ವಾಟ್ಸ್‌ಆಪ್ ಪೇಮೆಂಟ್ ಮಾಡುವ ಮೊದಲು ಈ ವಿಷಯಗಳನ್ನು ತಿಳಿದುಕೊಳ್ಳುವುದು ಉತ್ತಮ..!

ಆಂಡ್ರಾಯ್ಡ್ - ಐಓಎಸ್:

ವಾಟ್ಸ್‌ಆಪ್ ಪೇಮೆಂಟ್ ಆಂಡ್ರಾಯ್ಡ್ ಬಳಕೆದಾರಿಗೆ ಮತ್ತು ಐಓಎಸ್ ಬಳಕೆದಾರರಿಗೆ ಲಭ್ಯವಿರಲಿದೆ ಎನ್ನಲಾಗಿದೆ. ಎರಡು ಪ್ಲಾಟ್ ಫಾರ್ಮ್ ಗಳಲ್ಲಿಯೂ ವಾಟ್ಸ್‌ಆಪ್ ಪೇಮೆಂಟ್ ಸೇವೆ ದೊರೆಯಲಿದ್ದು, ಬಳಕೆದಾರರು ಹೆಚ್ಚಿನ ಲಾಭವನ್ನು ಒಂದೇ ಆಪ್ ನಲ್ಲಿ ಪಡೆಯಬಹುದಾಗಿದೆ.

ಎಂಡ್-ಟು-ಎಂಡ್ ಸೇವೆ:

ಸದ್ಯ ವಾಟ್ಸ್‌ಆಪ್ ಪೇಮೆಂಟ್ ಎಂಡ್-ಟು-ಎಂಡ್ ಸೇವೆಯನ್ನು ನೀಡುತ್ತಿದ್ದು, ಕೇವಲ ವಾಟ್ಸ್‌ಆಪ್ ಬಳಕೆದಾರರು ಮಾತ್ರವೇ ಹಣವನ್ನು ಸ್ವೀಕರಿಸುವ ಮತ್ತು ಕಳುಹಿಸುವ ಆಯ್ಕೆಯನ್ನು ಪಡೆದುಕೊಳ್ಳಲಿದ್ದಾರೆ. ಆದರೆ ಇದರ ಮೂಲಕ ವ್ಯಾಪಾರಿಗಳಿಗೆ ಇಲ್ಲವೇ ಬೇರೆ ಶಾಪಿಂಗ್ ಸಂದರ್ಭದಲ್ಲಿ ಪಾವತಿಯನ್ನ ಮಾಡುವ ಅವಕಾಶವನ್ನು ನೀಡಲಾಗಿಲ್ಲ.

UPI ಆಧಾರಿತ:

ಈಗಾಗಲೇ ಮಾರುಕಟ್ಟೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಆಪ್ ಗಳು UPI ಆಧಾರಿತವಾಗಿಯೇ ಹಣವರ್ಗಾವಣೆ ಮಾಡುತ್ತಿವೆ. ಇದೇ ಮಾದರಿಯಲ್ಲಿ ವಾಟ್ಸ್‌ಆಪ್ ಪೇಮೆಂಟ್ ಸಹ UPI ಆಧಾರಿ ಸೇವೆಯನ್ನೇ ನೀಡಲಿದೆ ಎನ್ನಲಾಗಿದೆ.

ಆಕೌಂಟ್‌ಗೆ ನೇರಾ ವರ್ಗಾವಣೆ:

ಇದಲ್ಲದೇ ವಾಟ್ಸ್‌ಆಪ್ ಪೇಮೆಂಟ್ ನಲ್ಲಿ ಹಣವನ್ನು ನೇರಾವಾಗಿ ಬ್ಯಾಂಕ್ ಆಕೌಂಟ್ ಗೆ ವರ್ಗಾವಣೆಯಾಲಿದೆ ಎನ್ನಲಾಗಿದೆ. ವಾಟ್ಸ್‌ಆಪ್ ವ್ಯಾಲೆಟ್ ಮಾದರಿಯಲ್ಲಿ ಕಾರ್ಯನಿರ್ವಹಿಸುವುದಿಲ್ಲ. ನಿಮ್ಮ ಹಣವನ್ನು ಆಕೌಂಟ್ ನಿಂದಲೇ ಕಡಿತ ಮಾಡಲಿದೆ ಮತ್ತು ಅಲ್ಲಿಗೆ ಸೇರಿಸಲಿದೆ ಎನ್ನಲಾಗಿದೆ.

ನಿಮ್ಮ Aadhaar ದುರುಪಯೋಗವಾಗಿದೆಯೇ..? ಪತ್ತೆ ಹಚ್ಚುವುದು ಹೇಗೆ..?

ಹಲವು ಬ್ಯಾಂಕ್ ಸೇವೆ:

ವಾಟ್ಸ್‌ಆಪ್ ತನ್ನ ಪೇಮೆಂಟ್ ಸೇವೆಯಲ್ಲಿ ಹಲವು ಬ್ಯಾಂಕ್ ಗಳನ್ನು ಸೇರಿಕೊಂಡಿದೆ. ಆಕ್ಸಿಸ್ ಬ್ಯಾಂಕ್, HDFC ಬ್ಯಾಂಕ್, ICICI ಬ್ಯಾಂಕ್, ಯಸ್ ಬ್ಯಾಂಕ್, ಏರ್‌ಟೆಲ್ ಪೇಮೆಂಟ್ ಬ್ಯಾಂಕ್‌, ಆಂಧ್ರಾ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕಾಣಿಸಿಕೊಂಡಿದೆ. ಮುಂದಿನ ದಿನಗಳಲ್ಲಿ ಇನಷ್ಟು ಬ್ಯಾಂಕ್ ವಾಟ್ಸ್‌ಆಪ್ ನಲ್ಲಿ ಸೇರಿಕೊಳ್ಳಲಿದೆ ಎನ್ನಲಾಗಿದೆ.