Subscribe to Gizbot

ಏಸರ್ ವಿಂಡೋಸ್ 8 ಟ್ಯಾಬ್ಲೆಟ್ ಅನಾವರಣ

Posted By: Varun
ಏಸರ್ ವಿಂಡೋಸ್ 8 ಟ್ಯಾಬ್ಲೆಟ್ ಅನಾವರಣ

ಮೊನ್ನೆ ತಾನೇ ಡೆಲ್ ಕಂಪನಿಯು ವಿಂಡೋಸ್ 8 ಆಧಾರಿತ ಡೆಲ್ ಲ್ಯಾಟಿಟ್ಯೂಡ್ ಟ್ಯಾಬ್ಲೆಟ್ ಅನ್ನು ಘೋಷಿಸಿದ್ದು, ಈಗ ತೈವಾನ್ ನ ಮುಂಚೂಣಿ ಕಂಪ್ಯೂಟರ್ ಹಾಗು ಲ್ಯಾಪ್ಟಾಪ್ ಉತ್ಪಾದಕ ಏಸರ್ ಕೂಡ ವಿಂಡೋಸ್ 8 ಆಧಾರಿತ ಎರಡು ಟ್ಯಾಬ್ಲೆಟ್ ಗಳನ್ನು ಅನಾವರಣಗೊಳಿಸಿದೆ.

ಏಷಿಯಾದ ಅತಿ ದೊಡ್ಡ ಕಂಪೂಟರ್ ಉತ್ಪನ್ನಗಳ ಪ್ರದರ್ಶನವಾದ ಕಂಪ್ಯೂಟಕ್ಸ್ ನಲ್ಲಿ ಭಾಗವಹಿಸಿದ್ದ ಏಸರ್, W510 ಹಾಗು W700 ಹೆಸರಿನ ವಿಂಡೋಸ್ 8 ಪ್ರಿವ್ಯೂ ಟ್ಯಾಬ್ಲೆಟ್ ಅನ್ನು ಅನಾವರಣಗೊಳಿಸಿದೆ.

ಇದಷ್ಟೇ ಅಲ್ಲದೆ, ಅಸ್ಪೈರ್ S7 ಎಂಬ ವಿಂಡೋಸ್ 8 ಆಧಾರಿತ ಮಿನಿ ಲ್ಯಾಪ್ಟಾಪ್ ಅನ್ನೂ ಅನಾವರಣ ಗೊಳಿಸಿತು ಏಸರ್. ಆಪಲ್ ನ iOS ಹಾಗು ಆಂಡ್ರಾಯ್ಡ್ ತಂತ್ರಾಂಶಗಳಿಗೆ ಸರಿಯಾದ ಉತ್ತರ ನೀಡಲು ಮೈಕ್ರೋಸಾಫ್ಟ್ ಕಾಯುತ್ತಿದ್ದು, ವಿಂಡೋಸ್ 8 ಮೂಲಕ ಟಚ್ ಸ್ಕ್ರೀನ್ ಇರುವ ಟ್ಯಾಬ್ಲೆಟ್ ಗಳಿಗೆ ಹೊಂದಾಣಿಕೆಯಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಆಪಲ್ ನ ಐಪ್ಯಾಡ್ ಹಾಗು ಆಂಡ್ರಾಯ್ಡ್ ಆಧಾರಿತ ಟ್ಯಾಬ್ಲೆಟ್ ಗಳಿಂದ ಬಹಳಷ್ಟು ವಿಂಡೋಸ್ ಉಪಯೋಗಿಸುವ PC ಉತ್ಪಾದಕರಿಗೆ ಭಾರೀ ಹೊಡೆತ ಬಿದ್ದ ಹಿನ್ನೆಲೆಯಲ್ಲಿ, ವಿಂಡೋಸ್ 8 ಬಹುಮುಖ್ಯವಾಗಿದ್ದು, ಹಾಗಾಗಿಯೇ ಡೆಲ್ ಹಾಗು ಏಸರ್ ನಂತಹ ಕಂಪನಿಗಳು ವಿಂಡೋಸ್ 8 ಆಧಾರಿತ ಟ್ಯಾಬ್ಲೆಟ್ಗಳನ್ನು ಬಿಡಲು ಕಾತರದಿಂದ ಕಾಯುತ್ತಿವೆ. ಅಕ್ಟೋಬರ್ ಕೊನೆಯ ವೇಳೆಗೆ ವಿಂಡೋಸ್ 8 ಪೂರ್ಣ ಪ್ರಮಾಣದ ತಂತ್ರಾಂಶ ಬಿಡುಗಡೆಯಾಗಲಿದ್ದು, ಏನಾಗುತ್ತೆ ಎಂದು ಕಾಡು ನೋಡಬೇಕು.

Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more