ತನ್ನ ಬಳಕೆದಾರರಿಗೆ ಹೊಸ ಫೀಚರ್ಸ್‌ ಪರಿಚಯಿಸಿದ ಯೂಟ್ಯೂಬ್‌!

ಹೌದು, ಜನಪ್ರಿಯ ಸೊಶೀಯಲ್‌ಮೀಡಿಯಾ ಆಪ್ಲಿಕೇಶನ್‌ ಯೂಟ್ಯೂಬ್‌ನಲ್ಲಿ ಇದೀಗ ಹೊಸದಾಗಿ ಎಕ್ಸ್‌ಪ್ಲೋರ್ ಟ್ಯಾಬ್ ಫಿಚರ್ಸ್‌ ಅನ್ನು ಪರಿಚಯಿಸಲಾಗಿದೆ. ಇದು ಅಂಡ್ರಾಯ್ಡ್‌ ಮತ್ತು ಐಒಎಸ್‌ ಎರಡು ಮಾದರಿಯ ಡಿವೈಸ್‌ಗಳಲ್ಲೂ ಸಹ ಲಭ್ಯವಾಗಲಿದೆ. ಯೂಟ್ಯೂಬ್‌ನ ಹೋಮ್‌ ಮೆನುವಿನ ಪಕ್ಕದಲ್ಲಿ ಎಕ್ಸ್‌ಪ್ಲೋರ್ ಐಕಾನ್ ಅನ್ನು ನೀಡಲಾಗಿದ್ದು, ಇದರ ಮೇಲೆ ಟ್ಯಾಪ್ ಮಾಡಿ ಸರ್ಚ್‌ ಪೇಜ್‌ ಓಪನ್‌ ಮಾಡಿದರೆ ಎಲ್ಲಾ ವಿಭಾಗದ ವಿಡಿಯೋಗಳನ್ನ ಕಾಣಬಹುದಾಗಿದೆ.

ಅಲ್ಲದೆ ಯೂಟ್ಯೂಬ್ ಪರಿಚಯಿಸಿರುವ ಎಕ್ಸಪ್ಲೋರ್‌ ಟ್ಯಾಬ್‌ ಫೀಚರ್ಸ್‌ ಮೇಲೆ ನೀವು ಟ್ಯಾಪ್‌ ಮಾಡಿದರೆ ಸಾಕು ಯೂಟ್ಯೂಬ್‌ನಲ್ಲಿ ಟ್ರೆಂಡಿಂಗ್ ಇರುವ , ಸಂಗೀತ, ಗೇಮಿಂಗ್, ಸುದ್ದಿ, ಚಲನಚಿತ್ರಗಳು ಮತ್ತು ಫ್ಯಾಷನ್ ಮತ್ತು ಸೌಂದರ್ಯದಂತ ವಿಡಿಯೋಗಳನ್ನ ವೀಕ್ಷಿಸಬಹುದಾಗಿದೆ. ಎಲ್ಲಾ ವರ್ಗದ ವಿಡಿಯೋಗಳು ಈ ಪೇಜ್‌ನಲ್ಲಿ ತೆರೆದುಕೊಳ್ಳುತ್ತವೆ. ಅಲ್ಲದೆ ಪ್ರತಿಯೊಂದು ವಿಭಾಗದ ವಿಡಿಯೋಗಳ ಪೇಜ್‌ಗಳನ್ನ ನೋಡಬಹುದಾಗಿರುತ್ತೆ. ಈ ವಿಡಿಯೋಗಳ ಮೇಲೆ ನೀವು ಟ್ಯಾಪ್ ಮಾಡಿ ವೀಕ್ಷಿಸಬಹುದು. ಇಲ್ಲವೆ ನಿಮಗೆ ಯಾವ ಪ್ರಕಾರದ ವಿಡಿಯೋಗಳು ಬೇಕೋ ಅದನ್ನ ಇಲ್ಲಿ ನೀವು ಪರಿಶೀಲಿಸಬಹುದಾಗಿದೆ.

