ವಾಟ್ಸ್‌ಆಪ್‌ಗೆ ಸೆಡ್ಡು ಹೊಡೆದ ಫೇಸ್‌ಬುಕ್: ಶೀಘ್ರವೇ FB ಪೇಮೆಂಟ್ ಸೇವೆ..!

ವಾಟ್ಸ್‌ಆಪ್‌ನಿಂದ ಮಾಹಿತಿ:

ಈ ಹಿಂದೆಯೇ ವಾಟ್ಸ್‌ಆಪ್ ತನ್ನ ಪೇಮೆಂಟ್ ಮಾಹಿತಿಯನ್ನು ಪೇರೆಂಟ್ ಕಂಪನಿ ಫೇಸ್‌ಬುಕ್ ನೊಂದಿಗೆ ಹಂಚಿಕೊಳ್ಳುವುದಾಗಿ ಅಧಿಕೃತ ಮಾಹಿತಿಯನ್ನು ನೀಡಿತ್ತು. ಇದು ಯಾವ ಕಾರಣಕ್ಕೆ ಎನ್ನುವುದು ಬಹಿರಂಗಗೊಂಡಿದ್ದು, ಫೇಸ್‌ಬುಕ್ ಪೇಮೆಂಟ್ ಸೇವೆಯನ್ನು ಆರಂಭಿಸುತ್ತಿದ್ದು ಇದಕ್ಕಾಗಿಯೇ ಮಾಹಿತಿಯನ್ನು ಪಡೆಕೊಳ್ಳುತ್ತಿದೆ.

ಮೆಸೆಂಜರ್ ನಲ್ಲಿ ಪೇಮೆಂಟ್:

ಈಗಾಗಲೇ ಫೇಸ್‌ಬುಕ್‌ ಬಳಕೆದಾರರು ಹೆಚ್ಚಿನ ಸಂಖ್ಯೆಯಲ್ಲಿ ಬಳಕೆ ಮಾಡಿಕೊಳ್ಳುತ್ತಿರುವ ಫೇಸ್‌ಬುಕ್ ಮೆಸೆಂಜರ್ ಆಪ್‌ನಲ್ಲಿಯೇ ಪೇಮೆಂಟ್ ಸೇವೆಯನ್ನು ನೀಡಲು ಫೇಸ್‌ಬುಕ್ ಯೋಜನೆಯೊಂದನ್ನು ರೂಪಿಸುತ್ತಿದೆ. ಇದರಿಂದಾಗಿ ಬಳಕೆದಾರರಿಗೆ ಹೆಚ್ಚಿನ ಲಾಭವನ್ನು ಮಾಡಿಕೊಡಲಿದೆ.

ಪರೀಕ್ಷೆ ನಡೆದಿದೆ:

ಈಗಾಗಲೇ ಫೇಸ್‌ಬುಕ್ ತನ್ನ ಮೆಸೆಂಜರ್ ಆಪ್ ನಲ್ಲಿ ಪೇಮೆಂಟ್ ಸೇವೆಯನ್ನು ನೀಡುವ ಸಲುವಾಗಿ ಪರೀಕ್ಷೆಯನ್ನು ಆರಂಭಿಸಿದೆ ಎನ್ನಲಾಗಿದೆ. ಈಗಾಗಲೇ ವಾಟ್ಸ್‌ಆಪ್ ನಲ್ಲಿ UPI ಪೇಮೆಂಟ್ ಆಯ್ಕೆಯನ್ನು ನೀಡುರುವ ಅನುಭವನ್ನು ಹೊಂದಿರುವ ಹಿನ್ನಲೆಯಲ್ಲಿ ಶೀಘ್ರವೇ ಮೆಸೆಂಜರ್ ಪೇಮೆಂಟ್ ಬಳಕೆಗೆ ದೊರೆಯಲಿದೆ.

ಅನೇಕ ಸೇವೆಗಳು:

ಫೇಸ್‌ಬುಕ್ ಪೇಮೆಂಟ್ ಸೇವೆಯನ್ನು ಮೆಸೆಂಜರ್ ನಲ್ಲಿ ನೀಡಲಿದ್ದು, ಇದರಲ್ಲಿ ಬಳಕೆದಾರರಿಗೆ ರಿಚಾರ್ಜ್ ಮಾಡಿಕೊಳ್ಳುವ ಅವಕಾಶವಲ್ಲದೇ, DTH, ಬ್ರಾಡ್ ಬ್ಯಾಂಡ್ ಸೇರಿದಂತೆ ಹಲವು ಸೇವೆಯನ್ನು ನೀಡಲಿದೆ ಎನ್ನಲಾಗಿದೆ.

