'ವ್ಯಾಲೆಂಟನ್ಸ್ ದಿನ'ವೇ ಬಿಡುಗಡೆ ಆಗಲಿದೆ ಶಿಯೋಮಿಯ ಈ ಭದ್ರತೆಯ ಸಾಧನ.!

ಮನೆಯ ಭದ್ರತೆಗೆ ಕ್ಯಾಮೆರಾ

ಇತ್ತೀಚಿನ ದಿನಗಳಲ್ಲಿ ಮನೆಗಳಲ್ಲಿ ಕಳ್ಳತನಗಳು, ದರೋಡೆಗಳು ಮತ್ತು ಕೆಲವೊಮ್ಮೆ ಪರಿಚಯಸ್ಥರೇ ದುಷಕೃತ್ಯ ಎಸಗುವ ಘಟನೆಗಳು ಹೆಚ್ಚುತ್ತಿವೆ. ಈ ನಿಟ್ಟಿನಲ್ಲಿ ಮನೆಗಳಲ್ಲಿ ಭದ್ರತೆಗಾಗಿ ಕ್ಯಾಮೆರಾ ಅಳವಡಿಸುವುದು ಅಗತ್ಯ ಎನ್ನುವುದನ್ನು ಅರಿತಿರುವ ಶಿಯೋಮಿಯು ಕಡಿಮೆ ಬೆಲೆಯಲ್ಲಿ ಮನೆಗಳ ಭದ್ರತೆಗಾಗಿ ತನ್ನ ಎರಡನೇಯ ಸಿಸಿಟಿವಿ ಕ್ಯಾಮೆರಾವನ್ನು ಪರಿಚಯಿಸಿದೆ.

ಡಿಸೈನ್ ಹೇಗಿದೆ.

ಹೊಸ ಹೋಮ್ ಸೆಕ್ಯೂರಿಟಿ ಕ್ಯಾಮೆರಾವು ನೋಡಲು ಚಿಕ್ಕದಾಗಿ ಮತ್ತು ಅಂದವಾಗಿ ಕಾಣುತ್ತದೆ. ಪೂರ್ಣ ಬಿಳ ಬಣ್ಣದಲ್ಲಿರುವ ಸಿಸಿಟಿವಿ ಕ್ಯಾಮೆರಾ ಮೇಲ್ಭಾಗದಲ್ಲಿ ವೃತ್ತಾಕಾರವಾಗಿ ಕ್ಯಾಮೆರಾವನ್ನು ಹೊಂದಿದ್ದು, ಅದರ ಕೆಳಗಡೆ ಕಂಪನಿಯ ಹೆಸರನ್ನು ನಮೂದಿಸಲಾಗಿದೆ. ಈ ಕ್ಯಾಮೆರಾವನ್ನು ನಿಲ್ಲಿಸಲು ಕೆಳಭಾಗದಲ್ಲಿ ಸ್ಟ್ಯಾಂಡ್‌ ನೀಡಲಾಗಿದೆ.

1080 ಪಿಕ್ಸಲ್

ಹೋಮ್‌ ಸೆಕ್ಯೂರಿಟಿ ಕ್ಯಾಮೆರಾವು 1080 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯವನ್ನು ಹೊಂದಿದ್ದು, ದೃಶ್ಯಗಳು ಅತ್ಯುತ್ತಮ ಕ್ವಾಲಿಟಿಯಲ್ಲಿ ಮೂಡಿಬರಲಿವೆ. 130 ಡಿಗ್ರಿಯ ಅಲ್ಟ್ರಾ ವೈಲ್ಡ್ ಆಂಗಲ್ ಲೆನ್ಸ್‌ಅನ್ನು ಅಳವಡಿಸಿರುವುದರಿಂದ ತನ್ನ ಎದುರಿಗಿನ 130 ಡಿಗ್ರಿ ವ್ಯಾಪ್ತಿಯಲ್ಲಿನ ಪ್ರದೇಶವನ್ನು ಸೆರೆಹಿಡಿಯಲಿದೆ. ನೋಡಲು ಪುಟ್ಟಾಣಿ ಕ್ಯಾಮೆರಾ ತರಹ ಕಂಡರು ಇದರ ಕ್ಯಾಮೆರಾ ಕ್ವಾಲಿಟಿ ಹೈ ರೆಸಲ್ಯೂಶನ್‌ ಇದೆ.

