ಒಲಾ ಆಟೋ ಗಿಂತ ಕಡಿಮೆ ಬೆಲೆಗೆ ಆಟೋ..! 4KMಗೆ ರೂ.25 ಮಾತ್ರ..!

ರೂ.25ಕ್ಕೆ 4KM ಪ್ರಯಾಣ ಮಾಡಿ:

ಈ ಹಿಂದೆ ಒಲಾ ಬೆಂಗಳೂರು ನಗರದಲ್ಲಿ ತನ್ನ ಸೇವೆಯನ್ನು ಆರಂಭಿಸಿದ ಸಂದರ್ಭದಲ್ಲಿ ಮತ್ತು ಪ್ರಸ್ತುತ 4KM ಪ್ರಯಾಣಕ್ಕೆ ರೂ.29 ದರವನ್ನು ನಿಗಧಿ ಮಾಡಿದ್ದು, ಈ ಮೂಲಕ ಬಳಕೆದಾರರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಆಕರ್ಷಿಸಿತ್ತು. ಇದೇ ಮಾದರಿಯಲ್ಲಿ ಉಬರ್ ಸಹ ತನ್ನ ಆಟೋ ಸೇವೆಯನ್ನು ಹೆಚ್ಚಿನ ಪ್ರಮಾಣದಲ್ಲಿ ವಿಸ್ತಾರ ಮಾಡುವ ಸಲುವಾಗಿ ರೂ.25ಕ್ಕೆ ಬೆಂಗಳೂರಿಗರಿಗೆ 4KM ಪ್ರಯಾಣ ಮಾಡುವ ಅವಕಾಶವನ್ನು ಮಾಡಿಕೊಡಲು ಮುಂದಾಗಿದೆ.

ಒಲಾಗೆ ಸೆಡ್ಡು:

ದೇಶಿಯ ಮೂಲದ ಒಲಾ- ಜಾಗತಿಕವಾಗಿ ಆಪ್ ಆಧಾರಿತ ಟ್ಯಾಕ್ಸಿ ಸೇವೆಯನ್ನು ನೀಡುತ್ತಿರುವ ಉಬರ್ ಗೆ ಹೆಚ್ಚಿನ ಸ್ಪರ್ಧೆಯನ್ನು ನೀಡುತ್ತಿದ್ದು, ಈ ಹಿನ್ನಲೆಯಲ್ಲಿ ಒಲಾಗೆ ಎಲ್ಲಾ ಮಾದರಿಯಲ್ಲಿಯೂ ಸೆಡ್ಡು ಹೊಡೆಯುವ ಸಲುವಾಗಿ ಉಬರ್ ಈ ಮಾದರಿಯಲ್ಲಿ ಬೆಂಗಳೂರಿಗೆ ಬೊಂಬಾಟ್ ಆಫರ್ ಅನ್ನು ನೀಡಲು ಮುಂದಾಗಿದೆ.

ಆಟೋ ಬೇಡಿಕೆ ಹೆಚ್ಚು:

ದಿನದಿಂದ ದಿನಕ್ಕೆ ಮತ್ತೆ ಬೆಂಗಳೂರು ನಗರದಲ್ಲಿ ಆಟೋ ಬೇಡಿಕೆಯೂ ಹೆಚ್ಚಾಗುತ್ತಿದೆ. ಇದಲ್ಲದೇ ರಾಜ್ಯ ಸಾರಿಗೆ ಇಲಾಖೆಯೂ ಟ್ಯಾಕ್ಸಿ ಪ್ರಯಾಣದರವನ್ನು ಹೆಚ್ಚು ಮಾಡಿರುವ ಕಾರಣ ಒಲಾ ಮತ್ತು ಉಬರ್ ಗಳು ಆಟೋ ಕಡೆಗೆ ಹೆಚ್ಚಿನ ಒಲವು ತೋರಿಸುತ್ತಿವೆ ಎನ್ನಲಾಗಿದೆ.

ಶೀಘ್ರ ರಸ್ತೆಗೆ:

ಈಗಾಗಲೇ ಉಬರ್ ಆಟೋಗಳು ಒಂದೋ ಎರಡೋ ಕಾಣಿಸುತ್ತಿದ್ದು, ಆಪ್ ನಲ್ಲಿ ಇನ್ನು ಆಟೋ ಆಯ್ಕೆಯನ್ನು ನೀಡಿಲ್ಲ ಎನ್ನಲಾಗಿದೆ. ಶೀಘ್ರವೇ ಈ ಆಯ್ಕೆಯೂ ಸಹ ಬಳಕೆದಾರರಿಗೆ ದೊರೆಯಲಿದೆ. ಇದರಿಂದಾಗಿ ಬೆಂಗಳೂರಿಗರು ಕಡಿಮೆ ಬೆಲೆಗೆ ಆಟೋ ಸವಾರಿ ಮಾಡಬಹುದು.