ಹೊಸ ವರ್ಷದಂದು ವಾಟ್ಸ್‌ಆಪ್ ಸ್ಥಗಿತ: ಕಾರಣ ಯಾರು? ವಾಟ್ಸ್‌ಆಪ್ ಹೇಳಿದ್ದೇನು.?

ಭಾರತವೇ ಅತೀ ದೊಡ್ಡ ಮಾರುಕಟ್ಟೆ:

ಫೇಸ್‌ಬುಕ್‌ ಮಾಲೀಕತ್ವದ ವಾಟ್ಸ್‌ಆಪ್‌ ಬಳಕೆದಾರಲ್ಲಿ ಅತೀ ಹೆಚ್ಚಿನ ಮಂದಿ ಭಾರತೀಯರೇ ಆಗಿದ್ದಾರೆ. ದೇಶದಲ್ಲಿ 20 ಕೋಟಿಗೂ ಅಧಿಕ ಮಂದಿ ಸಕ್ರಿಯ ವಾಟ್ಸ್‌ಆಪ್‌ ಬಳಕೆದಾರರಿದ್ದಾರೆ ಎಂದು ಅಂದಾಜಿಸಲಕಾಗಿದೆ. ಹೊಸ ವರ್ಷದ ಸಂಭ್ರಮದಲ್ಲಿ ಭಾರತೀಯರು 130 ಕೋಟಿ ಇಮೇಜ್‌ಗಳನ್ನು ಮತ್ತು 50 ಲಕ್ಷ ಕ್ಕೂ ಹೆಚ್ಚು ವೀಡಿಯೋಗಳು ಕಳುಹಿಸಿದ್ದಾರೆ ಎನ್ನಲಾಗಿದೆ.

ದಾಖಲೆ ನಿರ್ಮಾಣ:

ವಾಟ್ಸ್‌ಆಪ್ ಒಂದೇ ದಿನದಲ್ಲಿ ಅತೀ ಸಂದೇಶಗಳನ್ನು ರವಾನೆ ಮಾಡಿದ ದಾಖಲೆ ಸೃಷ್ಟಿಸಿದೆ. ಹೊಸ ವರ್ಷದಂದು ಒಟ್ಟು ಸಂದೇಶಗಳು 750 ಕೋಟಿ ಮೇಸೆಜ್‌ಗಳು ಸೆಂಡ್ ಆಗಿದ್ದು, ಅವುಗಳ ಪೈಕಿ 200 ಕೋಟಿ ಸಂದೇಶಗಳು ಭಾರತದಿಂದಲೇ ರವಾನೆಯಾಗಿದೆ ಎನ್ನಲಾಗಿದೆ.

ಭಾರತವೇ ಕಾರಣ ಎಂದ ವಾಟ್ಸ್‌ಆಪ್ :

ಡಿಸೆಂಬರ್‌ 31ರ ಮಧ್ಯರಾತ್ರಿಯ ಬಳಿಕ ಕೆಲವು ನಿಮಿಷಗಳ ಕಾಲ ಭಾರತ ಸೇರಿದಂತೆ ಹಲವು ಕಡೆಗಳಲ್ಲಿ ವಾಟ್ಸ್‌ಆಪ್‌ ಸ್ಥಗಿತಗೊಂಡಿತ್ತು. ಅಂದು ರವಾನೆಯಾದ ಒಟ್ಟು ಸಂದೇಶಗಳ ಪೈಕಿ ಶೇ 25ರಷ್ಟು ಭಾರತದಿಂದಲೇ ರವಾನೆಯಾಗಿವೆ. ಇದರಿಂದಾಗಿ ಸರ್ವರ್‌ಗಳಲ್ಲಿ ಉಂಟಾದ ಸಂಚಾರ ದಟ್ಟಣೆಯೇ ಕೆಲವು ನಿಮಿಷಗಳ ಸೇವೆ ಸ್ಥಗಿತಕ್ಕೆ ಕಾರಣ ಎಂದು ಫೇಸ್‌ಬುಕ್ ಒಡೆತನ ವಾಟ್ಸ್‌ಆಪ್ ಅಧಿಕೃತವಾಗಿ ಪ್ರಕಟಿಸಿದೆ.