ಪಬ್ಲಿಕ್ ಟಿವಿಯಿಂದ ಮತ್ತೊಂದು ಹೊಸ ಚಾನಲ್ ಆರಂಭ..! ಇಲ್ಲಿದೆ ಸಂಪೂರ್ಣ ಮಾಹಿತಿ..!

ಪಬ್ಲಿಕ್ ಮೂವೀಸ್:

ಕನ್ನಡ ಮಾಧ್ಯಮ ಲೋಕದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿರುವ ಪಬ್ಲಿಕ್ ಟಿವಿಯಿಂದ ಇನ್ನೊಂದು ಹೊಸ ಚಾನಲ್ ಆರಂಭವಾಗುತ್ತಿದೆ. ಈಗಾಗಲೇ 'ಪಬ್ಲಿಕ್ ಮ್ಯೂಸಿಕ್' ಹೆಚ್ಚಿನ ಸದ್ದು ಮಾಡುತ್ತಿದೆ. ಇದರೊಂದಿಗೆ ಪಬ್ಲಿಕ್ ಮೂವೀಸ್ ಹೆಸರಿನಲ್ಲಿ ಸಿನಿಮಾ ಚಾನಲ್ ವೊಂದನ್ನು ಲಾಂಚ್ ಮಾಡುತ್ತಿದೆ.

ಸೋಮವಾರದಿಂದ ಕಾರ್ಯರಂಭ:

ಸೋಮವಾರದಿಂದ ಪಬ್ಲಿಕ್ ಟಿವಿ ಮತ್ತು ಪಬ್ಲಿಕ್ ಮ್ಯೂಸಿಕ್ ಒಡೆತನದ ರೈಟ್ ಮ್ಯಾನ್ ಮೀಡಿಯಾ ಸಂಸ್ಥೆಯೂ ಪಬ್ಲಿಕ್ ಮೂವೀಸ್ ಹೆಸರಿನಲ್ಲಿ ಸಿನಿಮಾ ಚಾನಲ್ ಆರಂಭಿಸಲಿದೆ. ಇದರಲ್ಲಿ ಕೇವಲ ಕನ್ನಡ ಸಿನಿಮಾಗಳು ಮಾತ್ರವೇ ಪ್ರಸಾರವಾಗಲಿದೆ.

ಆರಂಭಕ್ಕೂ ಮುನ್ನವೇ ವಿವಾದ:

ಇನ್ನು ಚಾನಲ್ ಆರಂಭವಾಗುವ ಮುನ್ನವೆ ವಿವಾದ ಹೊಗೆಯಾಡಿದ್ದು, ಪಬ್ಲಿಕ್ ಮೂವೀಸ್ ಚಾನಲ್ ಡಬ್ಬಿಂಗ್ ಕನ್ನಡ ಚಿತ್ರಗಳನ್ನೂ ಪ್ರಸಾರ ಮಾಡಲಿದೆ ಎನ್ನಲಾಗಿದೆ. ಈ ಕುರಿತು ಕನ್ನಡ ಮಾಧ್ಯಮಗಳು ವರದಿಯನ್ನು ಮಾಡಿವೆ.

ಪಬ್ಲಿಕ್‌ನಿಂದ ಮತ್ತೊಂದು ಚಾನಲ್:

ಈಗಾಗಲೇ ಉದಯ ಟಿವಿ ಟಿಆರ್‌ಪಿಯನ್ನು ಪಡೆಯಲು ಪರದಾಡುತ್ತಿರುವ ಸಂದರ್ಭದಲ್ಲಿ ಪಬ್ಲಿಕ್‌ ಟಿವಿಯೂ ಉದಯ ಟಿವಿಯ ಚಾನಲ್‌ಗಳಿಗೆ ಸೆಡ್ಡು ಹೊಡೆಯುತ್ತಿದೆ. ಪಬ್ಲಿಕ್ ಮೂವೀಸ್ ನಂತರದಲ್ಲಿ ವರ್ಷಾಂತ್ಯಕ್ಕೆ 'ಪಬ್ಲಿಕ್ ಕಾಮಿಡಿ' ಚಾನಲ್ ಸಹ ಆರಂಭವಾಗಲಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.