'ರೆಡ್‌ಮಿ ನೋಟ್' ಸರಣಿಯಲ್ಲಿ ಊಹಿಸಲಾಗದಂತಹ ದಾಖಲೆ ಸೃಷ್ಟಿಸಿತು ಶಿಯೋಮಿ!

|

ಚೀನಾದ ಜನಪ್ರಿಯ ಮೊಬೈಲ್ ತಯಾರಿಕಾ ಸಂಸ್ಥೆ ಶಿಯೋಮಿ ತನ್ನ ಉಪ-ಬ್ರಾಂಡ್ 'ರೆಡ್‌ಮಿ ನೋಟ್' ಸರಣಿಯಲ್ಲಿ ದಾಖಲೆ ಪ್ರಮಾಣದ ಸ್ಮಾರ್ಟ್‌ಫೋನ್‌ಗಳನ್ನು ಮಾರಾಟ ಮಾಡಿದೆ. ಶಿಯೋಮಿ 2014ರಲ್ಲಿ ತನ್ನ ರೆಡ್‌ಮಿ ನೋಟ್ ಸರಣಿ ಲೈನ್-ಅಪ್ ಪ್ರಾರಂಭಿಸಿದಾಗಿನಿಂದ ಇಲ್ಲಿಯವರೆಗೆ ಜಾಗತಿಕವಾಗಿ 100 ಮಿಲಿಯನ್‌ಗಿಂತಲೂ(ಒಂದು ಕೋಟಿಗೂ ಹೆಚ್ಚು) ಹೆಚ್ಚು ರೆಡ್‌ಮಿ ನೋಟ್ ಫೋನ್‌ಗಳನ್ನು ಮಾರಾಟ ಮಾಡಿರುವುದಾಗಿ ತಿಳಿಸಿದೆ. ಈ ಬಗ್ಗೆ ಶಿಯೋಮಿ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮನು ಕುಮಾರ್ ಜೈನ್ ಅವರು ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.

'ರೆಡ್‌ಮಿ ನೋಟ್' ಸರಣಿಯಲ್ಲಿ ಊಹಿಸಲಾಗದಂತಹ ದಾಖಲೆ ಸೃಷ್ಟಿಸಿತು ಶಿಯೋಮಿ!

ಹೌದು, ಶಿಯೋಮಿ ತನ್ನ ಉಪಬ್ರ್ಯಾಂಡ್ ಆಗಿರುವ ರೆಡ್‌ಮಿ ನೋಟ್ ಹೆಸರಿನಲ್ಲಿ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಿದೆ. ಈ ರೆಡ್‌ಮಿ ನೋಟ್ ಬ್ರ್ಯಾಂಡ್ ಅಡಿಯಲ್ಲಿ ಅತ್ಯಂತ ಕಡಿಮೆ ಬೆಲೆಗೆ ಹೆಚ್ಚು ಫೀಚರ್ಸ್ ಮತ್ತು ಗುಣಮಟ್ಟದ ಸ್ಮಾರ್ಟ್‌ಫೋನ್‌ಗಳನ್ನು ತಯಾರಿಸಿ ಶಿಯೋಮಿ ವಿಶ್ವದಾದ್ಯಂತ ಹೆಸರುಗಳಿಸಿದೆ. ಇದೀಗ ಈ ಸಾಧನೆ ಮುಗಿಲು ಮುಟ್ಟಿದ್ದು, ಜಾಗತಿಕವಾಗಿ 100 ಮಿಲಿಯನ್‌ಗಿಂತಲೂ(ಒಂದು ಕೋಟಿಗೂ ಹೆಚ್ಚು) ಹೆಚ್ಚು ರೆಡ್‌ಮಿ ನೋಟ್ ಸ್ಮಾರ್ಟ್‌ಫೋನ್‌ಗಳು ಮಾರಾಟವಾಗಿವೆ. ಈ ಸಾಧನೆಯ ಬಗ್ಗೆ ಮನು ಕುಮಾರ್ ಜೈನ್ ಅವರು ಕೊಂಡಾಡಿದ್ದಾರೆ.

#RedmiNote Seriesನ ಅದ್ಭುತ ಯಶಸ್ಸಿಗೆ ನಾನು ವೈಯಕ್ತಿಕವಾಗಿ ಮಿ ಅಭಿಮಾನಿಗಳಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. 100 ಮಿಲಿಯನ್ #RedmiNote ಫೋನ್‌ಗಳನ್ನು ನಾವು ಜಗತ್ತಿನಾದ್ಯಂತ ಮಾರಾಟ ಮಾಡಿದ್ದೇವೆ. ಇಂದು ಕೂಡ ನಾವು ನಮ್ಮ ಅತ್ಯುತ್ತಮ #RedmiNote ನೊಂದಿಗೆ ಬಂದಿದ್ದೇವೆ ಎಂದು ಅವರು ಟ್ವಿಟ್ ಮಾಡಿದ್ದಾರೆ. ಶಿಯೋಮಿ ಕಂಪನಿ ಭಾರತದಲ್ಲಿ ನೆನ್ನೆಯಷ್ಟೇ ಬಿಡುಗಡೆ ಮಾಡಿದ ರೆಡ್‌ಮಿ ನೋಟ್ 8 ಪ್ರೊ ಸ್ಮಾರ್ಟ್‌ಫೋನ್ ಬಗೆಗೆ ಉಲ್ಲೇಖಿಸಿರುವ ಅವರು ರೆಡ್‌ಮಿ ನೋಟ್ 8 ಪ್ರೊ ಕ್ಯಾಮೆರಾದ ಬಗ್ಗೆ ಟ್ವಿಟ್‌ನಲ್ಲಿ ತಿಳಿಸಿದ್ದಾರೆ.

