ಫೇಸ್‌ಬುಕ್‌ನಲ್ಲಿ ಶೇರ್ ಮಾಡಿಕೊಳ್ಳಲೇಬಾರದ ಸಂಗತಿಗಳು ಏನೇನು ?

ರಜಾದಿನಗಳಲ್ಲಿ ಹೊರಹೋಗಿದ್ದಾಗ

ನೀವು ಎಲ್ಲಿಗಾದರೂ ಪ್ರಯಾಣ ಬೆಳೆಸುತ್ತಿದ್ದೀರಿ ಎಂದಾಗ ಅದನ್ನು ತಾಣದಲ್ಲಿ ಪೋಸ್ಟ್ ಮಾಡಲು ಹೋಗದಿರಿ. ನೀವು ಇಂತಹ ಮಾಹಿತಿಗಳನ್ನು ತಾಣದಲ್ಲಿ ಪೋಸ್ಟ್ ಮಾಡಿದಾಗ ಇದನ್ನು ಬೇರೆ ರೀತಿಯಲ್ಲಿ ಬಳಸುವ ಸಾಧ್ಯತೆ ಇರುತ್ತದೆ. ನಿಮ್ಮ ಪ್ರಯಾಣದ ವಿಚಾರಗಳನ್ನು ತಾಣದಲ್ಲಿ ಹಾಕಲೇಬೇಕು ಎಂದಾದಲ್ಲಿ ಪ್ರಯಾಣ ಮುಗಿಸಿದ ನಂತರ ಈ ಕೆಲಸವನ್ನು ಮಾಡಿ.

ಜಿಯೋಲೊಕೇಶನ್ ಮತ್ತು ಚೆಕ್ ಇನ್ಸ್

ಸ್ಮಾರ್ಟ್‌ಫೋನ್‌ನಂತೆಯೇ, ನಿಮ್ಮ ಬ್ರೌಸರ್ ನಿಮ್ಮ ಜಿಪಿಎಸ್ ಕೋರ್ಡಿನೇಶನ್‌ಗಳನ್ನು ಟ್ರ್ಯಾಕ್ ಮಾಡುತ್ತದೆ. ಇದರಿಂದಾಗಿಯೇ ನಿಮ್ಮ ತಾಣಗಳು ನೀವು ಅಪ್‌ಡೇಟ್ ಮಾಡಿದಂತೆಯೇ ಅದನ್ನು ಟ್ರ್ಯಾಕ್ ಮಾಡುತ್ತದೆ. ಇದನ್ನು ಜಿಯೋಲೊಕೇಶನ್ ಎಂಬುದಾಗಿ ಕರೆಯುತ್ತಾರೆ. ನಿಮ್ಮ ಈ ಮಾಹಿತಿಯನ್ನು ಬಳಸಿಕೊಂಡು ಇತರರು ದುರುಪಯೋಗಪಡಿಸಿಕೊಳ್ಳಬಹುದಾಗಿದೆ.

ದೂರುಗಳನ್ನು ದಾಖಲಿಸುವುದು

ನಿಮ್ಮ ಕಚೇರಿಯಲ್ಲಿ ನಡೆದಿರುವ ಘಟನೆಗಳನ್ನು ತಾಣದಲ್ಲಿ ಪೋಸ್ಟ್ ಮಾಡದಿರಿ. ಅಂತೆಯೇ ನಿಮ್ಮ ಮೇಲಾಧಿಕಾರಿಗಳ ಮೇಲೆ ದೂರು ಸಲ್ಲಿಸುತ್ತಿದ್ದೀರಿ ಎಂದಾದಲ್ಲಿ ಹೆಚ್ಚು ಕಾಳಜಿಯಿಂದಿರಿ. ಇದರಿಂದ ನಿಮಗೆ ತೊಂದರೆಯಾಗುವ ಸಂಭವ ಇರುತ್ತದೆ.

