AMOLED ಡಿಸ್‌ಪ್ಲೇಯ ಬೆಸ್ಟ್‌ ಸ್ಮಾರ್ಟ್‌ವಾಚ್‌ಗಳ ಲಿಸ್ಟ್‌ ಇಲ್ಲಿದೆ!

ಸದ್ಯ ಮೊಬೈಲ್‌ಗಳಂತೆ ಸ್ಮಾರ್ಟ್‌ವಾಚ್‌ಗಳು ಮಾರುಕಟ್ಟೆಯಲ್ಲಿ ಜನಪ್ರಿಯ ಸ್ಥಾನ ಪಡೆದಿವೆ. ಈ ನಿಟ್ಟಿನಲ್ಲಿ ಸ್ಮಾರ್ಟ್‌ವಾಚ್‌ ತಯಾರಿಕಾ ಸಂಸ್ಥೆಗಳು ಸಹ ಭಿನ್ನ ಫೀಚರ್ಸ್‌ ಜೊತೆಗೆ ಹೊಸ ಮಾದರಿಯ ಸ್ಮಾರ್ಟ್‌ವಾಚ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತ ಸಾಗಿವೆ. ಆ ಪೈಕಿ ಅಮೊಲೆಡ್‌ (AMOLED) ಡಿಸ್‌ಪ್ಲೇ ಒಳಗೊಂಡ ಸ್ಮಾರ್ಟ್‌ವಾಚ್‌ಗಳು ಹೆಚ್ಚು ಗಮನ ಸೆಳೆದಿವೆ.

ಹೌದು, ಪ್ರಸ್ತುತ ಮಾರುಕಟ್ಟೆಯಲ್ಲಿ ತರಹೇವಾರಿ ಸ್ಮಾರ್ಟ್‌ವಾಚ್‌ ಡಿವೈಸ್‌ಗಳು ಖರೀದಿಗೆ ಲಭ್ಯ ಇವೆ. ಅವುಗಳಲ್ಲಿ ಅಮೊಲೆಡ್‌ ಡಿಸ್‌ಪ್ಲೇ ಇರುವ ವಾಚ್‌ಗಳು ಡಿಮ್ಯಾಂಡ್‌ ಪಡೆದಿವೆ. ಈ ಮಾದರಿಯ ಡಿಸ್‌ಪ್ಲೇ, ಬಳಕೆದಾರರಿಗೆ ಅನುಕೂಲಕರ ಎನಿಸುತ್ತದೆ. ಮುಖ್ಯವಾಗಿ 5,000ರೂ. ಬೆಲೆಯ ಒಳಗೆ ಲಭ್ಯ ಇರುವ ಅಮೊಲೆಡ್‌ ಡಿಸ್‌ಪ್ಲೇಯ ಸ್ಮಾರ್ಟ್‌ವಾಚ್‌ಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಯೋಣ ಬನ್ನಿರಿ.

ಅಮಾಜಿಫಿಟ್‌ ಪಾಪ್‌ 3R (Amazfit Pop 3R) ಸ್ಮಾರ್ಟ್‌ವಾಚ್‌ : ಈ ಸ್ಮಾರ್ಟ್‌ವಾಚ್‌ 1.43 ಇಂಚಿನ ಡಿಸ್‌ಪ್ಲೇ ಪಡೆದಿದ್ದು, ಡಿಸ್‌ಪ್ಲೇಯು ಅಮೊಲೆಡ್‌ ಮಾದರಿಯಲ್ಲಿದೆ. ಹಾಗೆಯೇ ಈ ವಾಚ್‌ ವಾಟರ್‌ ರೆಸಿಸ್ಟನ್ಸ್‌, ಡಸ್ಟ್‌ ಪ್ರೂಫ್‌, ಹಾರ್ಟ್‌ ರೇಟ್ ಮಾನಿಟರಿಂಗ್ ನಂತಹ ಸೌಲಭ್ಯಗಳನ್ನು ಒಳಗೊಂಡಿದೆ. ಇದರೊಂದಿಗೆ ಬ್ಲೂಟೂತ್‌ ಕಾಲಿಂಗ್, ವೈ-ಫೈ, ಸ್ಟೇಪ್‌ ಕೌಂಟ್‌, 12 ದಿನಗಳ ಬ್ಯಾಟರಿ ಬ್ಯಾಕ್‌ಅಪ್‌ ಸೌಲಭ್ಯ ಹೊಂದಿದೆ. ಜೊತೆಗೆ ಆಂಡ್ರಾಯ್ಡ್ ಹಾಗೂ ಐಓಎಸ್‌ ಡಿವೈಸ್‌ಗಳಿಗೆ ಸಪೋರ್ಟ್‌ ಪಡೆದಿದೆ.

