ಫೇಸ್‌ಬುಕ್‌ ನಂತರ ವಾಟ್ಸ್‌ಆಪ್‌ ಬಳಕೆದಾರರ ಪ್ರೈವಸಿ ಲೀಕ್‌ ಮಾಡುತ್ತಿದೆ ಈ ಆಪ್..!

ಚಾಟ್ ವಾಚ್:

ವಾಟ್ಸ್‌ಆಪ್ ಬಳಕೆದಾರರಿಗೆ ಆಫ್‌ಲೈನ್ ಅಥವಾ ಆನ್‌ಲೈನ್‌ ಇರುವುದನ್ನು ತೋರಿಸದರೆ ಇರುವ ಮಾದರಿಯಲ್ಲಿ ಪ್ರೈವಸಿಯನ್ನು ನೀಡಿದೆ ಆದರೆ ಈ ಚಾಟ್ ವಾಚ್ ಆಪ್ ತನ್ನ ಬಳಕೆದಾರರಿಗೆ ವಾಟ್ಸ್‌ಆಪ್ ಕುರಿತು ಸಂಪೂರ್ಣ ಮಾಹಿತಿಯನ್ನು ನೀಡಲಿದೆ. ಈ ಆಪ್‌ ಮೂಲಕ ತಾವು ನೋಡಬಯಸುವ ವಾಟ್ಸ್ಆಪ್ ಬಳಕೆದಾರರು ಆನ್‌ಲೈನ್‌ ಇದ್ದಾರೆಯೋ ಇಲ್ಲವೋ ಎಂಬುದನ್ನುಚಾಟ್ ವಾಚ್ ಮೂಲಕ ತಿಳಿದುಕೊಳ್ಳಬಹುದಾಗಿದೆ.

ಮಾಹಿತಿಗೆ ಕನ್ನ:

ವಾಟ್ಸ್‌ಆಪ್ ಬಳಕೆದಾರರು ತಮ್ಮ ಪ್ರೈವಸಿ ಸೆಟ್ಟಿಂಗ್‌ನಲ್ಲಿ ಬದಲಾವಣೆಯನ್ನು ಮಾಡಿಕೊಂಡಿದ್ದರೂ ಸಹ ಚಾಟ್ ವಾಚ್ ಆಪ್‌ನಲ್ಲಿ ಎಲ್ಲಾ ಮಾಹಿತಿಗಳು ದೊರೆಯುತ್ತಿದೆ ಎನ್ನಲಾಗಿದೆ. ಇದು ವಾಟ್ಸ್‌ಆಪ್ ಬಳಕೆದಾರರ ಮಾಹಿತಿಯನ್ನು ಬೇರೆ ಮೂಲಗಳಿಂದ ಕದಿಯುತ್ತಿರುವ ಸಾಧ್ಯತೆ ಇದ್ದು, ಇದರಿಂದ ವಾಟ್ಸ್‌ಆಪ್ ಬಳಕೆದಾರರಿಗೆ ಮುಂದಿನ ದಿನದಲ್ಲಿ ಭಾರೀ ತೊಂದರೆಯನ್ನು ಉಂಟು ಮಾಡುವ ಸಾಧ್ಯತೆ ಇದೆ.

ಆಪ್ ಡಿಲೀಟ್ ಮಾಡಿ

ಚಾಟ್ ವಾಚ್ ಬಳಕೆ ಮಾಡಿಕೊಳ್ಳುವುದು ಸೂಕ್ತವಾಲ್ಲ ಎನ್ನಲಾಗಿದ್ದು, ನೀವು ಒಮ್ಮೆ ಈ ಆಪ್ ಅನ್ನು ಬಳಕೆ ಮಾಡಿಕೊಳ್ಳಲು ಮುಂದಾಗಿದರೆ, ನಿಮ್ಮ ಮಾಹಿತಿಗಳನ್ನು ಬೇರೆಯವರಿಗೆ ಈ ಆಪ್ ಬಿಟ್ಟು ಕೊಡಲಿದೆ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಈ ಆಪ್ ಅನ್ನು ಕೂಡಲೇ ಡಿಲೀಟ್ ಮಾಡುವುದು ಉತ್ತಮ.

ವಾಟ್ಸ್‌ಆಪ್‌ ಮೇಲೆ ಕಣ್ಣು:

ಫೇಸ್‌ಬುಕ್‌ ಬಿಟ್ಟರೇ ಅತೀ ಹೆಚ್ಚು ಮಂದಿ ವಾಟ್ಸ್‌ಆಪ್ ಅನ್ನು ಬಳಕೆ ಮಾಡುತ್ತಿದ್ದು, ಅವರ ಮಾಹಿತಿಗೆ ಲಗ್ಗೆ ಇಟ್ಟರೆ ಸಾಕಷ್ಟು ಲಾಭವಾಗಲಿದೆ ಎನ್ನುವ ಕಾರಣಕ್ಕಾಗಿ ವಾಟ್ಸ್ಆಪ್ ಮಾಹಿತಿಗಳನ್ನು ಕಡಿಯುವ ಪ್ರಯತ್ನಗಳು ಬಳಹ ಹಿಂದಿನಿಂದಲೂ ನಡೆಯುತ್ತಿದೆ ಎನ್ನಲಾಗಿದೆ.