ಇದಲ್ಲದೆ ಇತರೆ ವಿಡಿಯೋಗಳನ್ನ ನೀವು ಸರ್ಚ್‌ ಮಾಡುತ್ತಿದ್ದರೆ ನೀವು ಮತ್ತೆ ವಾಪಾಸ್‌ ಹೋಗುವ ಅಗತ್ಯವಿಲ್ಲ, ಏಕೆಂದರೆ ಬಳಕೆದಾರರು ಅದೇ ಪುಟದಿಂದ ಮುಂದಿನ ಟ್ಯಾಬ್‌ಗೆ ಹೋಗಬಹುದು. ಇನ್ನು ಯೂಟ್ಯೂಬ್‌ನಲ್ಲಿನ ಇತರ ಟ್ಯಾಬ್‌ಗಳಂತೆ, ಎಕ್ಸ್‌ಪ್ಲೋರ್ ಪೇಜ್‌ನಲ್ಲಿ ಸರ್ಚ್‌ ಟೂಲ್‌ ಕಾಸ್ಟಿಂಗ್‌ ಬಟನ್‌ ಅನ್ನು ಸಹ ಹೊಂದಿದೆ. ಜೊತೆಗೆ ಎಕ್ಸಪ್ಲೋರ್‌ ಟ್ಯಾಬ್‌ನಲ್ಲಿ ಓಪನ್‌‌ ಆದ ವಿಡಿಯೋಗಳ ಟೈಟಲ್‌ ಕಾರ್ಡ್‌ಗಳ ಕೆಳಗೆ ನ್ಯೂ ಕ್ರಿಯೇಟರ್ ಆನ್ ದಿ ರೈಸ್ ಅನ್ನುವ ವಿಭಾಗವನ್ನ ನೀಡಲಾಗಿದೆ. ಇದು ಒಬ್ಬ ಯೂಟ್ಯೂಬ್ ಚಾನೆಲ್‌ ಕ್ರಿಯೆಟರ್‌ ಹಾಗೂ ಕ್ರಿಯೆಟರ್‌ ವೀಡಿಯೊಗಳ ಪಟ್ಟಿಯನ್ನು ನೀಡಲಾಗಿರುತ್ತದೆ.

ಅಲ್ಲದೆ, ಯೂಟ್ಯೂಬ್‌ನಲ್ಲಿ ಟ್ರೆಂಡಿಂಗ್ ವೀಡಿಯೊಗಳ ಪಟ್ಟಿಯನ್ನು ತೋರಿಸುವ ಎಕ್ಸ್‌ಪ್ಲೋರ್ ಪುಟದಲ್ಲಿ ಫೀಡ್ ಕೂಡ ಇರುತ್ತದೆ. ಇನ್ನು ಕಳೆದ ನವೆಂಬರ್‌ನಲ್ಲಿ ಯೂಟ್ಯೂಬ್ ಅನ್ನು ರಿ ಡಿಸೈನ್‌ ಮಾಡಲಾಗಿದ್ದು, ಇದಾದ ನಂತರೆ ಈ ಫೀಚರ್ಸ್ ಅನ್ನು ಪರಿಚಯಿಸಲಾಗಿದ್ದು, ಹಲವು ಟ್ಯಾಭ್‌ಗಳನ್ನ ತೆರೆಯುವ ಬದಲು ಎಕ್ಸಪ್ಲೋರ್‌ ಮೂಲಕ ನಿಮಗೆ ಬೇಕಾದನ್ನೂ ಆರಿಸಿಕೊಳ್ಳುವ ಅವಕಾಶವನ್ನ ನೀಡಿದೆ. ಈ ಮೂಲಕ ಸಮಯದ ಉಳಿತಾಯವನ್ನ ಮಾಡಬಹುದು ಎಂದು ಯುಟ್ಯೂಬ್‌ ಹೇಳಿದೆ.

ಇದಲ್ಲದೆ ಯುಟ್ಯೂಬ್‌ ಹೋಮ್‌ಪೇಜ್‌ನಲ್ಲಿ ನೀವು ಆಯ್ಕೆ ಮಾಡಿದ ವರ್ಗದ ವೀಡಿಯೊಗಳನ್ನು ಹೈಲೈಟ್ ಮಾಡಲು ಹೆಚ್ಚಿನ ಸ್ಥಳವನ್ನು ಸಹ ನೀಡಲಾಗಿದೆ. ಈ ಹೊಸ ಫೀಚರ್ಸ್‌ನಿಂದಾಗಿ ಇನ್ಮುಂದೆ ಯುಟ್ಯೂಬ್‌ ಬಳಕೆದಾರರು ಕೇವಲ ಎಕ್ಸಪ್ಲೋರ್‌ ಟ್ಯಾಬ್‌‌ ಅನ್ನು ಟ್ಯಾಪ್‌ ಮಾಡಿದರೆ ಸಾಕು ಎಲ್ಲಾ ಮಾದರಿಯ ವಿಡಿಯೋಗಳನ್ನ ನೋಡಬಹುದಾಗಿದೆ.