ಭೀಮ್ ಆಪ್ ವರ್ತಕ ಬಳಕೆದಾರರಿಗೆ ಕ್ಯಾಷ್ ಬ್ಯಾಕ್ ಆಫರ್..!

ವರ್ತಕರಿಕೆ ಕ್ಯಾಷ್‌ಬ್ಯಾಕ್‌ ಕೊಡುಗೆ:

ಭೀಮ್ ಆಪ್ ಬಳಕೆ ಮಾಡಿಕೊಂಡು ವಹಿವಾಟು ನಡೆಸುವ ವರ್ತಕರಿಗೆ ನೀಡಿದ್ದ ಕ್ಯಾಷ್‌ಬ್ಯಾಕ್‌ ಕೊಡುಗೆ 2018ರ ಮಾರ್ಚ್‌ 31ರವರೆಗೆ ವಿಸ್ತರಣೆ ಮಾಡಲು ಕೇಂದ್ರ ಸರಕಾರವು ಮುಂದಾಗಿದೆ.

ಕನಿಷ್ಠ 20 ವಹಿವಾಟು ನಡೆಸಬೇಕು:

ಒಂದು ತಿಂಗಳಿನಲ್ಲಿ ಭೀಮ್‌ ಆ್ಯಪ್‌ ಬಳಸಿ ಕನಿಷ್ಠ 20 ವಹಿವಾಟು ನಡೆಸಿದ್ದರೆ ಮಾತ್ರವೇ ವರ್ತಕರೂ ಈ ಕ್ಯಾಷ್‌ಬ್ಯಾಕ್‌ ಕೊಡುಗೆಯ ಲಾಭವನ್ನು ಪಡೆಯಲು ಸಾಧ್ಯ ಎನ್ನಲಾಗಿದೆ.

ರೂ.1000 ವರೆಗೂ ಕ್ಯಾಷ್ ಬ್ಯಾಕ್:

ವರ್ತಕರು ಪ್ರತಿ ತಿಂಗಳು ಕನಿಷ್ಠ ರೂ. 25 ಮೌಲ್ಯದ 20 ವಹಿವಾಟು ನಡೆಸಿರಬೇಕು ಎನ್ನಲಾಗಿದೆ. ಇಷ್ಟನ್ನು ನಡೆಸಿದರೆ ಮಾತ್ರ ಒಂದು ತಿಂಗಳ ಕ್ಯಾಷ್‌ಬ್ಯಾಕ್ ರೂ.1,000ವರೆಗೂ ಪಡೆಬಹುದಾಗಿದೆ.

ಏಪ್ರೀಲ್ 14 ರಿಂದ ಜಾರಿಯಲ್ಲಿದೆ:

ನೋಟ ನಿ‍ಷೇಧದ ನಂತರದಲ್ಲಿ ಖಾಸಗಿ ಆಪ್ ಗಳ ಮೂಲಕ ನಗದು ರಹಿತ ವಹಿವಾಟು ಜೋರಾಗಿ ನಡೆಯುತ್ತಿದ್ದರಿಂದ ಭೀಮ್ ಆಪ್ ಮೂಲಕವೇ ನಗದು ರಹಿತ ವಹಿವಾಟು ಉತ್ತೇಜಿಸುವ ಸಲುವಾಗಿ ಪ್ರಧಾನಿ ನರೇಂದ್ರ ಮೋದಿ ಏಪ್ರಿಲ್‌ 14 ರಂದು ಈ ಕ್ಯಾಷ್ ಬ್ಯಾಕ್ ಯೋಜನೆಗೆ ಚಾಲನೆ ನೀಡಿದ್ದರು.