ಚಂದ್ರಯಾನ-2 ಚಂದ್ರನ ಕಕ್ಷೆಗೆ ತಲುಪುವುದು ಯಾವಾಗ ಗೊತ್ತಾ?

ಮೂರು ಮಾಡ್ಯೂಲ್:

ಜುಲೈ 22 ರಂದು ಉಡಾವಣೆಯಾದ ಆರ್ಬಿಟರ್,ಲ್ಯಾಂಡರ್ ಮತ್ತು ರೋವರ್ ನ್ನು ಒಳಗೊಂಡ ಮೂರು ಮಾಡ್ಯೂಲ್ ನ್ನು ಹೊಂದಿರುವ 3,850 ಕೆಜಿ ತೂಕದ ಚಂದ್ರಯಾನ-2 ಬಾಹ್ಯಾಕಾಶ ನೌಕೆ ಚಂದ್ರನ ಮೇಲೆ ಸೆಪ್ಟೆಂಬರ್ 7 ರಂದು ಇಳಿಯಲಿದೆ ಎಂದು ಇಸ್ರೋ ಮುಖ್ಯಸ್ಥರು ಹೇಳಿದ್ದಾರೆ.

ಪ್ರಮುಖ ಕುಶಲತೆ:

"ಜುಲೈ 22 ರಂದು ಚಂದ್ರಯಾನ-2ವನ್ನು ಉಡಾವಣೆ ಮಾಡಿದ ನಂತರ ಐದು ಪ್ರಮುಖ ಕುಶಲತೆಯನ್ನು ನಾವು ಮಾಡಿದ್ದೇವೆ. ಇದೀಗ ಭೂಮಿಯ ಸುತ್ತ ಚಂದ್ರಾಯಣ-2 ರ ಸಂಯೋಜಿತ ದೇಹವು ಸುತ್ತುತ್ತಿದೆ" ಎಂದು ಅವರು ಹೇಳಿದ್ದಾರೆ.

ಇಂದು ನಿರ್ಣಾಯಕ ಕುಶಲತೆ:

ಮುಂದಿನ ಅತ್ಯಂತ ಪ್ರಮುಖ ಮತ್ತು ನಿರ್ಣಾಯಕ ಕುಶಲತೆಯು ಇಂದು ನಡೆಯಲಿದೆ. ಆಗಸ್ಟ್ 14 ರ 3.30 ರ ಬೆಳಿಗ್ಗೆ ಟ್ರಾನ್ಸ್-ಲೂನಾರ್ ಇಂಜೆಕ್ಷನ್ ಎಂಬ ಕುಶಲತೆಯನ್ನು ಮಾಡಿದ್ದಾರೆ. ಇದರಿಂದಾಗಿ ಚಂದ್ರಯಾನ-2 ಭೂಮಿಯನ್ನು ಬಿಟ್ಟು ಚಂದ್ರನೆಡೆಗೆ ಚಲಿಸಲು ಪ್ರಾರಂಭಿಸುತ್ತದೆ. ಆಗಸ್ಟ್ 20 ರಂದು ಚಂದ್ರನನ್ನು ತಲುಪಲಾಗುತ್ತದೆ

ಚಂದ್ರನ ಸುತ್ತ ಸುತ್ತುವುದು ಯಾವಾಗ?

ನಂತರ ಚಂದ್ರನ ಕಕ್ಷೆಯ ಅಳವಡಿಕೆಯನ್ನು ಕೈಗೊಳ್ಳಲು ಪ್ರಾರಂಭಿಸಲಾಗುತ್ತದೆ. ಈ ಪ್ರಕ್ರಿಯೆ ಮೂಲಕ ಚಂದ್ರಯಾನ-2 ಆಗಸ್ಟ್ 20 ರಂದು ಚಂದ್ರನ ಸುತ್ತ ಇರುತ್ತದೆ. ನಂತರ ನಾವು ಸರಣಿ ಕುಶಲತೆಯನ್ನು ಚಂದ್ರನ ಸುತ್ತ ನಡೆಸಲು ಪ್ರಾರಂಭಿಸುತ್ತೇವೆ. ಅಂತಿಮವಾಗಿ ಸೆಪ್ಟೆಂಬರ್ 7 ರಂದು ಚಂದ್ರನ ದಕ್ಷಿಣ ದ್ರುವದ ಬಳಿ ಇಳಿಯಲಾಗುತ್ತದೆ ಎಂದು ಇಸ್ರೋ ಮುಖ್ಯಸ್ಥರು ತಿಳಿಸಿದ್ದಾರೆ.

ಇಸ್ರೋ ವಿಜ್ಞಾನಿಗಳು ಫುಲ್ ಬ್ಯುಸಿ:

ಬಾಹ್ಯಾಕಾಶವು ಅತ್ಯಂತ ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತಿದೆ ಮತ್ತು ಎಲ್ಲಾ ರೀತಿಯಲ್ಲೂ ಅದರ ವ್ಯವಸ್ಥೆಗಳು ಅತ್ಯುತ್ತಮವಾಗಿ ಕೆಲಸ ಮಾಡುತ್ತಿದೆ. ಮುಂದಿನ ಕೆಲವು ತಿಂಗಳು ಇಸ್ರೋ ವಿಜ್ಞಾನಿಗಳು ಸಿಕ್ಕಾಪಟ್ಟೆ ಬ್ಯುಸಿಯಾಗಿರುತ್ತಾರೆ. ವಿಶೇಷವಾಗಿ ಡಿಸೆಂಬರ್ ನಲ್ಲಿ ಬಾಹ್ಯಾಕಾಶ ಸಂಸ್ಥೆ ಸಣ್ಣ ಉಪಗ್ರಹಗಳನ್ನು ಉಡಾಯಿಸುವ ಉದ್ದೇಶವನ್ನು ಹೊಂದಿದೆ. ಡಿಸೆಂಬರ್ ನಲ್ಲಿ ನಾವು ಪ್ರಮುಖ ಮಿಷನ್ ನ್ನು ಕೈಗೊಳ್ಳುತ್ತಿದ್ದೇವೆ.ಇದು ಸಣ್ಣ ಉಪಗ್ರಹ ಲಾಂಚರ್. ಈ ಮಿಷನ್ ನ್ನು ನಾವು ಮೊದಲ ಬಾರಿಗೆ ಕೈಗೊಳ್ಳಲು ಹೊರಟಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.

ಎನಿ ವೇ ಇಸ್ರೋ ವಿಜ್ಞಾನಿಗಳಿಗೆ ಈ ನಿಟ್ಟಿನಲ್ಲಿ ನಾವು ಕೂಡ ಆಲ್ ದಿ ಬೆಸ್ಟ್ ಹೇಳೋಣ.