ಭಾರತೀಯ ಮಾರುಕಟ್ಟೆಗೆ ಬರಲಿದೆ ಡ್ಯುಯಲ್ ಸ್ಕ್ರಿನ್ ಸ್ಮಾರ್ಟ್ ಫೋನ್: ಏನಿದರ ವಿಶೇಷತೆ..?

ಚೀನಾ ಮಾರುಕಟ್ಟೆಯಲ್ಲಿ ಡ್ಯುಯಲ್ ಸ್ಕ್ರಿನ್ ಫೋನ್ ಬಿಡುಗಡೆಗೆ ಮುಂದಾಗಿದ್ದು, ಅಲ್ಲಿ ಲಾಂಚ್ ಆದ ಕೆಲವೇ ದಿನಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದೆ. ಈಗಾಗಲೇ ಯೊಟಾಫೋನ್ 4 ಲಾಂಚ್ ಮಾಡಲು ಸಿದ್ಧತೆ ನಡೆದಿದೆ.

By Precilla Dias

Published: Friday, June 23, 2017, 13:09 [IST]

ಡ್ಯುಯಲ್ ಸ್ಕ್ರಿನ್ ಗಳಿಗೆ ಹೆಸರಾದ ಯೊಟಾಫೋನ್ ಶೀಘ್ರವೇ ಭಾರತೀಯ ಮಾರುಕಟ್ಟೆಯಲ್ಲಿ ಪ್ರವೇಶಿಸಲಿದ್ದು, ಸದ್ಯ ಚೀನಾ ಮಾರುಕಟ್ಟೆಯಲ್ಲಿ ಡ್ಯುಯಲ್ ಸ್ಕ್ರಿನ್ ಫೋನ್ ಬಿಡುಗಡೆಗೆ ಮುಂದಾಗಿದ್ದು, ಅಲ್ಲಿ ಲಾಂಚ್ ಆದ ಕೆಲವೇ ದಿನಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದೆ. ಈಗಾಗಲೇ ಯೊಟಾಫೋನ್ 4 ಲಾಂಚ್ ಮಾಡಲು ಸಿದ್ಧತೆ ನಡೆದಿದೆ.

ಭಾರತೀಯ ಮಾರುಕಟ್ಟೆಗೆ ಬರಲಿದೆ ಡ್ಯುಯಲ್ ಸ್ಕ್ರಿನ್ ಸ್ಮಾರ್ಟ್ ಫೋನ್

ಸದ್ಯ ಯೊಟಾಫೋನ್ 3 ಭಾರಿ ಸದ್ದು ಮಾಡುತ್ತಿದ್ದು, ಇದು ಎರಡು ಮಾದರಿಯಲ್ಲಿ ಲಭ್ಯವಿದೆ ಎನ್ನಲಾಗಿದೆ. 64GB ಮತ್ತು 128 GB ಆವೃತ್ತಿಯಲ್ಲಿ ದೊರೆಯಲಿದೆ. ಅನುಕ್ರಮವಾಗಿ $350 (ರೂ.22,500) ಮತ್ತು $450 (ರೂ.29,000)ಗಳಾಗಲಿದೆ. ಈ ಸ್ಮಾರ್ಟ್ ಫೋನ್ ರಷ್ಯಾ ಮತ್ತು ಚೀನಾದಲ್ಲಿ ಮೊದಲು ದೊರೆಯಲಿದೆ. ನಂತರ ಭಾರತೀಯ ಮಾರುಕಟ್ಟೆಗೆ ಬರಲಿದೆ.

ಯೂಟಾಪೋನ್ 3 ಸ್ಮಾರ್ಟ್ ಫೋನಿನಲ್ಲಿ ಹಿಂಭಾಗ ಮತ್ತು ಮುಂಭಾಗದಲ್ಲಿ ಸ್ಕ್ರಿನ್ ಇದೆ. ಬ್ಯಾಕ್ ಸೈಡಿನಲ್ಲಿ ಇ-ಲಿಂಕ್ ಡಿಸ್ ಪ್ಲೇ ಕಾಣಬಹುದಾಗಿದ್ದು, ಮುಂಭಾಗದಲ್ಲಿ ಅಮೊಲೈಡ್ ಡಿಸ್ ಪ್ಲೇಯನ್ನು ಅಳವಡಿಸಲಾಗಿದೆ. ಇದನ್ನು ಬಿಟ್ಟರೆ ಮೊಬೈಲ್ ನಲ್ಲಿರುವ ಸ್ಕ್ರಿನ್ ಬಗ್ಗೆ ಹೆಚ್ಚಿನ ಮಾಹಿತಿಯೂ ಲಭ್ಯವಾಗಿಲ್ಲ.

ಯೊಟಾಫೋನ್ 3 ಗಿಂತಲೂ ಮುಂಚೆ ಯೊಟಾಪೋನ್ 2 ಕಾಣಿಸಿಕೊಂಡಿತ್ತು ಆದರೆ ಇದು ಭಾರತದಲ್ಲಿ ಲಭ್ಯವಿರಲಿಲ್ಲ. ಈ ಫೋನಿನ ವಿಶೇಷತೆಗಳು ಈ ಕೆಳಕಂಡತೆ ಇದೆ.

ಈ ಫೋನಿನಲ್ಲಿ ಮುಂಭಾಗದಲ್ಲಿ 4.3 ಇಂಚಿನ ಡಿಸ್ ಪ್ಲೇ ಹಿಂಭಾಗದಲ್ಲಿಯೂ 4.3 ಇಂಚಿನ ಡಿಸ್ ಪ್ಲೇ ಇದೆ. ಯೊಟಾಫೋನ್ ಫೋನ್ ಹಿಂಭಾಗದ ಡಿಸ್ ಪ್ಲೇ ನೋಟಿಫಿಕೇಷನ್ ಸಹ ತೋರಿಸಲಿದೆ. ಈ ಫೋನ್ ಗಳು 2GB RAM ಕಾಣಬಹುದಾಗಿದೆ. ಅಲ್ಲದೇ 1.7 GHz ಸ್ನಾಪ್ ಡ್ರಾಗನ್ 400 ಡ್ಯುಯಲ್ ಕೋರ್ ಪ್ರೋಸೆಸರ್ ಇತ್ತು.

ಇದಲ್ಲದೆ ಈ ಫೋನಿನ ಹಿಂಭಾಗದಲ್ಲಿ 13 MP ಕ್ಯಾಮೆರವನ್ನು ಮತ್ತು ಮುಂಭಾಗದಲ್ಲಿ 1 MP ಕ್ಯಾಮೆರಾವನ್ನು ನೀಡಲಾಗಿತ್ತು. ಇದರೊಂದಿಗೆ 1,800 mAh ಬ್ಯಾಟರಿಯನ್ನು ಇದರಲ್ಲಿ ಅಳವಡಿಸಲಾಗಿತ್ತು.