Xiaomi: ಶೀಘ್ರದಲ್ಲೇ ಎಂಟ್ರಿ ಕೊಡಲಿದೆ ಶಿಯೋಮಿಯ ಈ ಸ್ಟೈಲಿಶ್ ಫೋಲ್ಡಬಲ್ ಸ್ಮಾರ್ಟ್‌ಫೋನ್!

ಮೊಬೈಲ್‌ ತಯಾರಿಕಾ ಕಂಪನಿಗಳು ನಾ ಮುಂದು ತಾ ಮುಂದು ಎಂಬಂತೆ ಫೋಲ್ಡಬಲ್ ಸ್ಮಾರ್ಟ್‌ಫೋನ್‌ಗಳನ್ನು ತಯಾರಿಸಲು ಪೈಪೋಟಿ ನಡೆಸುತ್ತಿವೆ. ಈಗಾಗಲೆ ಕೆಲವು ಬ್ರ್ಯಾಂಡ್‌ನ ಫೋಲ್ಡಬಲ್ ಮೊಬೈಲ್‌ಗಳು ಮಾರುಕಟ್ಟೆಯಲ್ಲಿ ಮಾರಾಟ ಆರಂಭಿಸಿವೆ. ಈ ವಿಷಯದಲ್ಲಿ Xiaomi ಸಂಸ್ಥೆ ಕೂಡ ಹಿಂದೆ ಬಿದ್ದಿಲ್ಲ, ಚೀನಾದ ಟೆಕ್‌ ಬ್ರ್ಯಾಂಡ್ Xiaomi ಶೀಘ್ರದಲ್ಲೇ Xiaomi Mix Fold 4 ಮತ್ತು Mix Flip ಫೋಲ್ಡಬಲ್ ಫೋನ್‌ಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಈ ಕುರಿತು ಕೆಲವು ಪ್ರಮಾಣೀಕೃತ ವೆಬ್‌ಸೈಟ್‌ಗಳಲ್ಲಿ ವದಂತಿಗಳು ಹರಿದಾಡಲು ಪ್ರಾರಂಭವಾಗಿದೆ. ಹಾಗಿದ್ರೆ Xiaomi ಬಿಡುಗಡೆ ಸಿದ್ದತೆ ಮಾಡಿಕೊಳ್ಳುತ್ತಿರುವ ಎರಡು ಫೋಲ್ಡಬಲ್ ಫೋನ್‌ಗಳ ಕುರಿತ ಹೆಚ್ಚಿನ ಮಾಹಿತಿಯನ್ನು ಈ ಲೇಖನದಲ್ಲಿ ತಿಳಿಯಿರಿ.

Xiaomi ಆಗಸ್ಟ್‌ನಲ್ಲಿ Xiaomi Mix Fold 4 ಮತ್ತು Mix Flip ಫೋಲ್ಡಬಲ್ ಫೋನ್‌ಗಳನ್ನು ಚೀನಾದಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಅಧಿಕೃತ ಘೋಷಣೆಗೆ ಮುಂಚೆಯೇ ಪ್ರಮುಖ ಲೀಕರ್ ಇವಾನ್ ಬ್ಲಾಸ್ ಮಿಕ್ಸ್ ಫೋಲ್ಡ್ 4 ನ ಸೋರಿಕೆಯಾದ ರೆಂಡರ್ ಅನ್ನು ಮೊದಲ ಬಾರಿಗೆ ಬಹಿರಂಗಪಡಿಸಿದ್ದಾರೆ. ಹೆಚ್ಚುವರಿಯಾಗಿ ಈ ಟಿಪ್‌ಸ್ಟರ್ ಸಾಧನದ ಪ್ರಮುಖ ವಿಶೇಷತೆಗಳನ್ನು ಸಹ ಹಂಚಿಕೊಂಡಿದ್ದಾರೆ.

Xiaomi Mix Fold 4 ಇದರ ಬ್ಯಾಕ್‌ ಪ್ಯಾನೆಲ್ ಫಾಕ್ಸ್ ಲೆದರ್ ಫಿನಿಶ್ ಹೊಂದಿರಬಹುದು ಎಂದು ಚಿತ್ರವು ತೋರಿಸುತ್ತದೆ. ಮೇಲ್ಭಾಗದಲ್ಲಿ, ನಾಲ್ಕು ಕ್ಯಾಮೆರಾಗಳನ್ನು ಹೊಂದಿರುವ ಎತ್ತರದ ಆಯತಾಕಾರದ ಮಾಡ್ಯೂಲ್ ಅನ್ನು ಹೊಂದಿರುವ ಸಾಧ್ಯತೆ ಇದೆ. ಎಡಭಾಗದಲ್ಲಿ ಎಲ್ಇಡಿ ಫ್ಲ್ಯಾಷ್ ಮತ್ತು ಬಲಭಾಗದಲ್ಲಿ ಲೈಕಾ ಬ್ರ್ಯಾಂಡಿಂಗ್ ಹೊಂದಿದೆ. ಸಾಧನವು 10mm ಗಿಂತ ಕಡಿಮೆ ದಪ್ಪ ಇರುವ ಸಾಧ್ಯತೆ ಇದೆ ಎಂದು ಬ್ಲಾಸ್ ಹೇಳಿಕೊಂಡಿದ್ದಾರೆ. ಹೆಚ್ಚುವರಿಯಾಗಿ ಇದು IPX8 ರೇಟೆಡ್ ನೀರಿನ ಪ್ರತಿರೋಧವನ್ನು ಹೊಂದಿರುವ ಸಾಧ್ಯತೆ ಇದೆ.

