ಬೆಂಗಳೂರಿನ ಮಹಿಳೆಯರಿಗೆ ಇನ್ನು ಭಯವಿಲ್ಲ..! ಬಂದಿದೆ ಸುರಕ್ಷ ಆಪ್‌..!

ಸುರಕ್ಷ ಆಪ್..!

ಮಹಿಳೆಯರ ರಕ್ಷಣೆಗೆ ಬಿಡುಗಡೆಯಾಗಿರುವ ಈ ಆಪ್ ಅನ್ನು ಪ್ಲೇ ಸ್ಟೋರ್ ಮೂಲಕ ಸ್ಮಾರ್ಟ್​ಫೋನ್​ನಲ್ಲಿ ಡೌನ್​ಲೋಡ್ ಮಾಡಿಕೊಳ್ಳಬೇಕಾಗಿದೆ. ಇದಾದ ನಂತರ ಹೆಸರು, ವಿಳಾಸ ನಮೂದಿಸಿ. ತುರ್ತು ಸಮಯದಲ್ಲಿ ಸಂರ್ಪಸಬೇಕಾದ ಸ್ನೇಹಿತ/ಸಂಬಂಧಿಕರ (ಇಬ್ಬರು) ಮೊಬೈಲ್ ಸಂಖ್ಯೆ ದಾಖಲಿಸಬೇಕಾಗಿದ್ದು, ಇದಾದ ನಂತರದಲ್ಲಿ ಬರುವ OTP ಪಡೆದು ದೃಢೀಕರಿಸಿಕೊಳ್ಳಬೇಕಾಗಿದೆ.

ಕಾರ್ಯನಿರ್ವಹಣೆಗೆ ಹೇಗೆ..?

ಮಹಿಳೆಯರು ಸಂಕಷ್ಟದಲ್ಲಿ ಸಿಲುಕಿದ ಸಂದರ್ಭದಲ್ಲಿ ಆಪ್​ನಲ್ಲಿ ನೀಡಿರುವ ಕೆಂಪು ಬಟನ್ ಒತ್ತಿದ್ದಾಗ ಅಥವಾ ಮೊಬೈಲ್ ಪವರ್ ಬಟನ್​ನನ್ನು 5 ಬಾರಿ ಒತ್ತಿದರೆ ಪೊಲೀಸರಿಗೆ ಹಾಗೂ ಆಪ್​ನಲ್ಲಿ ದಾಖಲಿಸಿರುವ ಇಬ್ಬರು ವ್ಯಕ್ತಿಗಳ ಮೊಬೈಲ್​ಗೆ ಎಚ್ಚರಿಕೆ ಸಂದೇಶ ರವಾನೆಯಾಗಲಿದೆ ಎನ್ನಲಾಗಿದೆ.

How to Sharing a Mobile Data Connection with Your PC (KANNADA)

ಲೈವ್ ವೆಹಿಕಲ್ ಟ್ರ್ಯಾಕಿಂಗ್..!

ದೂರನ್ನು ಸ್ವೀಕರಿಸುವ ಕಮಾಂಡ್ ಸೆಂಟರ್ ಸಿಬ್ಬಂದಿ ಸ್ವೀಕರಿಸಿ ತುರ್ತು ಸ್ಥಿತಿಯಲ್ಲಿರುವ ಮಹಿಳೆ/ಮಕ್ಕಳ ಸ್ಥಳವನ್ನು ‘ಲೈವ್ ವೆಹಿಕಲ್ ಟ್ರ್ಯಾಕಿಂಗ್ ಸಿಸ್ಟಂ' ಮೂಲಕ ಗುರುತಿಸಿ ತಕ್ಷಣ ಎಚ್ಚರಿಕೆ ಸಂದೇಶಗಳನ್ನು ನೋಂದಾಯಿತ ಸ್ನೇಹಿತ/ಸಂಬಂಧಿಕರ ಮೊಬೈಲ್​ಗೆ ಕಳುಹಿಸುತ್ತಾರೆ.

ರಕ್ಷಣೆಗೆ ಪಿಂಕ್ ಹೊಯ್ಸಳ:

ದೂರು ಸ್ವೀಕರಿಸಿದ ನಂತರದಲ್ಲಿ ಸಂಕಷ್ಟಕ್ಕೆ ಸಿಲುಕಿರುವ ಮಹಿಳೆಯರ ಸಮೀಪದಲ್ಲಿರುವ ಪಿಂಕ್ ಹೊಯ್ಸಳ ಸಿಬ್ಬಂದಿಗೆ ಮಾಹಿತಿ ರವಾನೆಯಾಗುತ್ತದೆ. ಕೂಡಲೇ ಪಿಂಕ್ ಹೊಯ್ಸಳ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಸಂಕಷ್ಟದಲ್ಲಿ ಸಿಲುಕಿದವರನ್ನು ರಕ್ಷಣೆ ಮಾಡಲಿದ್ದಾರೆ ಎನ್ನಲಾಗಿದೆ.