ಸ್ಮಾರ್ಟ್‌ಫೋನ್‌ ಮೂಲಕ ಆಧಾರ್‌ PVC ಕಾರ್ಡ್‌ ಆರ್ಡರ್ ಮಾಡುವುದು ಹೇಗೆ?

ಹೌದು, ಯುನಿಕ್ ಐಡೆಂಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (UIDAI) ಆಧಾರ್ PVC ಕಾರ್ಡ್‌ ವಿತರಿಸುತ್ತೆ. ಜನರು ಆರ್ಡರ್ ಮಾಡುವ ಮೂಲಕ ಆಧಾರ್ PVC ಕಾರ್ಡ್‌ ಪಡೆಯಬಹುದಾಗಿದೆ. ಪಿವಿಸಿ ಕಾರ್ಡ್‌ ಮೇಲೆ ಆಧಾರ್ ಮುದ್ರಿಸಿ ಕೊಡಲಿದೆ. ಇದಕ್ಕೆ ನಿಗದಿತ ಶುಲ್ಕ ಪಡೆಯಲಾಗುತ್ತದೆ. ಹಾಗಾದರೇ ಆಧಾರ್ PVC ಕಾರ್ಡ್‌ ಆರ್ಡರ್ ಮಾಡಿ ಪಡೆಯುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಪಿವಿಸಿ ಆಧಾರ್ ಕಾರ್ಡ್

ಪಾಲಿವಿನೈಲ್ ಕ್ಲೋರೈಡ್ (ಪಿವಿಸಿ) ಕಾರ್ಡ್ ರೂಪದಲ್ಲಿ UIDAI ಆಧಾರ್ ಕಾರ್ಡುದಾರರಿಗೆ ಹೊಸ ಸೇವೆಯನ್ನು ಪ್ರಾರಂಭಿಸಿದೆ. ನಿಮ್ಮ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಅಥವಾ ಪ್ಯಾನ್ ಕಾರ್ಡ್‌ನಂತೆಯೇ, ನಿಮ್ಮ ಪರ್ಸ್‌ನಲ್ಲಿ ಪಿವಿಸಿ ಆಧಾರ್ ಕಾರ್ಡ್ ಅನ್ನು ಇಟ್ಟುಕೊಳ್ಳಲು ಸಹಾಯವಾಗುತ್ತದೆ. ಈ ಆಧಾರ್ ಕಾರ್ಡ್ ಡಿಜಿಟಲ್ ಸಹಿ ಮಾಡಿದ ಸುರಕ್ಷಿತ ಕ್ಯೂಆರ್ ಕೋಡ್, ಹೊಲೊಗ್ರಾಮ್, ಘೋಸ್ಟ್ ಇಮೇಜ್, ಗಿಲ್ಲೋಚೆ ಪ್ಯಾಟರ್ನ್ ಇತ್ಯಾದಿ ಭದ್ರತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಆರ್ಡರ್ ಆಧಾರ್ ಕಾರ್ಡ್

ಆರ್ಡರ್ ಆಧಾರ್ ಕಾರ್ಡ್ ಎಂಬುದು UIDAIನ ಸೇವೆ ಆಗಿದೆ. ಇದರ ಮೂಲಕವಾಗಿ ಆಧಾರ್ ದಾರರಿಗೆ ತಮ್ಮ ಆಧಾರ್ ಮಾಹಿತಿಯನ್ನು ಪಿವಿಸಿ ಕಾರ್ಡ್ ಮೇಲೆ ಮುದ್ರಿಸಿ ಕೊಡಲು ಸಹಾಯ ಮಾಡುತ್ತದೆ. ಇದಕ್ಕಾಗಿ ಅಲ್ಪ ಪ್ರಮಾಣದ ಶುಲ್ಕ ವಿಧಿಸಲಾಗುತ್ತದೆ. ಯಾರು ತಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿಲ್ಲವೂ ಅಂಥವರು ತಮ್ಮ ನೋಂದಣಿ ಆಗದ/ಪರ್ಯಾಯ ಮೊಬೈಲ್ ನಂಬರ್ ಬಳಸಿ, ಆರ್ಡರ್ ಮಾಡಬಹುದು.

ಆಧಾರ್ ಪಿವಿಸಿ ಕಾರ್ಡ್ ಅನ್ನು ಆನ್‌ಲೈನ್‌ನಲ್ಲಿ uidai.gov.in ಅಥವಾ Resident.uidai.gov.in ಮೂಲಕ ಆಧಾರ್ ಸಂಖ್ಯೆ, ವರ್ಚುವಲ್ ಐಡಿ ಅಥವಾ ದಾಖಲಾತಿ ಐಡಿ ಬಳಸಿ ಆದೇಶಿಸಬಹುದು. ಕಾರ್ಡ್ ಅನ್ನು ಸ್ಪೀಡ್ ಪೋಸ್ಟ್ ಮೂಲಕ ನಿವಾಸಿಗಳ ವಿಳಾಸಕ್ಕೆ ತಲುಪಿಸಲಾಗುತ್ತದೆ.

ಈ ಕ್ರಮಗಳನ್ನು ಅನುಸರಿಸಿ:

* UIDAI ಗಳ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ - uidai.gov.in
* ಆರ್ಡರ್ ಪಿವಿಸಿ ಕಾರ್ಡ್ ಲಿಂಕ್ ಮೇಲೆ ಕ್ಲಿಕ್ ಮಾಡಿ
* ಆಧಾರ್ ಕಾರ್ಡ್ ಆದೇಶಿಸಲು ನಿಮ್ಮ ಆಧಾರ್ ಸಂಖ್ಯೆ ಅಥವಾ ವರ್ಚುವಲ್ ಗುರುತಿನ ಸಂಖ್ಯೆ ಅಥವಾ ಇಐಡಿ ನಮೂದಿಸಿ
* ಸೆಂಡ್ ಒಟಿಪಿ ಆಯ್ಕೆ ಮೇಲೆ ಕ್ಲಿಕ್ ಮಾಡಿ
* ನೋಂದಾಯಿತ ಮೊಬೈಲ್ ಬಳಕೆಯಲ್ಲಿ ಮಾತ್ರ ಆಧಾರ್ ಪೂರ್ವವೀಕ್ಷಣೆ ಲಭ್ಯವಿದೆ. ನೋಂದಾಯಿಸದ ಮೊಬೈಲ್ ಆಧಾರಿತ ಆದೇಶಕ್ಕಾಗಿ ಆಧಾರ್ ಕಾರ್ಡ್ ವಿವರಗಳ ಪೂರ್ವವೀಕ್ಷಣೆ ಲಭ್ಯವಿಲ್ಲ.
* ಟೈಮ್-ಬೇಸ್ಡ್-ಒನ್-ಟೈಮ್-ಪಾಸ್‌ವರ್ಡ್‌ (ಟಿಒಟಿಪಿ) ಅನ್ನು ಎಂ-ಆಧಾರ್ ಅಪ್ಲಿಕೇಶನ್ ಮೂಲಕವೂ ಬಳಸಬಹುದು.