'ಎಚ್‌ಟಿಸಿ' ಪರಿಚಯಿಸಲಿದೆ ಮಲ್ಟಿಟಾಸ್ಕ್‌ '5G ಹಬ್' ಸಾಧನ.!

ಎಚ್‌ಟಿಸಿ ಸ್ಮಾರ್ಟ್ ಹಬ್

ಎಚ್‌ಟಿಸಿ ಪರಿಚಯ ಮಾಡಲಿರುವ ಎಚ್‌ಟಿಸಿ ಹಬ್ ಸಾಧನವು ಬಹುತೇಕ ಕೆಲಸಗಳಿಗೆ ಇಂಟರ್ನೆಟ್ ಒದಗಿಸಲಿದ್ದು, ಇದೊಂದು ಮಲ್ಟಿಟಾಸ್ಕ್ ಡಿವೈಸ್ ಆಗಿ ಕೆಲಸ ನಿರ್ವಹಿಸುವುದು. ಸ್ಮಾರ್ಟ್‌ಟಿವಿ, ಸ್ಮಾರ್ಟ್‌ಫೋನ್, ನೆಟ್‌ಫ್ಲೇಕ್ಸ್ ನಂತಹ ಆಪ್‌ಗಳಲ್ಲಿ ವಿಡಿಯೋ ಸ್ಟ್ರಿಮೀಂಗ್ ಮಾಡಬಹುದಾಗಿದೆ.

5G ಕನೆಕ್ಟಿವಿಟಿ

ಈ ಸಾಧನವು 5G ನೆಟವರ್ಕ್ ಸೌಲಭ್ಯವನ್ನು ಒದಗಿಸಲಿದ್ದು, ಸ್ನ್ಯಾಪ್‌ಡ್ರಾಗನ್ "X50v2" 5G ನೆಟವರ್ಕ್ ಮೊಡೆಮ್ ಅನ್ನು ಹೊಂದಿರಲಿದೆ. ಹಬ್ ಸಾಧನವು 6GHz ವೇಗದಲ್ಲಿ ಕೆಲಸ ಮಾಡಲು ಸಹಕರಿಸಲಿದೆ. ಮೊದಲ 5G ಸಂಪರ್ಕ ಹೊಂದಿರಲಿರು ಡಿವೈಸ್ ಎನಿಸಿಕೊಳ್ಳಲಿದೆ.

ಡಿಸ್‌ಪ್ಲೇ ಮತ್ತು ರಚನೆ

ಎಚ್‌ಟಿಸಿ ಹಬ್‌ ಸಾಧನದಲ್ಲಿ 720 x 1280 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 5 ಇಂಚಿನ ಡಿಸ್‌ಪ್ಲೇಯನ್ನು ನೀಡಲಾಗಿದೆ. ಸ್ಮಾರ್ಟ್‌ಫೋನಿನ ಡಿಸ್‌ಪ್ಲೇ ಮಾದರಿಯಲ್ಲಿಯೇ ಇರಲಿದ್ದು, ಒಂದು ಬದಿಗೆ ಡಿಸ್‌ಪ್ಲೇ ಮತ್ತು ಸುತ್ತಲೂ ಮ್ಯಾಟ್ ಕ್ಲಾಥಿಂಗ್‌ನಲ್ಲಿ ಕಾಣಿಸುತ್ತದೆ. ಇದರ ಮುಂಭಾಗ ಮತ್ತು ಹಿಂಬದಿ ಎರಡು ಕಡೆ ಕಂಪನಿ ಹೆಸರು ನಮೂದಿಸಲಾಗಿದೆ.

ಪ್ರೊಸೆಸರ್

ಎಚ್‌ಟಿಸಿ ಹಬ್‌ ಸಾಧನವು ಕ್ವಾಲ್ಕಾಮ್ ಸ್ನ್ಯಾಪ್‌ಡ್ರಾಗನ್ 855 ಪ್ರೊಸೆಸರ್ ಅನ್ನು ಹೊಂದಿರಲಿದ್ದು, 4GB RAM ಮತ್ತು 32GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಒಳಗೊಂಡಿರಲಿದೆ ಎಂದು ತಿಳಿದು ಬಂದಿದೆ.

ಬ್ಯಾಟರಿ

ಎಚ್‌ಟಿಸಿ ಹಬ್ ಸಾಧನದಲ್ಲಿ 7,660 mAh ಸಾಮರ್ಥ್ಯದ ಬ್ಯಾಟರಿ ಶಕ್ತಿ ನೀಡಲಾಗಿದೆ. ಈ ಸಾಧನವನ್ನು ಅತೀ ಹಗುರಾಗಿದ್ದು, ನಿಮ್ಮೊಂದಿಗೆ ಕೊಂಡೊಯ್ಯಬಹುದಾಗಿದೆ. ಇದರೊಂದಿಗೆ USB-C ಕೇಬಲ್ ಫೋರ್ಟ್‌ ಇರಲಿದೆ.

ಎಲ್ಲಿ ಲಭ್ಯ ಮತ್ತು ಬೆಲೆ ಎಷ್ಟು?

ಎಚ್‌ಟಿಸಿ ಕಂಪನಿಯು ತನ್ನ ಈ ಹೊಸ ಹಬ್ ಸಾಧನವನ್ನು ಈ ವರ್ಷದ ಅಂತ್ಯದೊಳಗೆ, ಆಸ್ಟ್ರೇಲಿಯಾ ಮತ್ತು ಯುರೋಪ್ ರಾಷ್ಟ್ರಗಳಲ್ಲಿ ಬಿಡುಗಡೆ ಮಾಡಲಿದ್ದು, ಆದರೆ ಭಾರತದಲ್ಲಿ ಬಿಡುಗಡೆಯ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಹೊರಹಾಕಿಲ್ಲ. ಇದರ ಬೆಲೆಯ ಬಗ್ಗೆಯು ಕಂಪನಿ ಅಧಿಕೃತ ಮಾಹಿತಿ ಬಹಿರಂಗಪಡಿಸಿಲ್ಲ.