ಭಾರತ ಮತ್ತು ಚೀನಾದಂತಹ ಬೆಲೆ-ಸೂಕ್ಷ್ಮ ಮಾರುಕಟ್ಟೆಗಳಲ್ಲಿ ರೆಡ್‌ಮಿ ನೋಟ್ ಸರಣಿಯು ವಿಶೇಷವಾಗಿ ಯಶಸ್ವಿಯಾಗಿದೆ. ಇನ್ನು ಇತ್ತೀಚಿನ ರೆಡ್‌ಮಿ ನೋಟ್ ಸರಣಿಯ ರೆಡ್‌ಮಿ ನೋಟ್ 8 ಮತ್ತು ರೆಡ್‌ಮಿ ನೋಟ್ 8 ಪ್ರೊ ಎರಡೂ ಫೋನ್‌ಗಳನ್ನು ಆಗಸ್ಟ್‌ನಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಲಾಗಿತ್ತು. ಇದೀಗ ಅಕ್ಟೋಬರ್ 16ರಂದು ಭಾರತೀಯ ಮಾರುಕಟ್ಟೆಗೆ ಎರಡೂ ಫೋನ್‌ಗಳು ಔಪಚಾರಿಕವಾಗಿ ಪ್ರವೇಶಿಸಿವೆ. ಫೋನ್‌ಗಳು ಹೆಲಿಯೊ ಜಿ 90 ಟಿ, 64MP ಕ್ವಾಡ್-ಕ್ಯಾಮೆರಾ ಸೆಟಪ್, 4,500mAh ಬ್ಯಾಟರಿ ಮತ್ತು 20MP ಸೆಲ್ಫೀ ಕ್ಯಾಮೆರಾದಂತಹ ಫೀಚರ್ಸ್ ಹೊತ್ತಿವೆ.

ರೆಡ್ಮಿ ನೋಟ್ 8 ಎರಡಡು ರೂಪಾಂತರಗಳಲ್ಲಿ ಹಾಗೂ ರೆಡ್ಮಿ ನೋಟ್ 8 ಪ್ರೊ ಮೂರು ರೂಪಾಂತರಗಳೊಂದಿಗೆ ಭಾರತದಕ್ಕೆ ಎಂಟ್ರಿ ನೀಡಿವೆ. 4 ಜಿಬಿ RAM + 64 ಜಿಬಿ ಸಂಗ್ರಹ ಮಾದರಿಯ ರೆಡ್ಮಿ ನೋಟ್ 8 ಬೆಲೆ 9,999 ರೂ.ಗಳಾದರೆ, 6 ಜಿಬಿ RAM + 128 ಜಿಬಿ ಮಾದರಿಯ ಫೋನ್ ಬೆಲೆ ಕೇವಲ 12,999 ರೂ.ಗಳಾಗಿವೆ. ಹಾಗೆಯೇ, 6 ಜಿಬಿ RAM + 64 ಜಿಬಿ ಮೆಮೊರಿ ಮಾದರಿಯ ರೆಡ್ಮಿ ನೋಟ್ 8 ಪ್ರೊ 14,999 ರೂ., 6 ಜಿಬಿ RAM + 128 ಜಿಬಿ ಬೆಲೆ 15,999 ರೂ. ಮತ್ತು 8 ಜಿಬಿ RAM+ 128 ಜಿಬಿ ಮಾದರಿ ಫೋನಿನ ಬೆಲೆ ಕೇವಲ 17,999 ರೂ.ಗಳಾಗಿವೆ. ಇನ್ನು ಇದೇ ಅಕ್ಟೋಬರ್ 21 ರಿಂದಲೇ ದೇಶದಲ್ಲಿ ಎಲ್ಲಾ ಮಾದರಿ ಫೋನ್‌ಗಳು ಮಾರಾಟಕ್ಕೆ ಬರುತ್ತಿವೆ.

Most Read Articles
Best Mobiles in India

English summary
The Redmi Note 8 Pro, the latest addition to the Redmi smartphone line-up in India with three variants available. The 6GB + 64GB variant is priced at Rs 14,999 while the 6GB + 128GB variant is priced at Rs 15,999. The top spec 8GB + 128GB variant is priced at Rs 17,999. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more