ಪ್ರೈ,ಮ್ ಸದಸ್ಯತ್ವ ಪಡೆಯುವ ಮುನ್ನ ಮೈ ಜಿಯೋ ಆಪ್‌ನಲ್ಲಿ ಅಡಗಿರುವ ವಿಷಯಗಳ ಬಗ್ಗೆ ನಿಮಗೆಷ್ಟು ಗೊತ್ತು..?

4G ಡೇಟಾ ಕುರಿತ ಮಾಹಿತಿ:

ನಿಮ್ಮ ಸ್ಮಾರ್ಟ್‌ಪೋನಿನಲ್ಲಿ ಇನ್‌ಸ್ಟಾಲ್ ಮಾಡಿರುವ ಮೈ ಜಿಯೋ ಆಪ್‌ ಅನ್ನು ಓಪನ್ ಮಾಡಿದ ಸಂದರ್ಭದಲ್ಲಿ ಆನ್‌ನ ಕೆಳ ಭಾಗದಲ್ಲಿ 'Usage' ಬಟನ್ ಕಾಣಲಿದ್ದು, ಅದನ್ನ ಕ್ಲಿಕ್ ಮಾಡಿದರೆ ನೀವು ಯಾವ ಸಮಯದಲ್ಲಿ ಎಷ್ಟು ಡೇಟಾ ಬಳಕೆ ಮಾಡಿದ್ದೀರಾ ಮತ್ತು ಉಳಿದ ಡೇಟಾ ಎಷ್ಟು ಎಂಬುದನ್ನು ತೋರಿಸಲಿದೆ. ಅಲ್ಲದೇ ಅದಕ್ಕೆ ವಿಧಿಸಿರುವ ದರವೇನು ಎಂಬುದು ಸಹ ತಿಳಿಯಲಿದೆ.

ಆಪ್‌ಗ್ರೇಡ್ ಮತ್ತು ಟ್ಯಾರಿಫ್ ಪ್ಲಾನ್‌ಗಳ ಕುರಿತ ಮಾಹಿತಿ:

ಸ್ಮಾರ್ಟ್‌ಪೋನಿನಲ್ಲಿರುವ ಜಿಯೋ ಆಪ್ ಓಪನ್ ಮಾಡಿದ ಸಂದರಭದಲ್ಲಿ ಆಪ್ ಕೆಳ ಭಾಗದಲ್ಲಿರುವ 'Recharge' ಬಟನ್ ಕ್ಲಿಕ್ ಮಾಡಿದರೆ ನಿಮ್ಮ ನಂಬರ್‌ಗೆ ಲಭ್ಯವಿರುವ ಪ್ಲಾನ್‌ಗಳ ಕುರಿತ ಸಂಪೂರ್ಣ ಮಾಹಿತಿ ಲಭ್ಯವಾಗಲಿದೆ. ಇಲ್ಲಿ ನೀವು ಪೈಮ್‌ ಮೆಂಬರ್ ಶಿಪ್ ಪಡೆಯಬಹುದಾಗಿದೆ, ಅಲ್ಲದೇ ಪ್ರತಿ ತಿಂಗಳು ನೀವು ಬಳಸಲು ಬಯಸುವ ಪ್ಲಾನ್‌ಗಳನ್ನು ನೀವು ಇಲ್ಲಿ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಅಲ್ಲದೇ ಇಲ್ಲಿ ಡೇಟಾ ಬೂಸ್ಟರ್‌ ಪ್ಲಾನ್‌ಗಳ ಸಂಪೂರ್ಣ ಮಾಹಿತಿ ಲಭ್ಯವಿರಲಿದೆ.

ಡೇಟಾ ಬಳಕೆಯ ಕುರಿತ ಮಾಹಿತಿ;

ನಿಮ್ಮ ಜಿಯೋ ಆಪ್‌ನಲ್ಲಿಯೇ ನೀವು ಬಳಕೆ ಮಾಡುತ್ತಿರುವ ಡೇಟಾ ಉಚಿತ ಕೊಡುಗೆಯನ್ನು ಮೀರಿ ಹೆಚ್ಚಾಗುತ್ತಿದ್ದರೆ ಎಚ್ಚರಿಕೆಯನ್ನು ನೀಡುವಂತೆ ಮಾಡಿಕೊಳ್ಳಬಹುದಾಗಿದ್ದು, ನಿಮ್ಮ ಆಫರ್‌ನಲ್ಲಿ ಎಷ್ಟು ಬಳಕೆ ಮಾಡಬೇಕು ಎಂಬುದನ್ನು ನಿರ್ಧರಿಸಿದರೆ ಸಾಕು. ಅದು ಮುಗಿಯುತ್ತಾ ಬಂದತೆ ನಿಮ್ಮನ್ನು ಎಚ್ಚರಿಸುತ್ತದೆ. ಇದಕ್ಕಾಗಿ ನೀವು ಸೆಟ್ಟಿಂಗ್ಸ್‌ನಲ್ಲಿ 'Alert me' ಆಯ್ಕೆಯನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ.