ಶಿಯೋಮಿ ಅಲೆ ಅಳಿಸಲಿದೆ 10.or D ಸ್ಮಾರ್ಟ್‌ಪೋನ್‌: ರೂ.5000ಕ್ಕೆ ಎಷ್ಟೇಲ್ಲಾ ನೀಡುತ್ತಿದೆ ಗೊತ್ತಾ..?

ಫಿಂಗರ್ ಪ್ರಿಂಟ್ ಸ್ಕ್ಯಾನರ್:

ಮಾರುಕಟ್ಟೆಯಲ್ಲಿ ರೂ.5000ಕ್ಕೆ ದೊರೆಯುತ್ತಿರುವ ಸ್ಮಾರ್ಟ್‌ಫೋನ್‌ಗಳಲ್ಲಿ ಯಾವುದರಲ್ಲಿಯೂ ಫಿಂಗರ್ ಪ್ರಿಂಟ್ ಸ್ಕ್ಯಾನರ್‌ ಅನ್ನು ಕಾಣಲು ಸಾಧ್ಯವಲ್ಲಿ ಆದರೆ 10.or D ಸ್ಮಾರ್ಟ್‌ಪೋನ್‌ ನಲ್ಲಿ ಹಿಂಭಾಗದಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ನೀಡಲಾಗಿದೆ. ಇದು ಅತೀ ವೇಗವಾಗಿ ಕಾರ್ಯನಿರ್ವಹಿಸಲು ಶಕ್ತವಾಗಿದೆ.

5.2 ಇಂಚಿನ ಡಿಸ್‌ಪ್ಲೇ:

10.or D ಸ್ಮಾರ್ಟ್‌ಪೋನ್‌ ನಲ್ಲಿ 5.2 ಇಂಚಿನ HD ಡಿಸ್‌ಪ್ಲೇಯನ್ನು ಕಾಣಬಹುದಾಗಿದ್ದು, ಇದೇ ಬೇರೆ ಫೋನ್‌ಗಳಲ್ಲಿ ಕೇವಲ 5 ಇಂಚಿನ ಡಿಸ್‌ಪ್ಲೇ ಮಾತ್ರವೇ ಕಾಣಸಿಗಲಿದೆ.

ವೇಗದ ಪ್ರೋಸೆಸರ್:

ಇದಲ್ಲದೇ 10.or D ಸ್ಮಾರ್ಟ್‌ಪೋನ್‌ ನಲ್ಲಿ 1.4GHz ವೇಗದ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 425 ಪ್ರೋಸೆಸರ್ ಅನ್ನು ಕಾಣಬಹುದಾಗಿದೆ, ಗ್ರಾಫೀಕ್ಸ್ ಗಾಗಿ ಆಡ್ರಿನೋ 308 GPU ನೀಡಲಾಗಿದೆ. ಇದು ವೇಗವಾಗಿ ಕಾರ್ಯನಿರ್ವಹಿಸಲು, ಗೇಮ್‌ಗಳನ್ನು ಆಡಲು ಶಕ್ತವಾಗಿದೆ ಎನ್ನಲಾಗಿದೆ.

ದೊಡ್ಡ ಬ್ಯಾಟರಿ:

10.or D ಸ್ಮಾರ್ಟ್‌ಫೋನಿನಲ್ಲಿ ಅತೀ ದೊಡ್ಡ ಬ್ಯಾಟರಿಯನ್ನು ಕಾಣಬಹುದಾಗಿದೆ. ಇದರಲ್ಲಿ 3500mAh ಬ್ಯಾಟರಿಯನ್ನು ನೀಡಲಾಗಿದೆ. ಇದು ಎರಡು ದಿನಗಳ ಬ್ಯಾಟರಿ ಬ್ಯಾಕಪ್ ಅನ್ನು ನೀಡಲಿದೆ ಎನ್ನಲಾಗಿದೆ.

ಎರಡು ಆವೃತ್ತಿಯಲ್ಲಿ ಲಭ್ಯ:

10.or D ಸ್ಮಾರ್ಟ್‌ಪೋನ್‌ನಲ್ಲಿ ಎರಡು ಆವೃತ್ತಿಯನ್ನು ಕಾಣಬಹುದಾಗಿದೆ. 2GB/16GB ಮತ್ತು 3GB/32GB ಆವೃತ್ತಿಗಳು ಲಭ್ಯವಿದೆ. ಈ ಎರಡು ಸ್ಮಾರ್ಟ್‌ಫೋನ್‌ಗಳು ಅಮೆಜಾನ್‌ನಲ್ಲಿ ಕಾಣಿಸಿಕೊಳ್ಳಲಿದ್ದು, ಜನವರಿ 5 ರಿಂದ ಸೇಲ್ ಆರಂಭವಾಗಲಿದೆ.