ಬೆಂಗಳೂರಿನ ವಿದ್ಯುತ್ ಸಮಸ್ಯೆಗೆ ಬ್ರೇಕ್ ಹಾಕಲಿದೆ ಈ ಆಪ್‌...!

ಆನ್‌ಲೈನ್‌ ಬಿಲ್‌ ಪಾವತಿ:

‘ಬೆಸ್ಕಾಂ ಮಿತ್ರ' ಆಪ್‌ ಬಳಕೆ ಮಾಡಿಕೊಳ್ಳುವ ಮೂಲಕ ಬೆಂಗಳೂರಿನ ನಿವಾಸಿಗಳು ಈ ಆಪ್‌ ಮೂಲಕವೇ ಬಿಲ್‌ ಪಾವತಿ ಮಾಡುವ ಸೇವೆಯನ್ನು ಪಡೆಯಬಹುದಾಗಿದೆ. ಇದರಿಂದ ಬಿಲ್ ಕಟ್ಟಲು ಕ್ಯೂ ನಲ್ಲಿ ನಿಲ್ಲುವ ಕಾರ್ಯಕ್ಕೆ ಬ್ರೇಕ್ ಬಿಳಲಿದೆ.

ಬೆಸ್ಕಾಂ ಮಾಹಿತಿಗಳು ಲಭ್ಯ:

‘ಬೆಸ್ಕಾಂ ಮಿತ್ರ' ಆಪ್‌ನಲ್ಲಿ ಬೆಸ್ಕಾಂ ಕುರಿತು ಮಾಹಿತಿ ದೊರೆಯಲಿದೆ, ಗ್ರಾಹಕರು ಇಲ್ಲಿ ವಿದ್ಯುತ್‌ ದರ, ನೀತಿ, ಯೋಜನೆ, ವಿದ್ಯುತ್‌ ಕಡಿತದ ಮಾಹಿತಿ, ಬಿಲ್ಲಿಂಗ್‌ ಹಾಗೂ ಪಾವತಿ ಕುರಿತ ಮಾಹಿತಿಯೂ ಇಲ್ಲಿ ಇರಲಿದೆ.

ದೂರು ನೀಡಬಹುದು:

‘ಬೆಸ್ಕಾಂ ಮಿತ್ರ' ಆಪ್‌ ಮೂಲಕ ಬೆಸ್ಕಾಂ ಸೇವೆಗಳಿಗೆ ಸಂಬಂಧಿಸಿದಂತೆ ದೂರು ದಾಖಲಿಸಬಹುದಾಗಿದೆ. ಅಲ್ಲದೇ ದೂರು ದಾಖಲಿಸಿದ ನಂತರದ ಬೆಳವಣಿಗೆಗಳು ಆಪ್‌ ನಲ್ಲಿ ಲಭ್ಯವಿರಲಿದೆ.

ಸಾಮಾಜಿಕ ಜಾಲತಾಣ:

ಇದಲ್ಲದೇ ಬೆಸ್ಕಾಂ ಫೇಸ್‌ಬುಕ್ ಮತ್ತು ಟ್ವಿಟರ್ ಮಾಹಿತಿಯೂ ಈ ಆಪ್‌ ನಲ್ಲಿಯೇ ದೊರೆಯಲಿದ್ದು, ಬೆಸ್ಕಾಂ ಕುರಿತಾದ ಸುದ್ದಿಗಳನ್ನು ಬಳಕೆದಾರರು ಇಲ್ಲಿಯೇ ಪಡೆಯಬಹುದಾಗಿದೆ.