ಅಲೆಕ್ಸಾ 'ವಾಯಿಸ್ ಅಸಿಸ್ಟೆಂಟ್‌'ನಿಂದ ನಿಮ್ಮ ಖಾಸಗಿ ಗುಟ್ಟು ರಟ್ಟಾಗಬಹುದು!!

ಪ್ರಮುಖ ವಾಯಿಸ್‌ ಅಸಿಸ್ಟೆಂಟ್ ಸಾಧನಗಳು

ಹೊಸ ವಾಯಿಸ್ ಆಧಾರಿತ ಇಂಟರ್ನೆಟ್ ಸಾಧನಗಳು ಮಾರುಕಟ್ಟೆಗೆ ಲಗ್ಗೆ ಇಡುತ್ತಲೇ ಇವೆ. ಆದರೆ ಜನಪ್ರಿಯ ಕಂಪನಿಗಳ ವಾಯಿಸ್ ಸಾಧನಗಳೆಂದರೆ ಅಮೆಜಾನ್ ಅಲೆಕ್ಸಾ, ಮೈಕ್ರೊಸಾಫ್ಟ್ ಕೊರ್ಟಾನಾ, ಗೂಗಲ್ ಅಸಿಸ್ಟೆಂಟ್ ಮತ್ತು ಆಪಲ್‌ ಸಿರಿ. ಈ ಸಾಧನಗಳ ಬಳಕೆಯು ಹೆಚ್ಚಾಗುತ್ತಿದ್ದು, ಮನೆಗಳಿಗೆ ಮತ್ತು ಕಛೇರಿಗಳಿಗೆ ತುಂಬಾ ಅನುಕೂಲಕರವಾಗಿವೆ.

ರೇಕಾರ್ಡಿಂಗ್ ಡೀಲಿಟ್ ಮಾಡಿ!

ನೀವು ವಾಯಿಸ್ ಅಸಿಸ್ಟೆಂಟ್ ಸಾಧನಗಳನ್ನು ಬಳಸುತ್ತಿದ್ದರೆ, ಅದು ಚಾಲ್ತಿ ಇದ್ದಾಗ ಎಲ್ಲವನ್ನು ರೆಕಾರ್ಡ್ ಮಾಡಿಕೊಂಡಿರುತ್ತದೆ. ಹೀಗಾಗಿ ಅದರಲ್ಲಿ ನಿಮ್ಮ ಖಾಸಗಿ ವಾಯಿಸ್‌ ಏನಾದರು ಇದ್ದರೇ ಅವುಗಳನ್ನು ನಿಮ್ಮ ಅಕೌಂಟ್‌ನಿಂದ ಡೀಲಿಟ್‌ ಮಾಡಿ ಮತ್ತು ಅದಕ್ಕೆ ಲಿಂಕ್ ಇರುವ ಇತರೆ ಡಿವೈಸ್‌ಗಳಲ್ಲಿಯೂ ಡಿಲೀಟ್‌ ಮಾಡಿ. ಇತರರಿಗೆ ಶೇರ್ ಆಗುವ ಆತಂಕ ಇರೋದಿಲ್ಲ.

ಆಫ್‌ ಮಾಡಿ

ಈ ವಾಯಿಸ್‌ ಸಾಧನಗಳು ಅತೀ ಉಪಯುಕ್ತವಾಗಿದ್ದು ಆದರೆ ಬಹುತೇಕರು ಯಾವಾಗಲೂ 'ಆನ್‌' ಮಾಡಿಯೇ ಇಟ್ಟಿರುತ್ತಾರೆ. ಹೀಗಾಗಿ ಅದು ನಿಮ್ಮ ಧ್ವನಿಯ ಎಲ್ಲವನ್ನು ಗ್ರಹಿಸಿಕೊಳ್ಳುತ್ತದೆ. ಅಚಾನಕಾಗಿ ಆವಾಂತರ ಆಗುವ ಸಾಧ್ಯತೆಗಳಿರುತ್ತವೆ. ಅದಕ್ಕಾಗಿ ನಿಮಗೆ ಅಗತ್ಯವಿದ್ದಾಗ ಮಾತ್ರ ಆನ್‌ ಮಾಡುವುದು ಉತ್ತಮ. ಬಳಕೆ ಇಲ್ಲದಾಗ ಮತ್ತು ರಾತ್ರಿ ಸಮಯದಲ್ಲಿ ಆಫ್‌ ಮಾಡಿದರೇ ಒಳಿತು.

ಮ್ಯೂಟ್‌ ಮಾಡಿ

ಜನಪ್ರಿಯವಾಗಿರುವ ಈ ವಾಯಿಸ್ ಅಸಿಸ್ಟೆಂಟ್ ಸಾಧನಗಳು ಧ್ವನಿಯನ್ನು ಗ್ರಹಿಸುವುದಕ್ಕೆ ಮೈಕ್ರೋ ಫೋನ್‌ ಅನ್ನು ಹೊಂದಿರುತ್ತವೆ. ಆ ಮೂಲಕ ನಿಮ್ಮ ಧ್ವನಿಯನ್ನು ಗ್ರಹಿಸುತ್ತವೆ. ಹೀಹಾಗಿ ಅಗತ್ಯ ಇಲ್ಲದಾಗ ನಿಮ್ಮ ಧ್ವನಿಯನ್ನು ಗ್ರಹಿಸಲು ಅನುವು ಮಾಡಿಕೊಡಬೇಡಿ. ಅದಕ್ಕಾಗಿ ಈ ಸಾಧನಗಳ ಬಳಕೆ ಇಲ್ಲದಾಗ ಇದರ ಮೈಕ್ ಮ್ಯೂಟ್‌ಮಾಡುವುದು ಹೆಚ್ಚಿನ ಸುರಕ್ಷತೆ ನೀಡಲಿದೆ.