ಮನರಂಜನೆಗೆ ಒಂದು ಸ್ಮಾರ್ಟ್‌ ಸಾಧನ ಅದುವೇ ಅಮೆಜಾನ್ 'ಇಕೊ ಶೋ'; ಇಲ್ಲಿದೇ ನೋಡಿ ರಿವ್ಯೂ!

ಡಿಸ್‌ಪ್ಲೇ ಮತ್ತು ರಚನೆ

ಅಮೆಜಾನ್ ಇಕೋ ಶೋ ಫ್ಯಾಬ್ರಿಕ್ ರಚನೆಯನ್ನು ಹೊಂದಿದ್ದು, ನೋಡಲು ಪುಟ್ಟ ಟ್ಯಾಬ್‌ ಮಾದರಿಯಲ್ಲಿದೆ. ಈ ಸಾಧನವು 10 ಇಂಚಿನ ಹೆಚ್‌ಡಿ ರೆಸಲ್ಯೂಶನ್‌ ಸಾಮರ್ಥ್ಯದ ಡಿಸ್‌ಪ್ಲೇಯನ್ನು ಒಳಗೊಂಡಿದ್ದು, ಸಂಪೂರ್ಣ ಮಲ್ಟಿಮೀಡಿಯಾ ಸಾಧನವಾಗಿದೆ. ಆಡಿಯೋ ಮತ್ತು ವಿಡಿಯೋ ಕಂಟೆಂಟ್ ಜೊತೆಗೆ ಅಲೆಕ್ಸಾ ವೈಯಸ್‌ ರೆಕಗ್ನೈಸ್‌ ಬೆಂಬಲವನ್ನು ಪಡೆದಿದೆ.

ಅಮೆಜಾನ್ ಪ್ರೈಮ್‌ ವಿಡಿಯೋ

ಅಮೆಜಾನ್ ಇಕೋ ಶೋ ಸಾಧನಕ್ಕೆ ಅಮೆಜಾನ್ ಪ್ರೈಮ್‌ನ ಸಂಪೂರ್ಣ ಬೆಂಬಲವಿದ್ದು, ಈ ಸಾಧನದಲ್ಲಿ ಸಿನಿಮಾ, ವಿಡಿಯೋ ನ್ಯೂಸ್‌, ಆಡಿಯೋ ಕಾರ್ಯಕ್ರಮಗಳು, ಟಿವಿ ಕಾರ್ಯಕ್ರಮಗಳು ಸೇರಿದಂತೆ ಸಿನಿಮಾ ಟ್ರೈಲರ್‌ಗಳನ್ನು ಸಹ ವೀಕ್ಷಿಸಬಹುದಾಗಿದೆ. ಇದರೊಂದಿಗೆ ಸಾಮಾಜಿಕ ಜಾಲತಾಣಗಳ ಫೋಟೋಗಳನ್ನು ಸಹ ನೋಡಬಹುದಾಗಿದೆ.

ಅಮೆಜಾನ್ ಅಲೆಕ್ಸಾ

ಅಮೆಜಾನ್ ಇಕೋ ಶೋ ಸಾಧನವು ಅಮೆಜಾನ್ ಅಲೆಕ್ಸಾ ವಾಯಿಸ್‌ ರಿಕಗ್ನೈಸ್‌ ಸೌಲಭ್ಯ ಲಭ್ಯವಿದ್ದು, ಬಳಕೆದಾರರು ವಾಯಿಸ್‌ ಮೂಲಕ ಇಕೋ ಶೋ ಸಾಧನವನ್ನು ಕಮಾಂಡ ಮಾಡಬಹುದಾಗಿದೆ ಮತ್ತು ನಿಯಂತ್ರಿಸಬಹುದಾಗಿದೆ.

ಅಮೆಜಾನ್ ಪ್ರೈಮ್‌ ಮ್ಯೂಸಿಕ್

ಮ್ಯೂಸಿಕ್‌ ಕೇಳಲು ಇಕೋ ಶೋ ಡಿವೈಸ್‌ ಅನ್ನು ಸ್ಪೀಕರ್ ಆಗಿಯು ಬಳಸಬಹುದಾಗಿದೆ ಅತ್ಯುತ್ತಮ ಡಾಲ್ಬಿ ಸೌಂಡ್‌ ಅನ್ನು ಹೊರಸೂಸಲಿದೆ. ಮ್ಯೂಸಿಕ್ ಸ್ಟ್ರೀಮಿಂಗ್ ಸರ್ವೀಸ್‌ ಆಯ್ಕೆಗಳಾದ ಗಾನಾ, ಜಿಯೋ ಸಾವನ್ ಮತ್ತು ಅಮೆಜಾನ್ ಪ್ರೈಮ್ ಮ್ಯೂಸಿಕ್ ಆಯ್ಕೆಗಳನ್ನು ಸಹ ಸಹಕರಿಸಲಿದೆ.

