2020ಕ್ಕೆ ಶುರುವಾಗಲಿದೆ ಉಬರ್ ಏರ್‌: ಟ್ರಾಫಿಕ್ ಇದ್ರೆ ಚಿಂತೆ ಇಲ್ಲ, ಆಗಸದಲ್ಲಿ ಹಾರಾಡಿ..!

ಮಹಾನಗರಗಳಲ್ಲಿ:

ದೇಶದ ಪ್ರಮುಖ ಮಹಾನಗರಗಳಲ್ಲಿ ಉಬರ್ ಏರ್‌ ಸೇವೆಯನ್ನು ಆರಂಭಿಸಿಸಲು ರೂಪ ರೇಷೆ ತಯಾರಾಗುತ್ತಿದೆ. ಕಾರಣ ದೇಶದ ಮಹಾನಗರಗಳ ರಸ್ತೆಗಳು ಕಿಕ್ಕಿರಿದು ತುಂಬಿಕೊಳ್ಳುತ್ತಿದ್ದು, ಈ ಹಿನ್ನಲೆಯಲ್ಲಿ ವಾಯು ಮಾರ್ಗವೇ ಇದಕ್ಕೆ ಪರಿಹಾರ ಎನ್ನುವ ಕಾರಣಕ್ಕೆ ಉಬರ್ ಏರ್‌ ಸೇವೆಯನ್ನು ಆರಂಭಿಸಲು ಮುಂದಾಗಿದೆ.

ಐದು ದೇಶಗಳಲ್ಲಿ;

ಮೊದಲಿಗೆ ಉಬರ್ ಆರಂಭಿಸಲಿ ಏರ್ ಟ್ಯಾಕ್ಸಿ ಸೇವೆಯೂ ಭಾರತ, ಜಪಾನ್, ಫ್ರಾನ್ಸ್, ಆಸ್ಟ್ರೇಲಿಯಾ ಮತ್ತು ಬ್ರೆಜಿಲ್ ದೇಶದಲ್ಲಿ ಆರಂಭವಾಗಲಿದೆ. ಇದಾದ ನಂತರದಲ್ಲಿ ವಿಶ್ವದ ಬೇರೆ ಬೇರೆ ರಾಷ್ಟ್ರಗಳಲ್ಲಿ ಈ ಸೇವೆಯನ್ನು ಶುರು ಮಾಡಲಿದೆ ಎನ್ನಲಾಗಿದೆ.

2020ಗೆ ಆರಂಭ:

ಈಗಾಗಲೇ ಏರ್‌ಟ್ಯಾಕ್ಸಿ ಸೇವೆಯನ್ನು ಆರಂಭಿಸಲು ಗ್ರೌಂಡ್ ವರ್ಕ್ ಆರಂಭಿಸಿರುವ ಉಬರ್, 2020ಕ್ಕೆ ಈ ಸೇವೆಯನ್ನು ಲಾಂಚ್ ಮಾಡಲಿದೆ. ಆದರೆ ಸಾಮಾನ್ಯ ಪ್ರಯಾಣಿಕರು 2023ಯಿಂದ ಈ ಸೇವೆಯ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ.

ಮೊದಲಿಗೆ ಮುಂಬೈನಲ್ಲಿ:

ಏರ್‌ ಟ್ಯಾಕ್ಸಿ ಸೇವೆಯೂ ಮೊದಲಿಗೆ ಮುಂಬೈನಲ್ಲಿ ಆರಂಭವಾಗಲಿದೆ ಎನ್ನಲಾಗಿದೆ. ಮುಂಬೈ ಏರ್‌ಪೋರ್ಟ್‌ನಿಂದ ಮುಂಬೈ ರೈಲ್ವೆ ನಿಲ್ದಾಣಕ್ಕೆ ಮೊದಲ ಉಬರ್ ಏರ್‌ಟ್ಯಾಕ್ಸಿ ಹಾರಾಟವನ್ನು ನಡೆಸಲಿದೆ.

ಬದಲಾಗಲಿದೆ ಜಗತ್ತು:

ಇದು ತಂತ್ರಜ್ಞಾನದಿಂದ ಬದಲಾಗುತ್ತಿರುವ ಜಗತ್ತಿಗೆ ಹಿಡಿದ ಕೈಗನ್ನಡಿಯಾಗುತ್ತಿದೆ. ಮಹನಗರಗಳ ಸಂಚಾರ ಪ್ರಕ್ರಿಯೆಗೆ ಇದು ಹೊಸ ಪರಿಹಾರ ಎನ್ನಲಾಗುತ್ತಿದೆ. ಉಬರ್ ಏರ್‌ ಟ್ಯಾಕ್ಸಿ ಸೇವೆಗೆ ಹೆಚ್ಚಿನ ಪ್ರಮಾಣದಲ್ಲಿ ಬೆಂಬಲವು ದೊರೆಯಲಿದೆ.

ವಿಡಿಯೋ ನೋಡಿ

ಉಬರ್ ಹೇಗೆ ಕಾರ್ಯನಿರ್ವಹಿಸಲಿದೆ ಎಂಬುದನ್ನು ಈ ವಿಡಿಯೋದಲ್ಲಿ ನೋಡಿ.