ವಾಹ್! ಒದ್ದೆ ಫೋನ್‌ಗೆ ಅಕ್ಕಿಚೀಲವೇ ಸರಿಯಾದ ಮದ್ದು

ಸ್ವಿಚ್ ಆಫ್ ಮಾಡಿ

ನಿಮ್ಮ ಫೋನ್ ಒದ್ದೆಯಾದಾಗ ಶಾರ್ಟ್ ಸರ್ಕ್ಯೂಟ್ ಮೊದಲಾದ ಸಮಸ್ಯೆಗಳು ಸಂಭವಿಸುವುದರಿಂದಾಗಿ ಅದನ್ನು ಸ್ವಿಚ್ ಆಫ್ ಮಾಡಿ. ಅಂತೆಯೇ ಫೋನ್‌ನ ಒಳಭಾಗದಲ್ಲಿ ಯಾವುದೇ ನಷ್ಟ ಸಂಭವಿಸುವ ಕಾರಣಗಳೂ ಇರುವುದಿಲ್ಲ.

ಎಲ್ಲವನ್ನೂ ಹೊರತೆಗೆಯಿರಿ

ಫೋನ್ ಸ್ವಿಚ್ ಆಫ್ ಮಾಡಿದ ನಂತರ, ಫೋನ್‌ನಿಂದ ಎಲ್ಲವನ್ನೂ ಕಳಚಿರಿ. ಬ್ಯಾಟರಿ, ಸಿಮ್ ಕಾರ್ಡ್, ಮೆಮೊರಿ ಕಾರ್ಡ್‌, ಸ್ಟೈಲಸ್, ಕೇಸ್, ಇತ್ಯಾದಿ.

ಶೇಕ್ ಮಾಡಿ

ಹೆಡ್‌ಫೋನ್ ಜ್ಯಾಕ್, ಚಾರ್ಜಿಂಗ್ ಪೋರ್ಟ್ ಅಥವಾ ಫಿಸಿಕಲ್ ಬಟನ್ ಒಳಭಾಗದಲ್ಲಿ ನೀರು ಸೇರಿದ್ದರೆ ನೀವು ಬಲವಾಗಿ ಫೋನ್ ಅನ್ನು ಕುಲುಕುವುದು ನೀರನ್ನು ಹೊರಹಾಕುತ್ತದೆ. ನಂತರ ಒಣಗಿರುವ ಬಟ್ಟೆಯಿಂದ ಫೋನ್ ಒಳಭಾಗವನ್ನು ಒರೆಸಿ.

ಅಕ್ಕಿಯಲ್ಲಿ ಹುದುಗಿಸಿ

ಇದು ಹೆಚ್ಚು ಪ್ರಚಲಿತದಲ್ಲಿರುವ ವಿಧಾನವಾಗಿದ್ದು ನಿಮಗೆ ಇದನ್ನು ಪ್ರಯತ್ನಿಸಬಹುದಾಗಿದೆ. ಗಾಳಿಯಾಡದ ಅಕ್ಕಿ ಬ್ಯಾಗ್‌ನಲ್ಲಿ ಫೋನ್, ಬ್ಯಾಟರಿ ಮೊದಲಾದವನ್ನು ಹುದುಗಿಸಿಡಿ. ಅಕ್ಕಿಯು ಡಿವೈಸ್‌ಗಳಲ್ಲಿರುವ ನೀರನ್ನು ಹೀರಿಕೊಳ್ಳುತ್ತದೆ.

ಕಾಯಿರಿ

24 ರಿಂದ 48 ಗಂಟೆಗಳವರೆಗೆ ಫೋನ್ ಅಕ್ಕಿಯಲ್ಲಿರಲಿ. ತಾಳ್ಮೆಯಿಂದಿರಿ.

ಇನ್ನೂ ಕಾರ್ಯನಿರ್ವಹಿಸದೇ ಇದ್ದಲ್ಲಿ

ಇನ್ನೂ ನಿಮ್ಮ ಫೋನ್ ಕಾರ್ಯನಿರ್ವಹಿಸುತ್ತಿಲ್ಲ ಎಂದಾದಲ್ಲಿ ಉತ್ತಮ ಫೋನ್ ಆಪರೇಟರ್‌ಗಳ ಬಳಿ ಅದನ್ನು ಕೊಂಡೊಯ್ಯಿರಿ ಮತ್ತು ಪರಿಶೀಲಿಸಿಕೊಳ್ಳಿ.

ಜಾಗರೂಕರಾಗಿರಿ

ನಿಮ್ಮ ಫೋನ್ ಅನ್ನು ಆದಷ್ಟು ಜಾಗರೂಕತೆಯಿಂದ ಕಾಪಾಡಿಕೊಳ್ಳುವುದು ಕೂಡ ಅತಿ ಮುಖ್ಯವಾಗಿದೆ. ಮಳೆಗಾಲದಲ್ಲಿ ನೀವು ಹೊರಗಡೆ ಇದ್ದಾಗ ವಾಟರ್ ಪ್ರೂಫ್ ಕ್ಯಾರಿ ಬ್ಯಾಗ್ ಅನ್ನು ನಿಮ್ಮೊಂದಿಗೆ ಒಯ್ಯಿರಿ. ಈ ಬ್ಯಾಗ್‌ಗಳು ಪಾರದರ್ಶಕವಾಗಿದ್ದು ನಿಮಗೆ ಕರೆಗಳು ಇಲ್ಲವೇ ಅಧಿಸೂಚನೆಗಳು ಕಾಣುತ್ತವೆ.

ಇನ್ಶುರೆನ್ಸ್ ಪಡೆದುಕೊಳ್ಳಿ

ಇನ್ನು ನೀರಿನಿಂದ ನಿಮ್ಮ ಫೋನ್ ಹಾಳಾದಲ್ಲಿ ಕೆಲವೊಂದು ಕಂಪೆನಿಗಳು ಇನ್ಶೂರೆನ್ಸ್ ಭದ್ರತೆಯನ್ನು ನೀಡುತ್ತವೆ. ಮೈಕ್ರೊ ಕವರ್ ಪ್ಲಸ್, ಸಿಸ್ಕಾ ಗ್ಯಾಜೆಟ್ ಸೆಕ್ಯೂರ್ ಮೊದಲಾದ ಇನ್ಶೂರೆನ್ಸ್ ನಿಮಗೆ ಹೆಚ್ಚು ಪ್ರಯೋಜನಕಾರಿಯಾಗಲಿವೆ.