ಶಿಯೋಮಿಯ ಬಹುನಿರೀಕ್ಷಿತ 'ನೋಟ್‌ಬುಕ್‌ ಏರ್‌ 12.5' ಲಾಂಚ್!.ಫುಲ್‌ ಲೈಟ್‌ವೇಟ್!

ಡಿಸೈನ್

ಅತೀ ಹಗುರವಾದ ರಚನೆಯನ್ನು ಹೊಂದಿರುವ ಈ ಲಾಪ್‌ಟಾಪ್‌ ತೂಕ ಕೇವಲ 1.07ಕಿ.ಗ್ರಾಂ ಆಗಿದ್ದು, ಇದರ ಚಸ್ಸಿ ಸಂಪೂರ್ಣ ಮೆಟಲ್‌ನಿಂದ ರಚಿತವಾಗಿದೆ ಮತ್ತು ಯಾವುದೇ ಲೋಗೋವನ್ನು ಹೊಂದಿಲ್ಲ. ಫುಲ್‌ಸೈಜ್‌ ಬ್ಲ್ಯಾಕ್‌ಲೈಟ್‌ ಕೀ ಬೋರ್ಡ್‌ ಹೊಂದಿದೆ.

ಡಿಸ್‌ಪ್ಲೇ

ಶಿಯೋಮಿ ನೋಟ್‌ಬುಕ್‌ ಏರ್‌ ಲ್ಯಾಪ್‌ಟಾಪ್‌ 1080 x 1920 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 12.5 ಇಂಚಿನ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದ್ದು, ಕಂಫರ್ಟ್ ಮಾದರಿಯ ಡಿಸ್‌ಪ್ಲೇ ಎನ್ನಲಾಗುತ್ತಿದ್ದು, ಆದರೆ 13 ಇಂಚಿನ ಗಾತ್ರದಲ್ಲಿ ಇರಲಿದೆ ಎಂದುಕೊಂಡಿದ್ದ ಗ್ರಾಹಕರ ನಿರೀಕ್ಷೆ ಹುಸಿಯಾಗಿದೆ.

ಪ್ರೊಸೆಸರ್‌

8ನೇ ತಲೆಮಾರಿನ ಇಂಟಲ್‌ಕೋರ್‌ Core i5 ಮತ್ತು Core m3 ಪ್ರೊಸೆಸರ್‌ ಸಾಮರ್ಥ್ಯವನ್ನು ಹೊಂದಿದ್ದು, ಇದರ ಕಾರ್ಯವೈಖರಿಯು ವೇಗವಾಗಿರಲಿದೆ. ವಿಂಡೊಸ್‌ 10 ಹೋಮ್ ಆಪರೇಟಿಂಗ್ ಸಿಸ್ಟಮ್ ನಲ್ಲಿ ಕಾರ್ಯನಿರ್ವಹಿಸಲಿದ್ದು, 4GB RAM ಸಾಮರ್ಥ್ಯದೊಂದಿಗೆ ಎಸ್‌ಡಿ ಕಾರ್ಡ್‌ ಮೂಲಕ 256GB ವರೆಗೂ ವಿಸ್ತರಿಸಿಕೊಳ್ಳುವ ಅವಕಾಶ ನೀಡಲಾಗಿದೆ.

ಬ್ಯಾಟರಿ

ಈ ಲ್ಯಾಪ್‌ಟಾಪ್‌ಗೆ ಶಕ್ತಿಯುತ ಬ್ಯಾಟರಿ ಸೌಲಭ್ಯವನ್ನು ಒದಗಿಸಿದ್ದು, ದೀರ್ಘಕಾಲದವರೆಗೆ ಬ್ಯಾಟರಿ ಬಾಳಿಕೆ ಬರಲಿದೆ. ಇದರೊಂದಿಗೆ ಫಾಸ್ಟ್‌ ಚಾರ್ಜಿಂಗ್ ಸೌಕರ್ಯವನ್ನು ನೀಡಲಾಗಿದ್ದು, ಕೇವಲ 35ನಿಮಿಷದಲ್ಲಿ ಲ್ಯಾಪ್‌ಟಾಪ್‌ ಅರ್ಧದಷ್ಟು ಚಾರ್ಜ್ ಪಡೆದುಕೊಳ್ಳುತ್ತದೆ ಎನ್ನಲಾಗುತ್ತಿದೆ.

