ಐಪೋನಿಗಿಂತಲೂ ತೆಳುವಾದ ಟಿವಿ ಬಿಡುಗಡೆ ಮಾಡಿದ ಕ್ಸಿಯೋಮಿ

Mi TV 4 ಅತ್ಯಂತ ತೆಳುವಾದ ಟಿವಿ ಎನ್ನಲಾಗಿದೆ, ನಿಮ್ಮ ಸ್ಮಾರ್ಟ್‌ಪೋನಿನ ದಪ್ಪಕ್ಕಿಂತಲೂ ಕಡಿಮೆ ಇದೆ ಎನ್ನಲಾಗಿದೆ. ಇಲ್ಲಿವರೆಗೆ ಮಾರುಕಟ್ಟೆಗೆ ಬಿಡುಗಡೆಯಾಗಿರುವ ಟಿವಿಗಳಿಗಿಂತ ಇದು ತೆಳ್ಳಗೆ ಇದೆ ಎಂಬುದು ಕಂಪನಿಯ ವಾದವಾಗಿದೆ. Mi TV 4 s ಟಿವಿ 4.9mm ನಷ್ಟು ದಪ್ಪವಾಗಿದ್ದು, ಸದ್ಯ ಮಾರುಕಟ್ಟೆಯಲ್ಲಿರುವ ಐಪೋನಿಗಿಂತ 3೦ % ತೆಳುವಾಗಿದೆಯಂತೆ.

ಸದ್ಯ ಕ್ಸಿಯೋಮಿ ಬಿಡುಗಡೆ ಮಾಡಿರುವ ಟಿವಿಗಳಲ್ಲಿ ಮೊದಲ ಬಾರಿಗೆ ಆಟಮ್ ಆಡಿಯೋ ಟೆಕ್ನಾಲಜಿಯನ್ನು ಬಳಸಿಕೊಂಡಿದ್ದು, ಉತ್ತಮ ಸೌಂಡ್ ಕ್ವಾಲಿಟಿಯನ್ನು ಹೊಂದಿದ್ದು, ಸಿನಿಮಾ ವಿಕ್ಷಣೆಯ ಕ್ರಮವನ್ನು ಉತ್ತಮ ಪಡಿಸಲಿದೆ ಎನ್ನಲಾಗಿದೆ. Mi TV 4 ಜೊತೆಯಲ್ಲಿ Mi TV ಬಾರ್ ಸಹ ದೊರೆಯಲಿದ್ದು, 10 ಸ್ಪೀಕರ್ಸ್ ಮತ್ತು ಸಬ್‌ಉಫರ್ ಜೊತೆ ಲಭ್ಯವಿದೆ.

ಸದ್ಯ ಪ್ರದರ್ಶನಕ್ಕೆ ಇಟ್ಟಿರುವ Mi TVಗಳಲ್ಲಿ Mi TV 4 ಯಲ್ಲಿ ಮಾತ್ರ ಸ್ಮಾರ್ಟ್‌ ತಂತ್ರಜ್ಞಾನವನ್ನು ಅಳವಡಿಸಿದೆ. ಆರ್ಟಿಫಿಷಿಯಲ್ ಇಟೆಲಿಜನ್ಸಿಯನ್ನು ತನ್ನ ಟಿವಿಗಳಲ್ಲಿ ಕ್ಸಿಯೋಮಿ ನೀಡಿದೆ. ಇದು ಆಂಡ್ರಾಯ್ಡ್ ನಿಂದ ಕಾರ್ಯ ನಿರ್ವಹಿಸಲಿದ್ದು, ಇದು ಟಿವಿ ವಿಕ್ಷಕರಿಗೆ ಹೊಸದೊಂದು ಅನುಭವನ್ನು ನೀಡಲಿದೆ.

ಸದ್ಯ ಕನ್ಸೂಮರ್ ಎಲೆಕ್ಟ್ರಾನಿಕ್ಸ್ ಶೋನಲ್ಲಿ ತಿಳಿಸಿದಂತೆ ಕ್ಸಿಯೋಮಿಯ ಈ ಟಿವಿಗಳು 49, 55, ಮತ್ತು 65 ಇಂಚಿನಲ್ಲಿ ಲಭ್ಯವಿರಲಿದೆ. ಗ್ರಾಹಕರು ತಮ್ಮ ಅವಶ್ಯಕತೆಗೆ ತಕ್ಕಂತೆ ಬೇಕಾದ ಮಾಡಲ್ ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಒಟ್ಟಿನಲ್ಲಿ ಕ್ಸಿಯೋಮಿಯ ಈ ಹೊಸ ಟಿವಿಗಳು ಮತ್ತೊಂಮ್ಮೆ ಟಿವಿ ಲೋಕದಲ್ಲಾಗುತ್ತಿರುವ ಬದಲಾವಣೆಯನ್ನು ಎತ್ತಿತೋರಿಸುತ್ತಿದೆ.