ಅಮಾಜಿಫಿಟ್‌ ಪಾಪ್‌ 3s (Amazfit Pop 3s) ಸ್ಮಾರ್ಟ್‌ವಾಚ್‌ : ಈ ಸ್ಮಾರ್ಟ್‌ವಾಚ್‌ 1.96 ಇಂಚಿನ ಡಿಸ್‌ಪ್ಲೇ ಪಡೆದಿದ್ದು, ಡಿಸ್‌ಪ್ಲೇಯು ಅಮೊಲೆಡ್‌ ಮಾದರಿಯಲ್ಲಿದೆ. ಹಾಗೆಯೇ ಈ ವಾಚ್‌ SpO2, 12 ದಿನಗಳ ಬ್ಯಾಟರಿ ಬ್ಯಾಕ್‌ಅಪ್‌ ಸೌಲಭ್ಯ ಪಡೆದಿದೆ. ಇದರೊಂದಿಗೆ ಮ್ಯಾಗ್ನೆಟಿಕ್‌ ಚಾರ್ಜಿಂಗ್, ವಾಟರ್‌ ಪ್ರೂಫ್‌, ಹಾರ್ಟ್‌ ರೇಟ್ ಮಾನಿಟರಿಂಗ್ ನಂತಹ ಸೌಲಭ್ಯಗಳನ್ನು ಒಳಗೊಂಡಿದೆ. ಇದರೊಂದಿಗೆ ಬ್ಲೂಟೂತ್‌ ಕಾಲಿಂಗ್, ವೈ-ಫೈ, ಸ್ಟೇಪ್‌ ಕೌಂಟ್‌ ಆಯ್ಕೆ ಇದೆ. ಜೊತೆಗೆ ಆಂಡ್ರಾಯ್ಡ್ ಹಾಗೂ ಐಓಎಸ್‌ ಡಿವೈಸ್‌ಗಳಿಗೆ ಸಪೋರ್ಟ್‌ ಪಡೆದಿದೆ.

ನಾಯ್ಸ್‌ ಕಲರ್‌ಫಿಟ್‌ ವಿಷನ್‌ 3 (Noise ColorFit Vision 3) ಈ ವಾಚ್‌ 1.96 ಇಂಚಿನ ಅಮೋಲೆಡ್‌ ಡಿಸ್‌ಪ್ಲೇ ಹೊಂದಿದ್ದು, 410 x 502 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯ ಪಡೆದುಕೊಂಡಿದೆ. ಇದರೊಂದಿಗೆ 150 ಕ್ಕೂ ಹೆಚ್ಚು ವಾಚ್‌ಫೇಸ್‌ ಸಪೋರ್ಟ್‌ ಪಡೆದಿದ್ದು, ಕ್ರೌನ್‌ ಬಟನ್‌ ಈ ವಾಚ್‌ಗೆ ಮತ್ತಷ್ಟು ಮೆರಗು ನೀಡುತ್ತದೆ.

ಹಾಗೆಯೇ ಈ ವಾಚ್‌ ಬ್ಲೂಟೂತ್ ಆವೃತ್ತಿ 5.3 ಯನ್ನು ಹೊಂದಿದ್ದು, ನಾಯ್ಸ್ ಟ್ರೂ ಸಿಂಕ್ ತಂತ್ರಜ್ಞಾನದೊಂದಿಗೆ ಕಾರ್ಯ ಮಾಡುತ್ತದೆ. ಅಲ್ಲದೇ 24×7 ಹೃದಯ ಬಡಿತ ಮಾನಿಟರಿಂಗ್, SpO2, ನಿದ್ರೆ ಟ್ರ್ಯಾಕಿಂಗ್, ಒತ್ತಡ ನಿರ್ವಹಣೆ, ಮಹಿಳೆಯರ ಆರೋಗ್ಯ ಟ್ರ್ಯಾಕಿಂಗ್ ಸೇರಿದಂತೆ ಅಗತ್ಯ ಆಯ್ಕೆಗಳನ್ನು ಇದು ಪಡೆದಿದೆ.

