ನಿಮ್ಮ ಫೇಸ್‌ಬುಕ್‌, ಇನ್‌ಸ್ಟಾಗ್ರಾಮ್‌ ಖಾತೆ ನಿಯಂತ್ರಣಕ್ಕೆ ಈ ಒಂದೇ ಆಯ್ಕೆ ಸಾಕು!?

ಫೇಸ್‌ಬುಕ್‌, ಇನ್‌ಸ್ಟಾಗ್ರಾಮ್‌ ಸೇರಿದಂತೆ ಹಲವು ಸಾಮಾಜಿಕ ಜಾಲತಾಣಗಳು ಸದ್ಯ ಹೆಚ್ಚು ಜನಪ್ರಿಯತೆಯಲ್ಲಿ ಕಾಣಿಸಿಕೊಂಡಿವೆ. ಬಳಕೆಯ ಜೊತೆಗೆ ಈ ಖಾತೆಗಳಲ್ಲಿನ ಮಾಹಿತಿ ಸುರಕ್ಷತೆಯು ಪ್ರಮುಖವಾಗಿರುತ್ತದೆ. ಆದರೆ ಒಂದೇ ಪ್ಲಾಟ್‌ಫಾರ್ಮ್‌ ಮೂಲಕ ಬಳಕೆದಾರರು ತಮ್ಮ ಸೋಶೀಯಲ್‌ ಮೀಡಿಯಾ ಗಳನ್ನು ನಿಯಂತ್ರಿಸಲು ಅವಕಾಶ ಇದೆ. ಅದು ಹೇಗೆ ಅಂತೀರಾ?

ಹೌದು, ಮೆಟಾ ಸಂಸ್ಥೆಯ ಮೆಟಾ ಅಕೌಂಟ್‌ ಸೆಂಟರ್ (Meta Account Centre) ಆಯ್ಕೆಯು ಮೆಟಾ ಒಡೆತನದ ಎಲ್ಲ ಪ್ಲಾಟ್‌ಫಾರ್ಮ್ ಗಳಿಗೆ ಪ್ರಮುಖ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ. ಈ ಅಕೌಂಟ್‌ ಸೆಂಟರ್ ಮೂಲಕ ಬಳಕೆದಾರರು ತನ್ನ ಫೇಸ್‌ಬುಕ್‌ ಮತ್ತು ಇನ್‌ಸ್ಟಾಗ್ರಾಮ್‌ ಎರಡು ಅಪ್ಲಿಕೇಶನ್‌ಗಳ ಖಾತೆಗಳನ್ನು ನಿಯಂತ್ರಿಸಬಹುದು.

ಮೆಟಾ ಅಕೌಂಟ್‌ ಸೆಂಟರ್ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಮೆಸೆಂಜರ್ ಸೇರಿದಂತೆ ಎಲ್ಲಾ ಮೆಟಾದ ಪ್ಲಾಟ್‌ಫಾರ್ಮ್‌ಗಳಿಗೆ ಕೇಂದ್ರೀಕೃತವಾಗಿದೆ. ಇದ್ರಲ್ಲಿ ವೈಯಕ್ತಿಕ ವಿವರಗಳು, ಪಾಸ್‌ವರ್ಡ್‌ಗಳು ಮತ್ತು ಸೆಕ್ಯೂರಿಟಿ ಮತ್ತು ಜಾಹೀರಾತು ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸಬಹುದು. ಈ ಮೆಟಾ 'ಅಕೌಂಟ್‌ ಸೆಂಟರ್' ಒಂದೇ ಸ್ಥಳದಿಂದ ಮೆಟಾ ಮಾಲೀಕತ್ವದ ಖಾತೆಗಳನ್ನು ಕನೆಕ್ಟ್‌ ಮಾಡುವ ಬಗ್ಗೆ ಮುಂದೆ ತಿಳಿಯೋಣ ಬನ್ನಿರಿ.