Xiaomi Mix Fold 4 ಇದರ ಒಟ್ಟಾರೆ ವಿನ್ಯಾಸವು ಅದರ ಹಿಂದಿನ ಸರಣಿಗಿಂತ ಹೆಚ್ಚು ಪ್ರೀಮಿಯಂ ಆಗಿ ಕಾಣುತ್ತಿದೆ. ಲೀಕ್‌ ಆಗಿರುವ ಚಿತ್ರದಲ್ಲಿ 'ಕೆಲಸದ ಉತ್ಪನ್ನ' ಎಂದು ಲೇಬಲ್ ಮಾಡಲಾಗಿದೆ ಹಾಗಾಗಿ ಇದು ಅಂತಿಮ ವಿನ್ಯಾಸವನ್ನು ಪ್ರತಿನಿಧಿಸುವುದಿಲ್ಲ ಎಂಬುದನ್ನು ಗಮನಿಸಬೇಕು.

ವದಂತಿಯ ಪ್ರಕಾರ Xiaomi Mix Fold 4 ವಿಶೇಷತೆಗಳು:

Blass ಪ್ರಕಾರ, Xiaomi Mix Fold 4 ಇದು Snapdragon 8 Gen 3 ಪ್ರೊಸೆಸರ್ ಅನ್ನು ಹೊಂದಿರಲಿದೆ. ಇದು Vivo X Fold 3 Pro ಮತ್ತು Honor Magic V3 ನಂತಹ ಇತರ SD8G3 ಫೋಲ್ಡಬಲ್‌ಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ ಎಂದು ತಿಳಿಸಿದ್ದಾರೆ.

ಹಿಂಬದಿಯ ಕ್ಯಾಮೆರಾ ವ್ಯವಸ್ಥೆಯು ಲೈಕಾ ಸಮ್ಮಿಲಕ್ಸ್ ಲೆನ್ಸ್‌ಗಳನ್ನು ಹೊಂದಿರುವ 50MP ಮುಖ್ಯ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ. ಸಾಧನವು ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,000mAh ಗಿಂತ ಹೆಚ್ಚಿನ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಕಳೆದ ತಿಂಗಳು ಗುರುತಿಸಲಾದ Xiaomi Mix Fold 4 ಇದರ 3C ಪ್ರಮಾಣೀಕರಣವು ಇದು ಸ್ಯಾಟಲೈಟ್ ಸಂಪರ್ಕದ ಬೆಂಬಲದೊಂದಿಗೆ ಆಗಮಿಸಬಹುದು ಎಂದು ಬಹಿರಂಗಪಡಿಸಿದೆ. ಹಿಂದಿನ ವರದಿಯ ಪ್ರಕಾರ, ಸಾಧನದ ಕ್ವಾಡ್ ಕ್ಯಾಮೆರಾ ಸೆಟಪ್ OIS ನಿಂದ ಸಕ್ರಿಯಗೊಳಿಸಿದ 50 MP ಪ್ರಾಥಮಿಕ ಕ್ಯಾಮೆರಾ, 1/1.55 ಇಂಚಿನ ಸಂವೇದಕ ಗಾತ್ರದೊಂದಿಗೆ, 12 MP ಅಲ್ಟ್ರಾವೈಡ್ ಲೆನ್ಸ್, 2x ಆಪ್ಟಿಕಲ್ ಜೂಮ್ ಹೊಂದಿರುವ ಓಮ್ನಿವಿಷನ್ OV60A ಟೆಲಿಫೋಟೋ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ. ಮತ್ತು 5x ಆಪ್ಟಿಕಲ್ ಜೂಮ್‌ನೊಂದಿಗೆ 10 MP ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾ ಹೊಂದಿರಬಹುದು ಎಂದು ಹೇಳಲಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಕುರಿತು ಹೆಚ್ಚಿನ ಮಾಹಿತಿ ಬಹಿರಂಗವಾಗಿಲ್ಲ.