ಆನ್‌ಲೈನ್‌ ಸೇವೆಗಳು

ಮನರಂಜನೆಗಳ ಆಯ್ಕೆಗಳೊಂದಿಗೆ ಆನ್‌ಲೈನ್‌ ಸೇವೆಗಳನ್ನು ಪಡೆಯಲು ಇದು ನೆರವಾಗಲಿದ್ದು, ಈ ಸಾಧನದ ಮೂಲಕ ಆನ್‌ಲೈನ್‌ನಲ್ಲಿ ಓಲಾ ಟ್ಯಾಕ್ಸಿ ಬುಕ್ಕ್‌, ಸಿನಿಮಾ ಟಿಕೆಟ್ ಬುಕ್ಕ್‌ ಮತ್ತು ಇತರೆ ಆನ್‌ಲೈನ್‌ ಬುಕ್ಕಿಂಗ್ ಮಾಡಬಹುದಾಗಿದೆ. ಜೊತೆಗೆ ನ್ಯೂಸ್‌ ಅಪ್‌ಡೇಟ್‌ ಹಾಗೂ ಇತರೆ ವಿಷಯಗಳ ಬಗ್ಗೆ ಅಪ್‌ಡೇಟ್‌ ಮಾಹಿತಿಗಳನ್ನು ತಿಳಿಯಬಹುದು.

ಉಚಿತ ವಿಡಿಯೊ ಕರೆ

ಅಮೆಜಾನ್ ಇಕೋ ಶೋ ಡಿವೈಸ್‌ 5 ಮೆಗಾಪಿಕ್ಸಲ್ ಕ್ಯಾಮೆರಾವನ್ನು ಹೊಂದಿದ್ದು, ಅತ್ಯುತ್ತಮ ಗುಣಮಟ್ಟದ ಫೋಟೋ ಸೆರೆಹಿಡಿಯಬಹುದು. ಇದರೊಂದಿಗೆ ಅಮೆಜಾನ್ ಇಕೋ ಸಾಧನದಿಂದ ಇಕೋ ಸಾಧನಕ್ಕೆ ಉಚಿತ ವಿಡಿಯೊ ಕರೆ ಮಾಡುವ ಸೌಲಭ್ಯವನ್ನು ನೀಡಲಾಗಿದೆ.

ಲಾಂಚ್ ಆಫರ್‌

ಭಾರತೀಯ ಮಾರುಕಟ್ಟೆಗೆ ಎಂಟ್ರಿಕೊಟ್ಟಿರುವ ಇಕೋ ಶೋ ಡಿವೈಸ್‌ಗೆ ಭರ್ಜರಿ ಲಾಂಚ್ ಆಫರ್‌ ನೀಡಲಾಗಿದ್ದು, ಆರಂಭದಲ್ಲಿ ಈ ಸಾಧನವನ್ನು ಖರೀದಿಸುವ ಗ್ರಾಹಕರಿಗೆ ಪಿಲಿಪ್ಸ್ hue ಸ್ಮಾರ್ಟ್‌ ಲೈಟ್‌ಬಲ್ಬ್‌ ಉಚಿತವಾಗಿ ದೊರೆಯಲಿದೆ. ಮತ್ತು ಸಿಟಿಬ್ಯಾಂಕ್ ಕಾರ್ಡ್‌ಬಳಸಿ ಖರೀದಿಸಿದರೇ 2000ರೂ.ಗಳವರೆಗೆ ಕ್ಯಾಶ್‌ಬ್ಯಾಕ್‌ ಸೀಗಲಿದ್ದು, ಬ್ಯಾಂಕ್‌ಗಳು ನೋ ಕಾಸ್ಟ್‌ EMI ಆಯ್ಕೆ ಸಹ ನೀಡಲಿವೆ.

ಬೆಲೆ ಮತ್ತು ಲಭ್ಯತೆ

ಜನಪ್ರಿಯ ಇ ಕಾಮರ್ಸ್‌ ಜಾಲತಾಣ ಅಮೆಜಾನ್ನಲ್ಲಿ ಇಕೋ ಶೋ ಡಿವೈಸ್‌ ಲಭ್ಯವಿದ್ದು, ಆನ್‌ಲೈನ್‌ ಮೂಲಕ ಖರೀದಿಸಬಹುದಾಗಿದೆ. ಇದರ ಬೆಲೆಯು 22,999ರೂ.ಗಳು ಆಗಿದೆ. ಇದರೊಂದಿಗೆ ಆರಂಭದಲ್ಲಿ ಖರೀದಿಸುವ ಗ್ರಾಹಕರಿಗೆ ಪಿಲಿಪ್ಸ್ hue ಸ್ಮಾರ್ಟ್‌ ಲೈಟ್‌ಬಲ್ಬ್‌ ಉಚಿತವಾಗಿ ದೊರೆಯಲಿದೆ.