ಭಾರತದ ಟ್ಯಾಬ್ಲೆಟ್ ಮಾರುಕಟ್ಟೆಲ್ಲಿ ಮೈಕ್ರೋಮ್ಯಾಕ್ಸ್‌ ನಂ.1

2012 ರ ಎರಡನೇ ತ್ರೈ ಮಸಿಕದಲ್ಲಿ ಭಾರತೀಯ ಟ್ಯಾಬ್ಲೆಟ್‌ ಮಾರುಕಟ್ಟೆಯಲ್ಲಿ ಒಟ್ಟು 0.55 ದಶಲಕ್ಷ ಯೂನಿಟ್‌ ದಾಖಲೆಯಾಗಿರುವುದು ಸೈಬರ್‌ ಮಾಧ್ಯಮ ಅಧ್ಯಯನ ಸಂಸ್ಥೆಯು ನಡೆಸಿರುವ ಅಧ್ಯಯನದ ವರದಿಯದ ವರದಿಯಲ್ಲಿ ಬೆಳಕಿಗೆ ಬಂದಿದೆ.

ವರದಿಗಳ ಪ್ರಕಾರ ಟ್ಯಾಬ್ಲೆಟ್‌ ಮಾರುಕಟ್ಟೆಯ ಒಟ್ಟು ವಹಿವಾಟಿನಲ್ಲಿ ಅಚ್ಚರಿ ಎಂಬಂತೆ ಶೇ.18.4 ರಷ್ಟು ಶೇರ್ಸ್‌ಗಳೊಂದಿಗೆ ಮೈಕ್ರೋಮ್ಯಾಕ್ಸ್ ಮೊದಲ ಸ್ಥಾನದಲ್ಲಿದ್ದರೆ, ದಿಗ್ಗಜ ಸಂಸ್ಥೆಗಳಾದಂತಹ ಸ್ಯಾಮ್ಸಂಗ್‌ ಹಾಗೂ ಆಪಲ್‌ ಸಂಸ್ಥೆಗಳು 13.3% ಹಾಗೂ 12.3% ಶೇರುಗಳೊಂದಿಗೆ ಕ್ರಮವಾಗಿ ಎರಡನೇ ಹಾಗೂ ಮೂರನೇ ಸ್ಥಾನ ಪಡೆದಿವೆ ಎಂದು ವರದಿ ತಿಳಿಸಿದೆ.

2012 ರ 2Q ಅಂತ್ಯದ ವೇಳೆಗೆ ಒಟ್ಟು ವಹಿವಾಟಿನ ಶೇ. 47.4 ಶೇರ್ಸ್‌ಗಳನ್ನು ಮಾರುಕಟ್ಟೆಗೆ ಆಗಮಿಸಿದ ಶೀಕ್ಷಣ ಹಾಗೂ ಮನರಂಜನೆಗೆ ಹೆಚ್ಚು ಒತ್ತುನೀಡಿ ತಯಾರಾದಂತಹ ಟ್ಯಾಬ್ಲೆಟ್‌ಗಳು ಹೊಂದಿವೆ. ಈ ಮೂಲಕ ಈ ಸಾಧನಗಳಿಗೆ ಯುವ ಪೀಳಿಗೆಯವರಲ್ಲಿ ಹೆಚ್ಚು ಬೇಡಿಕೆ ಇರುವುದು ಸ್ಫಷ್ಟವಾಗಿ ತಿಳಿಯುತ್ತದೆ.

ಟ್ಯಾಬ್ಲೆಟ್‌ ಮಾರುಕಟ್ಟೆಗೆ ನೂತನ ತಯಾರಕರುಗಳು ಕಡಿಮೆ ದರದಲ್ಲಿ ಆಕರ್ಷಕ ಫೀಚರ್ಸ್‌ಗಳನ್ನು ಹೊಂದಿರುವ ಟ್ಯಾಬ್ಲೆಟ್ಸ್‌ ಬಿಡುಗಡೆ ಮಾಡುತ್ತಿರುವುದರಿಂದ ಗಣನೀಯ ಪ್ರಮಾಣದ ಏರಿಕೆ ಕಂಡುಬಂದಿದೆ ಎಂದು ಸಂಶೋಧನೆಯ ವರದಿಗಳು ತಿಳಿಸಿವೆ

2012 ರ 2Q ಅಂತ್ಯದ ವೇಳೆಗೆ ಒಟ್ಟಾರೆ 90 ಮಂದಿ ತಯಾರಕರುಗಳು ತಮ್ಮ ಡ್ಯಾಬ್ಲೆಟ್‌ಗಳನ್ನು ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿಯೂ ಬಹುತೇಕ ತಯಾರಕರುಗಳು 5,000-10,000 ರೂ. ದರದಲ್ಲಿ ಟ್ಯಾಬ್ಲೆಟ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದಾರೆ.

Read In English...

ಮೈಕ್ರೋಮ್ಯಾಕ್ಸ್‌ ಫನ್‌ಬುಕ್‌ ಇನ್ಫಿನಿಟಿ (P275) ಬಿಡುಗಡೆ