ಕಂಪ್ಯೂಟರ್‌ ಮೂಲಕ ಅಕೌಂಟ್‌ ಸೆಂಟರ್‌ನಲ್ಲಿ ಖಾತೆಗಳನ್ನು ಸೇರಿಸಲು ಹೀಗೆ ಮಾಡಿ:
ಹಂತ 1 : ಪಿಸಿಯಲ್ಲಿ ವೆಬ್ ಬ್ರೌಸರ್‌ನಲ್ಲಿ ಮೂಲಕ ಫೇಸ್‌ಬುಕ್ ತೆರೆಯಿರಿ.
ಹಂತ 2 : ಫೇಸ್‌ಬುಕ್‌ ನಲ್ಲಿ ವಿಂಡೋದ ಮೇಲಿನ ಬಲಭಾಗದಲ್ಲಿರುವ ನಿಮ್ಮ ಪ್ರೊಫೈಲ್ ಫೋಟೊವನ್ನು ಕ್ಲಿಕ್ ಮಾಡಿ.
ಹಂತ 3 : ಸೆಟ್ಟಿಂಗ್‌ಗಳು ಮತ್ತು ಗೌಪ್ಯತೆ ಆಯ್ಕೆಯನ್ನು ಆಯ್ಕೆ ಮಾಡಿ ಮತ್ತು ನಂತರ ಸೆಟ್ಟಿಂಗ್‌ಗಳ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 4 : ಎಡಭಾಗದಲ್ಲಿ, ಸ್ಕ್ರಾಲ್ ಡೌನ್ ಕ್ಲಿಕ್ ಮಾಡಿ ಮತ್ತು ಅಕೌಂಟ್‌ ಸೆಂಟರ್‌ ಅನ್ನು ಕ್ಲಿಕ್ ಮಾಡಿ.
ಹಂತ 5 : ಈಗ, ಖಾತೆಗಳು ಮತ್ತು ಪ್ರೊಫೈಲ್‌ಗಳ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 6 : ಮುಂದೆ, ಖಾತೆಗಳನ್ನು ಸೇರಿಸಿ ಕ್ಲಿಕ್ ಮಾಡಿ ಮತ್ತು ತೆರೆಯ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ನಿಂದ ಅಕೌಂಟ್‌ ಸೆಂಟರ್‌ಗೆ ಖಾತೆಗಳನ್ನು ಸೇರಿಸಲು ಹೀಗೆ ಮಾಡಿ:
ಹಂತ 1 : ಆಂಡ್ರಾಯ್ಡ್‌ನಲ್ಲಿ, ಫೇಸ್‌ಬುಕ್ ಅಪ್ಲಿಕೇಶನ್ ತೆರೆಯಿರಿ.
ಹಂತ 2 : ಫೇಸ್‌ಬುಕ್‌ನ ಮೇಲಿನ ಬಲಭಾಗದಲ್ಲಿರುವ ಮೆನುವನ್ನು ಟ್ಯಾಪ್ ಮಾಡಿ.
ಹಂತ 3 : ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಸೆಟ್ಟಿಂಗ್‌ಗಳು ಮತ್ತು ಗೌಪ್ಯತೆ ಆಯ್ಕೆಯನ್ನು ಟ್ಯಾಪ್ ಮಾಡಿ ಮತ್ತು ನಂತರ ಸೆಟ್ಟಿಂಗ್‌ಗಳ ಆಯ್ಕೆಯನ್ನು ಟ್ಯಾಪ್ ಮಾಡಿ.
ಹಂತ 4 : ಕೆಳಭಾಗದಲ್ಲಿ, ಅಕೌಂಟ್‌ ಸೆಂಟರ್‌ ಅನ್ನು ಟ್ಯಾಪ್ ಮಾಡಿ.
ಹಂತ 5 : ಖಾತೆಗಳನ್ನು ಟ್ಯಾಪ್ ಮಾಡಿ.

