ಪ್ರಯಾಣಿಕರಿಗೆ ಬರೆ ಎಳೆದ ಸರಕಾರದ ನಿರ್ಧಾರ: ಓಲಾ-ಉಬರ್ ದರ ಡಬ್ಬಲ್

ಟ್ಯಾಕ್ಸಿಗಳ ಪ್ರಯಾಣ ದರ ದುಬಾರಿ

ಸಾರಿಗೆ ಇಲಾಖೆಯ ಆಯುಕ್ತರು ಕನಿಷ್ಠ ಹಾಗೂ ಗರಿಷ್ಠ ಪ್ರಯಾಣ ದರವನ್ನು ನಿಗದಿಪಡಿಸಲು ಪ್ರಧಾನ ಕಾರ್ಯದರ್ಶಿಗೆ ಹೊಸದೊಂದು ಪ್ರಸ್ತಾವ ಸಲ್ಲಿಸಿದ್ದು, ಅದಕ್ಕೆ ಒಪ್ಪಿಗೆ ಸಿಕ್ಕರೆ ಟ್ಯಾಕ್ಸಿಗಳ ಪ್ರಯಾಣ ದರ ದುಬಾರಿಯಾಗಲಿದೆ.

ಪ್ರಯಾಣಿಕರ ವಿರೋಧ:

ಒಂದು ವೇಳೆ ದರ ಹೆಚ್ಚಾಗಿದ್ದರೇ ಕಡಿಮೆ ಮಾಡಲು ಸರಕಾರವೂ ಮುಂದಾಗಬೇಕು. ಆದರೆ ದರಗಳು ಕಡಿಮೆ ಸಂದರ್ಭದಲ್ಲಿ ಅದನ್ನು ಹೆಚ್ಚು ಮಾಡುತ್ತಿರುವುದು ಎಷ್ಟು ಸರಿ ಎಂದು ಪ್ರಯಾಣಿಕರು ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಕನಿಷ್ಠ ಪ್ರಯಾಣ ದರದ ಅಗತ್ಯವಿಲ್ಲ. ಗರಿಷ್ಠ ದರವನ್ನು ಮಾತ್ರನಿಗದಿಪಡಿಸಬೇಕು ಎನ್ನುತ್ತಿದ್ದಾರೆ.

ಡಬ್ಬಲ್ ಆಗಲಿದೆ:

ಸದ್ಯ ನಗರದಲ್ಲಿ ಓಲಾ, ಉಬರ್‌, ಹೈ ಕಂಪೆನಿಗಳು ಆಪ್ ಆಧಾರಿತ ಟ್ಯಾಕ್ಸಿ ಸೇವೆಯನ್ನು ನೀಡುತ್ತಿವೆ. ಇವು ಸದ್ಯ ಕಿ.ಮೀ ರೂ.6 ರಿಂದ ಪ್ರಯಾಣಿಕರಿಗೆ ಸೇವೆ ನೀಡುತ್ತಿವೆ ಆದರೆ ಈಗ ಕನಿಷ್ಠ ದರ ರೂ. 12 ಹಾಗೂ ಗರಿಷ್ಠ ರೂ. 25 ಮಾಡಬೇಕು ಎಂದು ಪ್ರಸ್ತಾವದಲ್ಲಿ ತಿಳಿಸಲಾಗಿದೆ

ಬೆಲೆಯಲ್ಲಿ ಭಾರೀ ವ್ಯತ್ಯಾಸ:

• ಓಲಾ ಮೈಕ್ರೊ - ಉಬರ್‌ ಗೋ ಸೇವೆ:ಹಿಂದೆ ಕಿ.ಮೀಗೆ ರೂ. 6 ಈಗ ಕನಿಷ್ಠ ರೂ. 12 ಹಾಗೂ ಗರಿಷ್ಠ ರೂ. 23 ಮಾಡಲಾಗಿದೆ.
• ಓಲಾ ಮಿನಿ - ಉಬರ್‌ ಎಕ್ಸ್‌ ಸೇವೆ: ಹಿಂದೆ ಕಿ.ಮೀಗೆ ರೂ.8 ಇದ್ದದ್ದು, ಈಗ ಕನಿಷ್ಠ ರೂ.13 ಮತ್ತು ಗರಿಷ್ಠ ರೂ. 25 ನಿಗದಿಪಡಿಸಲಾಗಿದೆ.
• ಓಲಾ ಪ್ರೈಮ್‌ - ಉಬರ್‌ ಎಕ್ಸ್‌ಎಲ್‌ ಸೇವೆ: ಮೊದಲು ರೂ.10 ಇದ್ದದ್ದು, ಈಗ ಕನಿಷ್ಠ ರೂ. 14 ಹಾಗೂ ಗರಿಷ್ಠ ರೂ. 26 ಮಾಡಲಾಗಿದೆ.
• ಐಷಾರಾಮಿ ಟ್ಯಾಕ್ಸಿ: ಪ್ರತಿ ಕಿ.ಮೀ ದರವು ರೂ. 25 ರಿಂದ ರೂ. 30 ನಿಗಧಿಯಾಗಿದೆ.