ಸ್ಮಾರ್ಟ್‌ಫೋನ್ ಬಳಕೆದಾರರೇ CC ಕ್ಲಿನರ್ ಅನ್‌ಇನ್‌ಸ್ಟಾಲ್ ಮಾಡಿ! ಯಾಕೆ?

CC ಕ್ಲಿನರ್:

ಪ್ಲೇ ಸ್ಟೋರಿನಲ್ಲಿ ಲಭ್ಯವಿರುವ ಈ ಆಪ್ ಸಾಮಾನ್ಯವಾಗಿ ಹಲವು ಸ್ಮಾರ್ಟ್‌ಫೋನ್‌ಗಳಲ್ಲಿ ಕಾಣಿಸಿಕೊಂಡಿದೆ. ಅಲ್ಲದೇ ಲಕ್ಷಾಂತರ ಜನರು ತಮ್ಮ ಫೋನ್‌ಗಳಲ್ಲಿ ಈ ಆಪ್ ಅನ್ನು ಇನ್‌ಸ್ಟಾಲ್ ಮಾಡಿಕೊಂಡಿದ್ದಾರೆ. ಆದರೆ ಈ ಆಪ್ ಮಾಲ್ವೇರ್ ದಾಳಿಗೆ ಸಿಲುಕಿದೆ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ನೀವು ಈ ಆಪ್ ಬಳಕೆ ಮಾಡಿಕೊಳ್ಳುತ್ತಿದ್ದರೇ ಅದನ್ನು ತೆಗೆದುಹಾಕಿಬಿಡಿ.

ಆಪ್ ಮೂಲಕ ಹ್ಯಾಕರ್ ಗಳ ಹಾವಳಿ:

CC ಕ್ಲಿನರ್ ಆಪ್‌ನ ಮೇಲೆ ಮಾಲ್ವೇರ್ ದಾಳಿ ಮಾಡಿದ್ದು, ಇದರ ಮೂಲಕ ಹ್ಯಾಕರ್ಸ್ ಗಳು ನಿಮ್ಮ ಸ್ಮಾರ್ಟ್‌ಫೋನ್ ಮತ್ತು ಕಂಪ್ಯೂಟರ್ ಗಳ ನಿಯಂತ್ರಣವನ್ನು ಸಾಧಿಸಲಿದ್ದು, ಇದರಿಂದ ನಿಮ್ಮ ಮಾಹಿತಿಗಳು ಲೀಕ್ ಆಗುವುದಲ್ಲದೇ ನೀವೇ ನಷ್ಟ ಅನುಭವಿಸಬೇಕಾಗಿದೆ.

130 ಮಿಲಿಯನ್ ಮಂದಿ ಬಳಕೆದಾರರು:

CC ಕ್ಲಿನರ್ ಆಪ್ ಅನ್ನು ವಿಶ್ವದಲ್ಲಿ 130 ಮಿಲಿಯನ್ ಮಂದಿ ಬಳಕೆ ಮಾಡಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಇದರಿಂದ ಅಷ್ಟು ಮೊಬೈಲ್‌ಗಳು ಹ್ಯಾಕರ್ಸ್ ಕೈ ಸೇರುವ ಸಾಧ್ಯತೆ ಇದರಲಿದೆ. ಈ ಹಿನ್ನಲೆಯಲ್ಲಿ ಈ ಆಪ್ ಬಳಕೆಗೆ ಸೂಕ್ತವಲ್ಲ.

ಹೊಸ ಆವೃತ್ತಿ ಬರಲಿದೆ:

ಈ ದಾಳಿಯ ನಂತರ ಅವಾಸ್ತ ಹೊಸ ಆವೃತ್ತಿಯ CC ಕ್ಲಿನರ್ ಬಿಡುಗಡೆಗೆ ಮುಂದಾಗಿದ್ದು, ದಾಳಿಗೆ ಸಿಲುಕಿರುವ ಕೋಡ್ ಅನ್ನು ಬದಲಾಯಿಸಲಿದೆ ಎನ್ನಲಾಗಿದೆ. ಬಳಕೆದಾರರು ಹೊಸ ಆಪ್ ಡೌನ್‌ಲೋಡ್ ಮಾಡಿಕೊಂಡರೆ ಯಾವುದೇ ತೊಂದರೆಯೂ ಆಗುವುದಿಲ್ಲ ಎನ್ನಲಾಗಿದೆ.