ಐಫೋನ್‌ನಲ್ಲಿ ಸ್ಮಾರ್ಟ್‌ಫೋನ್‌ನಿಂದ ಅಕೌಂಟ್‌ ಸೆಂಟರ್‌ಗೆ ಖಾತೆಗಳನ್ನು ಸೇರಿಸಲು ಹೀಗೆ ಮಾಡಿ:
ಹಂತ 1 : ಐಫೋನ್‌ನಲ್ಲಿ ಫೇಸ್‌ಬುಕ್ ಅಪ್ಲಿಕೇಶನ್ ತೆರೆಯಿರಿ.
ಹಂತ 2 : ಫೇಸ್‌ಬುಕ್‌ನ ಕೆಳಗಿನ ಬಲಭಾಗದಲ್ಲಿರುವ ಮೆನು ಟ್ಯಾಪ್ ಮಾಡಿ.
ಹಂತ 3 : ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಸೆಟ್ಟಿಂಗ್‌ಗಳು ಮತ್ತು ಗೌಪ್ಯತೆ ಆಯ್ಕೆಯನ್ನು ಟ್ಯಾಪ್ ಮಾಡಿ ಮತ್ತು ನಂತರ ಸೆಟ್ಟಿಂಗ್‌ಗಳನ್ನು ಟ್ಯಾಪ್ ಮಾಡಿ.
ಹಂತ 4 : ಕೆಳಭಾಗದಲ್ಲಿ, ಅಕೌಂಟ್‌ ಸೆಂಟರ್‌ ಅನ್ನು ಟ್ಯಾಪ್ ಮಾಡಿ.
ಹಂತ 5 : ಖಾತೆಗಳನ್ನು ಟ್ಯಾಪ್ ಮಾಡಿ ಮತ್ತು ತೆರೆಯ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ಆಂಡ್ರಾಯ್ಡ್‌ ಫೋನ್ ಬಳಸಿ ಅಕೌಂಟ್‌ ಸೆಂಟರ್‌ನಿಂದ ಖಾತೆಗಳನ್ನು ಡಿಲೀಟ್ ಮಾಡಲು ಹೀಗೆ ಮಾಡಿ:

ಹಂತ 1 : ಆಂಡ್ರಾಯ್ಡ್‌ ಡಿವೈಸ್‌ನಲ್ಲಿ ಫೇಸ್‌ಬುಕ್ ಆಪ್‌ ತೆರೆಯಿರಿ.
ಹಂತ 2 : ಫೇಸ್‌ಬುಕ್‌ನ ಮೇಲಿನ ಬಲಭಾಗದಲ್ಲಿರುವ ಮೆನುವನ್ನು ಟ್ಯಾಪ್ ಮಾಡಿ.
ಹಂತ 3 : ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಸೆಟ್ಟಿಂಗ್‌ಗಳು ಮತ್ತು ಗೌಪ್ಯತೆ ಆಯ್ಕೆಯನ್ನು ಟ್ಯಾಪ್ ಮಾಡಿ ಮತ್ತು ನಂತರ ಸೆಟ್ಟಿಂಗ್‌ಗಳನ್ನು ಟ್ಯಾಪ್ ಮಾಡಿ.
ಹಂತ 4 : ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಅಕೌಂಟ್‌ ಸೆಂಟರ್‌ ಅನ್ನು ಟ್ಯಾಪ್ ಮಾಡಿ, ತದನಂತರ ಖಾತೆಗಳನ್ನು ಟ್ಯಾಪ್ ಮಾಡಿ.
ಹಂತ 5 : ಡಿಲೀಟ್ ಮಾಡ ಬಯಸುವ ಪ್ರೊಫೈಲ್ ಅನ್ನು ಟ್ಯಾಪ್ ಮಾಡಿ.
ಹಂತ 6 : ಖಾತೆಯನ್ನು ತೆಗೆದುಹಾಕಿ ಟ್ಯಾಪ್ ಮಾಡಿ.