ಜಗತ್ ಪ್ರಸಿದ್ಧ ಎಲೆಕ್ಟ್ರಾನಿಕ್ ಉತ್ಪಾದಕ ಸ್ಯಾಮ್ಸಂಗ್, ನೆನ್ನೆ ತಾನೇ ಬಹುನಿರೀಕ್ಷಿತ ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಫೋನ್ ಅನ್ನು ಬಿಡುಗಡೆ ಮಾಡಿದ ಸುದ್ದಿಯನ್ನು ನಮ್ಮ ಕನ್ನಡ ಗಿಜ್ಬಾಟ್ ನಲ್ಲಿ ಓದಿದ್ದೀರಿ. ಈಗ ಸ್ಯಾಮ್ಸಂಗ್, ES8000, ES7500 ಹಾಗು ಪ್ಲಾಸ್ಮ E8000 ಹೆಸರಿನ 3 ವಿಭಿನ್ನ ಸ್ಮಾರ್ಟ್ ಟಿವಿಯನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಸ್ಮಾರ್ಟ್ ಇಂಟರಾಕ್ಷನ್ ತಂತ್ರಜ್ಞಾನವಿರುವ ಈ ಸ್ಮಾರ್ಟ್ ಟಿವಿಗಳ ವಿಶೇಷವೇನೆಂದರೆ ಇದರಲ್ಲಿ ಧ್ವನಿ ಗ್ರಹಣ ಮತ್ತು ನಿಯಂತ್ರಣ ತಂತ್ರಜ್ಞಾನ, ಮುಖ ಗುರುತು ಹಿಡಿಯುವ ತಂತ್ರಜ್ಞಾನ ಹಾಗು ಸಂಜ್ಞೆಯ ಮೂಲಕ ನಿಯಂತ್ರಿಸಬಹುದಾದ ತಂತ್ರಜ್ಞಾನಗಳೂ ಅಡಕವಾಗಿವೆ. ಇದಕ್ಕಾಗಿಯೇ ಆಂತರಿಕ ಕ್ಯಾಮರಾ ಹಾಗು  ಮೈಕ್ರೋಫೋನುಗಳನ್ನು ಅಳವಡಿಸಲಾಗಿದೆ, ಈ ಟಿವಿಗಳಲ್ಲಿ. ಇದಷ್ಟೇ ಅಲ್ಲದೆ ಬಳಕೆದಾರರಿಗೆ ವಿಧವಿಧವಾದ ವಿಷಯಾಧಾರಿತ ಮಾಹಿತಿಗಳ ಸೇವೆ,  1,500 ಕ್ಕೂ ಹೆಚ್ಚು ಆಪ್ಸ್ ಗಳೂ ಈ ಟಿವಿಗಳ ಜೊತೆ ಬರುತ್ತದೆ.

ಶಕ್ತಿಶಾಲಿಯಾದ ಡ್ಯುಯಲ್ ಕೋರ್ ಪ್ರೋಸೆಸರ್ ನಿಂದ ನಿರ್ಮಿತವಾಗಿರುವ ಈ ಸ್ಮಾರ್ಟ್ ಟಿವಿಗಳು, ಕಂಪ್ಯೂಟರ್ ನಂತೆಯೇ ಕಾರ್ಯ ನಿರ್ವಹಿಸುತ್ತದೆ. ಕ್ಲೌಡ್ ಶೇರಿಂಗ್ ಸೌಲಭ್ಯವೂ ಇದ್ದು ನೀವು ಮಾಹಿತಿಯನ್ನು ಅಲ್ಲಿ ಶೇಖರಿಸಿ ಇಡಬಹುದಾಗಿದೆ. ಈ ಸ್ಮಾರ್ಟ್ ಟಿವಿಗಳ ಬೆಲೆ  37,700 ರಿಂದ ಶುರುವಾಗಿ 2,73,000.ರೂಪಾಯಿ ವರೆಗೂ ಇದೆ.