iphone: ಫ್ಲಿಪ್‌ಕಾರ್ಟ್ ಹೋಳಿ ಸೇಲ್‌ನಲ್ಲಿ ಈ ಆಪಲ್‌ ಫೋನ್‌ಗೆ ಭಾರೀ ಆಫರ್!

ಫ್ಲಿಪ್‌ಕಾರ್ಟ್‌ (Flipkart) ಆಗಾಗ್ಗೆ ವಿಶೇಷ ಸೇಲ್‌ಗಳನ್ನು ಘೋಷಣೆ ಮಾಡಿಕೊಂಡು ಬರುತ್ತಲೇ ಇರುತ್ತದೆ. ಅದರಂತೆ ಈಗ ಹೋಳಿ ಸೇಲ್‌ (Flipkart Holi Sale) ಘೋಷಣೆ ಮಾಡಿದ್ದು, ಈ ಸೇಲ್‌ನಲ್ಲಿ ಸ್ಮಾರ್ಟ್‌ಫೋನ್‌ಗಳಿಗೆ ವಿಶೇಷ ಆಫರ್ ನೀಡಲಾಗಿದೆ. ಅದರಲ್ಲೂ ನೀವು ಈ ಸೇಲ್‌ನಲ್ಲಿ ಈ ಐಫೋನ್ (iPhone) ‌ ಅನ್ನು ಕಡಿಮೆ ದರದಲ್ಲಿ ಖರೀದಿ ಮಾಡಬಹುದಾಗಿದೆ.

ಹೌದು, ಐಫೋನ್‌ 14 ಪ್ಲಸ್‌ (iPhone 14 Plus) ಅನ್ನು ಈ ವಿಶೇಷ ಸೇಲ್‌ನಲ್ಲಿ ಆಫರ್ ಬೆಲೆಗೆ ಖರೀದಿ ಮಾಡಬಹುದಾಗಿದೆ. ಈ ಫೋನ್ ಸೂಪರ್ ರೆಟಿನಾ XDR ಡಿಸ್‌ಪ್ಲೇ ಹೊಂದಿದ್ದು, ಸುಧಾರಿತ A15 ಬಯೋನಿಕ್ ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸಲಿದೆ. ಹಾಗಿದ್ರೆ ಈ ಸ್ಮಾರ್ಟ್‌ಫೋನ್‌ನ ಪ್ರಮುಖ ಫೀಚರ್ಸ್‌ ಜೊತೆಗೆ ಇದರ ಆಫರ್ ಬೆಲೆ ವಿವರಗಳನ್ನೂ ತಿಳಿಯೋಣ ಬನ್ನಿ.

ಐಫೋನ್‌ 14 ಪ್ಲಸ್‌ಗೆ ಆಫರ್: ಆಪಲ್‌ ಐಫೋನ್‌ 14 ಪ್ಲಸ್‌ ಅನ್ನು ಈ ಹೋಳಿ ಸೇಲ್‌ನಲ್ಲಿ 52,000 ರೂಪಾಯಿಗಳ ರಿಯಾಯಿತಿಯ ಬಳಿಕ ಕೇವಲ 14,999 ರೂ.ಗಳಲ್ಲಿ ಖರೀದಿ ಮಾಡಬಹುದು. ಈ ಫೋನ್‌ ಅನ್ನು ಭಾರತದಲ್ಲಿ 89,900 ರೂ.ಗಳ ಆರಂಭಿಕ ಬೆಲೆಗೆ ಲಾಂಚ್ ಮಾಡಲಾಗಿತ್ತು. ಆದರೆ, ಹೊಸ ಐಫೋನ್‌ 15 ಪ್ಲಸ್‌ ಅನ್ನು ಲಾಂಚ್‌ ಮಾಡಿದ ನಂತರ ಆಪಲ್‌ ಬರೋಬ್ಬರಿ 10,000 ರಷ್ಟು ಬೆಲೆ ಕಡಿತ ಮಾಡಿದೆ.