ಕೃತಕ ಬುದ್ಧಿಮತ್ತೆ (AI)

ಹೈ ಎಂಡ್‌ ಫೀಚರ್ಸ್‌ಗಳ ಸ್ಮಾರ್ಟ್‌ಫೋನ್‌ಗಳಲ್ಲಿ ಕಾಣುವ ಕೃತಕ ಬುದ್ಧಿಮತ್ತೆ ಸಾಮರ್ಥ್ಯವನ್ನು ಈ ಹೋಮ್ ಸೆಕ್ಯುರಿಟಿ ಕ್ಯಾಮೆರಾದಲ್ಲಿ ಅಳವಡಿಸಿದ್ದು, ಹೀಗಾಗಿ ಆಟೋಮ್ಯಾಟಿಕ್ ಆಗಿ ತನ್ನ ವ್ಯಾಪ್ತಿಯಲ್ಲಿ ಬರುವ ವ್ಯಕ್ತಿಗಳನ್ನು ಗ್ರಹಿಸುವ ಶಕ್ತಿಯನ್ನು ಹೊಂದಿದೆ. ಈ ಕ್ಯಾಮೆರಾವನ್ನು ನಿಮ್ಮ ಸ್ಮಾರ್ಟ್‌ಫೋನ್‌ಗೆ ಲಿಂಕ್ ಮಾಡಿದರೇ ಸೆರೆಯಾದ ದೃಶ್ಯಗಳನ್ನು ಸ್ಮಾರ್ಟ್‌ಫೋನಿನಲ್ಲಿ ವೀಕ್ಷಿಸಬಹುದು.

ವಿಡಿಯೋ ಕಾಲಿಂಗ್ ಸೌಲಭ್ಯ

ಈ ಹೊಸ ಹೋಮ್ ಸೆಕ್ಯುರಿಟಿ ಕ್ಯಾಮೆರಾ ಸ್ಮಾರ್ಟ್‌ ಆಗಿದ್ದು, ಇದರೊಂದಿಗೆ ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ನೀವು ಕನೆಕ್ಟ್ ಮಾಡುವ ಮೂಲಕ ವಿಡಿಯೋ ಕರೆಗಳನ್ನು ಸಹ ಮಾಡಿಬಹುದು. ನಿಮ್ಮ ಕುಟುಂಬದೊಂದಿಗೆ ಮಾತಾನಾಡಬಹುದು. ವಾಯಿಸ್ ಕ್ವಾಲಿಟಿಯನ್ನು ಸಾಕಷ್ಟು ಸುದಾರಿಸಿದ್ದು, ಉತ್ತಮ ಕರೆಯ ಅನುಭೂತಿ ಪಡೆಯಲಿದ್ದಿರಿ.

ಮಂದಬೆಳಕಿನಲ್ಲೂ ಹೈ ಕ್ವಾಲಿಟಿ

ಬಹುತೇಕ ಸಿಸಿಟಿವಿ ಕ್ಯಾಮೆರಾಗಳು ಮಂದಬೆಳಕಿನಲ್ಲಿ ದೃಶ್ಯಗಳು ಅಸ್ಪಷ್ಟ ಆಗಿರುತ್ತವೆ. ಆದರೇ ಶಿಯೋಮಿಯ ಈ ಹೊಸ ಹೋಮ್ ಸೆಕ್ಯೂರಿಟಿ ಕ್ಯಾಮೆರಾವು ಮಂದಬೆಳಕಿನಲ್ಲಿ ಸುಮಾರು 10m ವ್ಯಾಪ್ತಿಯಲ್ಲಿ ಅತ್ಯುತ್ತಮ ಗುಣಮಟ್ಟದಲ್ಲಿ ದೃಶ್ಯಗಳನ್ನು ಸೆರೆಹಿಡಿಯುವ ಸಾಮರ್ಥ್ಯವನ್ನು ಹೊಂದಿದೆ.