ಸ್ವಯಂ ದೋಷಾರೋಪಣೆ

ತಾಣದಲ್ಲಿ ನೀವು ಕಾಣುತ್ತಿರುವುದೆಲ್ಲಾ ನಿಜವಾಗಬೇಕೆಂದಿಲ್ಲ. ಕೆಲವೊಮ್ಮೆ ಜನರು ಮಾಡುವ ಅಪಾಯಕಾರಿ ಕೃತ್ಯಗಳೆಂದರೆ ಅಪಾಯಕಾರಿ ವಿಧಾನದಲ್ಲಿ ಸೆಲ್ಫಿ ತೆಗೆಸಿಕೊಳ್ಳುವುದು, ಕುಡಿದು ಡ್ರೈವ್ ಮಾಡುವುದು ಇದೆಲ್ಲಾ ಸಾಹಸಗಳಾದರೂ ಇಂತಹ ಪೋಸ್ಟ್‌ಗಳನ್ನು ದಾಖಲಿಸುವುದಕ್ಕೆ ಸಾಕ್ಷಿಗಳು ಬೇಕಾಗುತ್ತದೆ. ಇದರಿಂದ ನಿಮಗೆ ಜೈಲು ಆಗುವ ಸಂಭವ ಕೂಡ ಇರುತ್ತದೆ.

ದುಬಾರಿ ವಸ್ತುಗಳ ಖರೀದಿ

ನೀವು ದುಬಾರಿ ವಸ್ತುಗಳಾದ ಕಾರು, ಫ್ರಿಡ್ಜ್, ಬೈಕ್ ಮೊದಲಾದವುಗಳನ್ನು ಖರೀದಿಸಿ ಅವುಗಳನ್ನು ತಾಣದಲ್ಲಿ ಪೋಸ್ಟ್ ಮಾಡುವುದು ನಿಮಗೆ ಸಂತೋಷವನ್ನುಂಟು ಮಾಡಿದರೂ ಇದರಿಂದ ನೀವು ಅಪಾಯಕ್ಕೆ ಸಿಲುಕಿತ್ತೀರಿ. ನಿಮ್ಮನ್ನು ಕಳ್ಳಕಾರು ದೋಚುವ ಸಂಭವ ಕೂಡ ಇರುತ್ತದೆ.

ವೈಯಕ್ತಿಕ ಸಲಹೆಗಳನ್ನು ನೀಡುವುದು

ನೀವು ವೈದ್ಯರು ಅಥವಾ ನ್ಯಾಯವಾದಿಗಳಾಗಿದ್ದಲ್ಲಿ ಜನರಿಗೆ ವೈಯಕ್ತಿಕ ಸಲಹೆಗಳನ್ನು ಸಾಮಾಜಿಕ ತಾಣದಲ್ಲಿ ಪೋಸ್ಟ್ ಮಾಡುವುದು ಸರಿಯಲ್ಲ. ಇದರಿಂದ ಸಲಹೆ ಪಡೆದುಕೊಂಡ ಜನರಿಗೆ ಮತ್ತು ಸಲಹೆ ನೀಡಿದ ನಿಮಗೆ ತೊಂದರೆ ಖಂಡಿತ. ಆರ್ಥಿಕ, ಡಯೆಟ್, ತೂಕ ಇಳಿಕೆ, ಸಂಬಂಧ ಮೊದಲಾದ ಸಲಹೆಗಳನ್ನು ನೀಡದಿರಿ.

ಸ್ಕ್ಯಾಮ್‌ಗಳು

ನಿಮ್ಮ ಸ್ನೇಹಿತರಿಗೆ ಈ ತಾಣಗಳ ಮೂಲಕ ತೊಂದರೆಗಳನ್ನು ಉಂಟುಮಾಡಬೇಡಿ. ಸಂಪರ್ಕಗಳನ್ನು ಹಂಚಿಕೊಳ್ಳುವುದು, ಆಹ್ವಾನಗಳನ್ನು ಆಮಂತ್ರಿಸುವುದು, ಗಿವ್ ಅವೇ ಮೊದಲಾದ ಕಾರ್ಯಗಳನ್ನು ನಡೆಸದಿರಿ.