ಸೌಂಡ್‌ ಮತ್ತು ಇತರೆ ಆಯ್ಕೆಗಳು

ಈ ಲ್ಯಾಪ್‌ಟಾಪ್‌ ಮೂರು ಹರ್ಮನ್ ಸ್ಪೀಕರ್ಸ್‌ಗಳನ್ನು ಒಳಗೊಂಡಿದ್ದು, DTS ಸೌಂಡ್‌ ಆಯ್ಕೆಯನ್ನು ಹೊಂದಿದೆ. ಇದರೊಂದಿಗೆ 3.5mm ಆಡಿಯೊ ಜಾಕ್, ಯುಎಸ್‌ಬಿ Type-C ಪೋರ್ಟ್‌, ಎಚ್‌ಡಿಎಮ್‌ಐ ಪೋರ್ಟ್‌ ಮತ್ತು ಯುಎಸ್‌ಬಿ 3.0 ಪೋರ್ಟ್‌ ಸೌಲಭ್ಯಗಳನ್ನು ನೀಡಲಾಗಿದೆ.

ಬಣ್ಣ ಮತ್ತು ಲಭ್ಯತೆ

ಸಿಲ್ವರ್‌ ಮತ್ತು ಗೋಲ್ಡ್‌ ಬಣ್ಣಗಳ ಆಯ್ಕೆಯಲ್ಲಿ ದೊರೆಯಲಿರುವ ಶಿಯೋಮಿ ನೋಟ್‌ಬುಕ್‌ ಏರ್‌ 12.5 ಲ್ಯಾಪ್‌ಟಾಪ್‌, ಇದೇ ಮಾರ್ಚ್‌ 28ರಂದು ಚೀನಾದಲ್ಲಿ ಸೇಲ್ ಆರಂಭಿಸಲಿದೆ. ಆದರೆ ಭಾರತಕ್ಕೆ ಯಾವಾಗ ಎಂಟ್ರಿ ಕೊಡಲಿದೆ ಎಂಬುದರ ಬಗ್ಗೆ ಕಂಪನಿ ಅಧಿಕೃತ ಮಾಹಿತಿಯನ್ನು ನೀಡಿಲ್ಲ.

ವೇರಿಯಂಟ್ ಮತ್ತು ಬೆಲೆ

ಶಿಯೋಮಿ ನೋಟ್‌ಬುಕ್‌ ಏರ್‌ 12.5 ಲ್ಯಾಪ್‌ಟಾಪ್ ಮೂರು ವೇರಿಯಂಟ್‌ಗಳಲ್ಲಿ ಲಭ್ಯವಿದ್ದು, ಇಂಟಲ್‌ಕೋರ್‌ m3 ಸಿಪಿಯು ಮತ್ತು 128GB SSD ಸಾಮರ್ಥ್ಯ ವೇರಿಯಂಟ್ ಬೆಲೆಯು CNY 3,599 (ಅಂದಾಜು 38,400ರೂ.ಗಳು), ಇಂಟಲ್‌ಕೋರ್‌ m3 ಸಿಪಿಯು ಮತ್ತು 256GB SSD ವೇರಿಯಂಟ್ ದರವು CNY 3,999 (ಅಂದಾಜು 42,700ರೂ.ಗಳು) ಮತ್ತು ಇಂಟಲ್‌ಕೋರ್‌ i5 ಮತ್ತು 256GB SSD ವೇರಿಯಂಟ್ ಬೆಲೆಯು CNY 4,299(ಅಂದಾಜು 45,900ರೂ.ಗಳು)