ಫಾಸ್ಟ್ರ್ಯಾಕ್ ರಿವಾಲ್ಟ್ FS1 ಪ್ರೊ (Fastrack Revoltt FS1 Pro) : ಫಾಸ್ಟ್ರ್ಯಾಕ್ ರಿವಾಲ್ಟ್ FS1 ಪ್ರೊ ವಾಚ್‌ ಸಖತ್‌ ಟ್ರೆಂಡಿ ಲುಕ್ ಪಡೆದುಕೊಂಡಿದೆ. ಇದು 1.96 ಇಂಚಿನ ಸೂಪರ್ AMOLED ಆರ್ಚ್ಡ್ ಡಿಸ್‌ಪ್ಲೇ ಹೊಂದಿದ್ದು, ಡಿಸ್‌ಪ್ಲೇ ಆಲ್‌ವೇಸ್‌ ಆನ್‌-ಡಿಸ್‌ಪ್ಲೇ ಮಾದರಿಯಲ್ಲಿದೆ. ಇನ್ನು ಡಿಸ್‌ಪ್ಲೇ 410×502 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿದ್ದು, ಇದು 110+ ಸ್ಪೋರ್ಟ್ಸ್ ಮೋಡ್‌ಗಳನ್ನು ಒಳಗೊಂಡಿದೆ. ಕೆಲವು ಅಗತ್ಯ ಹಾಗೂ ಅನುಕೂಲವಾಗುವಂತಹ ಹೆಲ್ತ್‌ ಟ್ರ್ಯಾಕಿಂಗ್‌ ಆಯ್ಕೆಗಳನ್ನು ಪಡೆದಿದೆ.

ಫೈರ್‌ಬೋಲ್ಟ್‌ ಲೆಗಸಿ (Fire Boltt Legacy) : ಈ ಸ್ಮಾರ್ಟ್‌ವಾಚ್‌ 1.43 ಇಂಚಿನ ಆಲ್‌ವೇಸ್‌ ಆನ್ ಅಮೋಲೆಡ್‌ ಡಿಸ್‌ಪ್ಲೇ ಹೊಂದಿದ್ದು, ಎರಡು ಕ್ರೌನ್‌ ಬಟನ್‌ ಆಯ್ಕೆಯೊಂದಿಗೆ ಕಾಣಿಸಿಕೊಂಡಿದೆ. ಇದು ಸ್ಟೇನ್‌ಲೆಸ್ ಸ್ಟೀಲ್ ವಿನ್ಯಾಸ ಪಡೆದುಕೊಂಡಿದ್ದು, 60 Hz ರಿಫ್ರೆಶ್ ರೇಟ್‌ ಆಯ್ಕೆ ಸಹ ಇದರಲ್ಲಿದೆ.

ಜೊತೆಗೆ ಈ ವಾಚ್‌ 100+ ಸ್ಪೋರ್ಟ್ಸ್‌ ಮೋಡ್‌ ಆಯ್ಕೆ ಹೊಂದಿದ್ದು, ಫೈರ್ ಬೋಲ್ಟ್‌ನ ಸಿಗ್ನೇಚರ್ ಹೆಲ್ತ್ ಸೂಟ್ ಅನ್ನು ಪಡೆದುಕೊಂಡಿದೆ. ಮುಖ್ಯವಾಗಿ ಹೃದಯ ಬಡಿತದ ಮೇಲ್ವಿಚಾರಣೆ, ನಿದ್ರೆಯ ಮೇಲ್ವಿಚಾರಣೆ, SpO2 ಮಾನಿಟರಿಂಗ್ ಆಯ್ಕೆ ಪಡೆದಿದೆ.