ಇನ್ನು ಈ ಆಪಲ್ ಐಫೋನ್ 14 ಪ್ಲಸ್ ಆಪಲ್ ಐಫೋನ್ 14 ನಂತೆಯೇ ಫೀಚರ್ಸ್‌ ಆಯ್ಕೆ ಪಡೆದಿದ್ದು, ದೊಡ್ಡ ಡಿಸ್ಪ್ಲೇ ಮತ್ತು ದೊಡ್ಡ ಬ್ಯಾಟರಿ ಹೊಂದಿದೆ. ಇನ್ನು ಫ್ಲಿಪ್‌ಕಾರ್ಟ್ ಸೇಲ್‌ನಲ್ಲಿ 12,901 ರೂಪಾಯಿಗಳ ರಿಯಾಯಿತಿಯ ನಂತರ 66,999 ರೂಪಾಯಿಗಳಿಗೆ ಇದು ಕಾಣಿಸಿಕೊಂಡಿದ್ದು, ಸಿಟಿ-ಬ್ರಾಂಡೆಡ್ ಕ್ರೆಡಿಟ್ ಕಾರ್ಡ್ ಇಎಮ್‌ಐ ವ್ಯವಹಾರದಲ್ಲಿ 2000 ರೂ.ಗಳ ರಿಯಾಯಿತಿ ಪಡೆಯಬಹುದು.

ಈ ಮೂಲಕ ಈ ಫೋನ್‌ ಬೆಲೆ 64,999 ರೂ.ಗೆ ಇಳಿಕೆಯಾಗಲಿದೆ. ಇದರ ಜೊತೆಗೆ ಖರೀದಿದಾರರು ವಿನಿಮಯ ಆಫರ್ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಂದರೆ ಹಳೆಯ ಸ್ಮಾರ್ಟ್‌ಫೋನ್‌ ಅನ್ನು ನೀಡಿದ್ರೆ ಬರೋಬ್ಬರಿ 50,000 ರೂ.ವರೆಗೆ ರಿಯಾಯಿತಿ ಪಡೆಯಬಹುದಾಗಿದೆ. ಈ ಮೂಲಕ ಆಫರ್‌ಗಳು ಮತ್ತು ಬ್ಯಾಂಕ್ ರಿಯಾಯಿತಿಗಳೊಂದಿಗೆ ಹೋಳಿ ಸೇಲ್‌ನಲ್ಲಿ ಈ ಫೋನ್‌ ಅನ್ನು ವಲ 14,999 ರೂ.ಗಳಲ್ಲಿ ಖರೀದಿ ಮಾಡಬಹುದಾಗಿದೆ. ಗಮನಿಸಬೇಕಾದ ವಿಷಯ ಏನೆಂದರೆ ವಿನಿಮಯ ಮಾಡಿಕೊಳ್ಳುವ ಫೋನ್‌ ಉತ್ತಮವಾಗಿದ್ದರೆ ಮಾತ್ರ ಇಷ್ಟು ಮೊತ್ತದ ರಿಯಾಯಿತಿ ಸಿಗಲಿದೆ.

ಇನ್ನು ಈ ಫೋನ್‌ನ ಕೆಲವು ಫೀಚರ್ಸ್‌ ಕಡೆ ಕಣ್ಣಾಯಿಸಿವುದಾದರೆ ಇದು 6.7-ಇಂಚಿನ ಸೂಪರ್ ರೆಟಿನಾ XDR ಡಿಸ್‌ಪ್ಲೇ ಆಯ್ಕೆ ಪಡೆದುಕೊಂಡಿದೆ. ಹಾಗೆಯೇ ಆಪಲ್‌ ಐಫೋನ್ 13 ಪ್ರೊ ವೇರಿಯಂಟ್‌ನಲ್ಲಿ ಕಂಡುಬರುವಂತೆ ಸುಧಾರಿತ A15 ಬಯೋನಿಕ್ ಚಿಪ್‌ನಿಂದ ಕಾರ್ಯನಿರ್ವಹಿಸಲಿದೆ. ಇದರ ಜೊತೆಗೆ ನೀವು ಈ ಫೋನ್‌ ಅನ್ನು ಒಮ್ಮೆ ಚಾರ್ಜ್‌ ಮಾಡಿದ್ರೆ ಚಾರ್ಜ್‌ನಲ್ಲಿ 26 ಗಂಟೆಗಳವರೆಗೆ ಬಳಕೆ ಮಾಡಬಹುದು.