ಫೇಸ್‌ಬುಕ್‌ ಆಪ್‌ನಲ್ಲಿಯೂ:

ಮೂಲಗಳ ಪ್ರಕಾರ ಫೇಸ್‌ಬುಕ್ ಆಪ್‌ನಲ್ಲಿಯೂ ಪೇಮೆಂಟ್ ಸೇವೆಯನ್ನು ನೀಡಲು ಮುಂದಾಗಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಈಗಾಗಲೇ ಫೇಸ್‌ಬುಕ್‌ ನಲ್ಲಿ ಮೊಬೈಲ್ ರಿಚಾರ್ಜ್ ಮಾಡಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ. ಈ ಹಿನ್ನಲೆಯಲ್ಲಿ ಶೀಘ್ರವೇ ಫೇಸ್‌ಬುಕ್‌ ಆಪ್‌ನಲ್ಲಿ ಪೇಮೆಂಟ್ ಮಾಡಬಹುದಾಗಿದೆ.

ಒಂದೇ ಸೂರಿನಲ್ಲಿ ಎಲ್ಲಾ:

ಈಗಾಗಲೇ ಫೇಸ್‌ಬುಕ್ ತನ್ನ ಬಳಕೆದಾರರಿಗೆ ಮಾರ್ಕೆಟ್ ಪ್ಲೇಸ್ ಎನ್ನುವ ಸೇವೆಯೊಂದನ್ನು ನೀಡುತ್ತಿದ್ದು, ಇದಕ್ಕೆ ಸಹಾಯವಾಗುವಂತೆ ಮೆಸೆಂಜರ್ ವಿನ್ಯಾಸ ಮಾಡಿದೆ. ಈಗ ಪೇಮೆಂಟ್ ಸಹ ಆರಂಭಿಸುತ್ತಿದ್ದು, ಆನ್‌ಲೈನಿಲ್ಲಿ ಒಂದೇ ಸೂರಿನಲ್ಲಿ ಎಲ್ಲವನ್ನು ನೀಡಲು ಮುಂದಾಗುತ್ತಿದೆ ಎನ್ನಲಾಗಿದೆ.

ವಾಟ್ಸ್‌ಆಪ್ ಪ್ರತಿ ಸ್ಪರ್ಧಿ:

ಈಗಾಗಲೇ ಮಾರುಕಟ್ಟೆಯಲ್ಲಿ 250 ಮಿಲಿಯನ್ ಬಳಕೆದಾರರನ್ನು ಹೊಂದಿರುವ ವಾಟ್ಸ್‌ಆಪ್, ಅತೀ ಹೆಚ್ಚು ಮಂದಿ ಬಳಕೆ ಮಾಡಿಕೊಳ್ಳುವ ಪೇಮೆಂಟ್ ಆಪ್ ಎನ್ನುವ ಖ್ಯಾತಿಗೆ ಪಾತ್ರವಾಗಿದೆ. ಈ ಹಿನ್ನಲೆಯಲ್ಲಿ ವಾಟ್ಸ್‌ಆಪ್‌ಗೆ ತಾನೇ ಸೆಡ್ಡು ಹೊಡೆಯುವ ಎನ್ನುವ ಯೋಜನೆಗೆ ಫೇಸ್‌ಬುಕ್‌ ಮುಂದಾಗಿದೆ.

What is Jio Cricket Gold Pass? How to Buy it

ಎಲ್ಲರಿಗೂ ಹೊಡೆತ:

ಫೇಸ್‌ಬುಕ್ ಆಪ್‌ ನಲ್ಲಿ ಪೇಮೆಂಟ್ ಸೇವೆಯನ್ನು ನೀಡುವ ಮೂಲಕ ವಾಟ್ಸ್‌ಆಪ್ ಪೇಮೆಂಟ್ ಸೇರಿದಂತೆ, ಗೂಗಲ್ ತೇಜ್, ಪೇಟಿಎಂ, ಪೇನ್‌ಪೇ, ಭೀಮ್ ಸೇರಿದಂತೆ UPI ಆಧಾರಿತ ಸೇವೆಯನ್ನು ನೀಡುತ್ತಿರುವ ಆಪ್‌ಗಳಿಗೆ ಭಾರಿ ಹೊಡೆತವನ್ನು ನೀಡಲಿದೆ ಎನ್ನುವ ಮಾತುಗಳು ಕೇಳಿ ಬಂದಿದೆ.