ಆಂಡ್ರಾಯ್ಡ್ 4.0 ಮಿನಿ ಕಂಪ್ಯೂಟರ್ 5,000ಕ್ಕೆ

ಆಂಡ್ರಾಯ್ಡ್ ಸ್ಮಾರ್ಟ್ ಫೋನ್ ಬಳಕೆದಾರರ ಒಂದು ಸಾಮಾನ್ಯ ಕಂಪ್ಲೈಂಟ್ ಎಂದರೆ ಆಂಡ್ರಾಯ್ಡ್ ತಂತ್ರಾಂಶ ಬಳಸಲು ತುಂಬಾ ಚೆನ್ನಾಗಿದ್ದು, ಒಳ್ಳೊಳ್ಳೆ ಆಪ್ಸ್ ಇದ್ದರೂ ಕೂಡ ಮೊಬೈಲ್ ನ ಚಿಕ್ಕ ಪರದೆಯಲ್ಲಿ ನೋಡುವುದು ಸ್ವಲ್ಪ ಪ್ರಯಾಸಕರ ಎಂದು ಅಭಿಪ್ರಾಯ ಪಡುತ್ತಾರೆ. ವಿಂಡೋಸ್ ಕಂಪ್ಯೂಟರುಗಳಿಗೆ ಆಂಡ್ರಾಯ್ಡ್ ಆಪ್ ಬಳಸಬಹುದಾದ ಸೌಲಭ್ಯ ಇಲ್ಲದಿದ್ದರೂ ಬ್ಲೂಸ್ಟಾಕ್ಸ್ ಎಂಬ ತಂತ್ರಾಂಶ ಬಳಸಿಕೊಂಡು ಉಪಯೋಗಿಸುವ ಬಗ್ಗೆ ನೀವು ಕನ್ನಡ ಗಿಜ್ಬಾಟ್ ನಲ್ಲಿ ಓದಿದ್ದೀರಿ.

ಈಗ ಈ ರೀತಿಯ ಸೌಲಭ್ಯವನ್ನು ನಿಮ್ಮ ಕಂಪ್ಯೂಟರ್ ಹಾಗು ಟಿವಿಗಳಿಗೆ ತರಲು ಚೀನಾದ ಕಂಪನಿಯೊಂದು ಆಂಡ್ರಾಯ್ಡ್ 4.0 ತಂತ್ರಾಂಶವಿರುವ ಪೆನ್ ಡ್ರೈವ್ ರೀತಿಯ ಮಿನಿ ಕಂಪ್ಯೂಟರ್ ಒಂದನ್ನು ಕಂಡುಹಿಡಿದಿದೆ. ಇದನ್ನು ಬಳಸಿಕೊಂಡು ನೀವು ನಿಮ್ಮ ವಿಂಡೋಸ್ ಕಂಪ್ಯೂಟರ್, ಮ್ಯಾಕ್ ಕಂಪ್ಯೂಟರ್ (USB ಪೋರ್ಟ್, ಬ್ಲೂ ಟೂತ್ ಮೂಲಕ) ಹಾಗು HDTV ಗಳಿಗೆ (HDMI ಪೋರ್ಟ್ ಮೂಲಕ) ಕನೆಕ್ಟ್ ಮಾಡಿ ಆಂಡ್ರಾಯ್ಡ್ ಕಂಪ್ಯೂಟರ್ ರೀತಿ ಬಳಸಬಹುದು.

ಇದರ ಮತ್ತೊಂದು ವಿಶೇಷವೇನೆಂದರೆ ಇದರಲ್ಲಿ ಮೈಕ್ರೋ SD ಕಾರಟ್ ಸ್ಲಾಟ್ ಕೂಡಾ ಇದ್ದು 32 GB ವರೆಗೂ ವಿಸ್ತರಿಸಬಹುದಾದ ಮೆಮೊರಿ ಕೆಪಾಸಿಟಿ ಹೊಂದಿದೆ. 1080p ವೀಡಿಯೋಗಳನ್ನೂ ಇದರ ಮೂಲಕ ಸ್ಪಷ್ಟವಾಗಿ ನೋಡಬಹುದಾಗಿದ್ದು ಎಲ್ಲೆಂದರಲ್ಲಿ ಕೊಂಡೊಯ್ಯಬಹುದು.

ಕೇವಲ 5,000 ರೂಪಾಯಿಗೆ ಈ ಸಾಧನ ಲಭ್ಯವಿದ್ದು, ಜೇಬಿನಲ್ಲೇ ಆಂಡ್ರಾಯ್ಡ್ ಅನ್ನು ಸ್ಮಾರ್ಟ್ ಆಗಿ ತೆಗೆದುಕೊಂಡು ಹೊಗಬಹುದಾದ ಮಿನಿಆಂಡ್ರಾಯ್ಡ್ ಕಂಪ್ಯೂಟರ್ ಆಗಿದೆ.