನಲಾಗಿದೆ. ಇದಕ್ಕಾಗಿ ಕ್ರೆಡಿಟ್ ಬಿ ಎನ್ನುವ ಕಂಪನಿಯೊಂದಿಗೆ ಶಿಯೋಮಿ ಒಪ್ಪಂದವನ್ನು ಮಾಡಿಕೊಳ್ಳಲಿದೆ ಎನ್ನಲಾಗಿದೆ.