ಉಳಿದಂತೆ ಈ ಫೋನ್ ಉತ್ತಮ ಕ್ಯಾಮೆರಾ ಸೌಲಭ್ಯ ಪಡೆದಿದೆ. ಅಂದರೆ 12 ಮೆಗಾಪಿಕ್ಸೆಲ್ ಮುಖ್ಯ ಸೆನ್ಸರ್‌ ಅನ್ನು ಈ ಫೋನ್‌ನಲ್ಲಿ ನೋಡಬಹುದಾಗಿದ್ದು, ಅಲ್ಟ್ರಾ-ವೈಡ್ ಸೆನ್ಸರ್‌ನೊಂದಿಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ರಚನೆ ಪಡೆದಿದೆ. ಇದರೊಂದಿಗೆ ಐಫೋನ್ ಪ್ರಿಯರು ನೀಲಿ, ನೇರಳೆ, ಮಿಡ್ನೈಟ್, ಸ್ಟಾರ್‌ಲೈಟ್ ಮತ್ತು ಕೆಂಪು ಬಣ್ಣದ ಫೋನ್‌ಗಳಲ್ಲಿ ತಮ್ಮಿಷ್ಟದ ಫೋನ್‌ ಅನ್ನು ಖರೀದಿ ಮಾಡಬಹುದಾಗಿದೆ.

iOS 18 ನಲ್ಲಿ ವಿಶೇಷ ಸೌಲಭ್ಯ: ಈ ನಡುವೆ ಐಫೋನ್‌ ಸಂಬಂಧ ಮತ್ತೊಂದು ಗುಡ್‌ ನ್ಯೂಸ್‌ ಸಿಕ್ಕಿದೆ. ಅದುವೇ iOS 18. ಈ ಓಎಸ್ ವೈಯಕ್ತಿಕಗೊಳಿಸಿದ ಹೋಮ್ ಸ್ಕ್ರೀನ್ ಮತ್ತು ಡೀಪ್‌ ಎಐ ಏಕೀಕರಣವನ್ನು ಒಳಗೊಂಡಿರುತ್ತದೆ. ಈ ಅಪ್‌ಡೇಟ್ ಜೂನ್‌ನಲ್ಲಿ ಡೆವಲಪರ್ ಬೀಟಾಗಳೊಂದಿಗೆ ಮತ್ತು ನಂತರದಲ್ಲಿ ಸಾರ್ವಜನಿಕ ಲಭ್ಯವಾಗಲಿದೆ ಎಂದು ತಿಳಿದುಬಂದಿದೆ.

ಇದರೊಂದಿಗೆ ಸಿರಿ ಸುಧಾರಣೆಗಳು, ಆಪಲ್ ಮ್ಯೂಸಿಕ್‌ಗಾಗಿ ಎಐ-ರಚಿಸಿದ ಲಿಸ್ಟ್‌ಗಳು, ಐವರ್ಕ್ ಸೂಟ್‌ನಲ್ಲಿ ಎಐ ಡಾಕ್ಯುಮೆಂಟ್ ಉತ್ಪಾದನೆ ಮತ್ತು ಮೆಸೆಜ್‌ಗಳಲ್ಲಿ ಚುರುಕಾದ ಪ್ರತ್ಯುತ್ತರ ಸಲಹೆಗಳು ಸೇರಿದಂತೆ ವಿವಿಧ ಎಐ-ಚಾಲಿತ ಫೀಚರ್‌ ಅನ್ನು ಈ ಓಎಸ್‌ ನಲ್ಲಿ ಕಾಣಬಹುದಾಗಿದೆ.