ಶಿಯೋಮಿಗೆ ಸೆಡ್ಡು: ಡೆಲ್‌ನಿಂದ ನಾಲ್ಕು ಗೇಮಿಂಗ್ ಲ್ಯಾಪ್‌ಟಾಪ್ ಲಾಂಚ್..!

G3 15 ಮತ್ತು G3 17 ಲ್ಯಾಪ್‌ಟಾಪ್:

ಡೆಲ್ G3 ಸರಣಿಯಲ್ಲಿ ಎರಡು ಲ್ಯಾಪ್ ಟಾಪ್‌ಗಳನ್ನು ಲಾಂಚ್ ಮಾಡಿದ್ದು, G3 15 ಮತ್ತು G3 17 ಲ್ಯಾಪ್‌ಟಾಪ್‌ಗಳು ಕ್ರಮವಾಗಿ 15 ಇಂಚಿನ ಮತ್ತು 17 ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿವೆ. ಈ ಲ್ಯಾಪ್ ಟಾಪ್ ಗಳಲ್ಲಿ ಪವರ್ ಫುಲ್ GPU ಅಳವಡಿಸಲಾಗಿದ್ದು, ನವೀಡಾ ಜಿಫೋರ್ಸ್ GTX 1050 ಜೊತೆಗೆ 1060 ಮ್ಯಾಕ್ಸ್ Q GPU ನೊಂದಿಗೆ ಕಾಣಿಸಿಕೊಂಡಿದ್ದು, ಹೆಚ್ಚಿನ ಗ್ರಾಫಿಕ್ಸ್ ಪ್ಲೇ ಮಾಡಲಿದೆ. ಈ ಲ್ಯಾಪ್‌ಗಳಲ್ಲಿ ಕೋರ್ i7 CPU ವನ್ನು ನೀಡಲಾಗಿದೆ.

G5 15 ಮತ್ತು G7 15 ಲ್ಯಾಪ್ ಟಾಪ್:

ಡೆಲ್ G5 15 ಮತ್ತು G7 15 ಲ್ಯಾಪ್ ಟಾಪ್‌ಗಳು ಉತ್ತಮ ಹಾರ್ಡ್‌ವೇರ್ ಅನ್ನು ಹೊಂದಿದೆ. ಈ ಎರಡು ಲ್ಯಾಪ್ ಟಾಪ್ ಗಳಲ್ಲಿ ನವೀಡಾ ಜಿಫೋರ್ಸ್ GTX 1050 ಜೊತೆಗೆ 1060 ಮ್ಯಾಕ್ಸ್ Q GPU ಅಳವಡಿಸಲಾಗಿದ್ದು, G7 15ನಲ್ಲಿ 8ನೇ ತಲೆಮಾರಿನ ಕೋರ್ i7 ಮತ್ತು ಕೋರ್ i9 ಪ್ರೊಸೆಸರ್ ಅನ್ನು ಕಾಣಬಹುದಾಗಿದೆ. ಡ್ಯುಯಲ್ ಕೂಲಿಂಗ್ ಫ್ಯಾನ್ ಮತ್ತು 4K ಗುಣಮಟ್ಟದ ಡಿಸ್‌ಪ್ಲೇಯನ್ನು ನೋಡಬಹುದಾಗಿದೆ.

ಬೆಲೆಗಳು:

ಈ ನಾಲ್ಕು ಲ್ಯಾಪ್‌ಟಾಪ್‌ಗಳು ವಿಂಡೋಸ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಗೇಮ್ ಗಳನ್ನು ಆಡಲು ಹೇಳಿ ಮಾಡಿಸಿದಂತೆ ಇದೆ. ಭಾರತದಲ್ಲಿ ಈ ಲ್ಯಾಪ್‌ಟಾಪ್‌ಗಳು ಕೆಲವು ದಿನಗಳ ನಂತರದಲ್ಲಿ ಮಾರಾಟವಾಗಲಿದ್ದು, G3 15 ಮತ್ತು G3 17 ಲ್ಯಾಪ್‌ಟಾಪ್ ಕ್ರಮವಾಗಿ ರೂ.49,000 ಮತ್ತು ರೂ.52000ರ ಅಸುಪಾನಿನಲ್ಲಿ ಲಭ್ಯವಿರಲಿದೆ. ಇದೇ ಮಾದರಿಯಲ್ಲಿ G5 15 ರೂ.55,300ಗಳ ಆಸುಪಾಸಿನಲ್ಲಿ ದೊರೆಯುವ ಸಾಧ್ಯತೆ ಇದೆ.