ಗೂಗಲ್ ಪೇ, ಪೇಟಿಎಮ್‌, ಅಮೆಜಾನ್ ಪೇ: UPI ಐಡಿ ರಚಿಸುವುದು ಹೇಗೆ ಗೊತ್ತಾ?

UPI (ಯುನಿಫೈಡ್ ಪೇಮೆಂಟ್ಸ್ ಇಂಟರ್‌ಫೇಸ್) ಪಾವತಿಯು ಸದ್ಯ ದೇಶದಲ್ಲಿ ಹೆಚ್ಚು ಆದ್ಯತೆಯ ಪಾವತಿ ವಿಧಾನವಾಗಿದೆ. ಇತ್ತೀಚಿನ ಕೆಲವು ವರ್ಷಗಳಿಂದ, ಬಳಕೆದಾರರ ಸಂಖ್ಯೆ ಮತ್ತು ಹಣದ ವಹಿವಾಟುಗಳು ಬಹಳ ವೇಗದಲ್ಲಿ ಮುನ್ನಡೆದಿವೆ. ನ್ಯಾಶನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಪ್ರಕಾರ, ಮಾರ್ಚ್ 2022 ರಲ್ಲಿಯೇ 5 ಶತಕೋಟಿ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಲಾಗಿದೆ. ಇನ್ನು ಬಳಕೆದಾರರು UPI ಐಡಿ ರಚಿಸುವುದು ಹೇಗೆ ಗೊತ್ತೆ?

ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲಿ ಬಳಕೆದಾರರು ಗೂಗಲ್ ಪೇ, ಫೋನ್‌ಪೇ, ಪೇಟಿಎಮ್‌, ಅಮೆಜಾನ್ ಪೇ ಹಾಗೂ ಭೀಮ್ ಆಪ್‌ ಹೆಚ್ಚಾಗಿ ಬಳಕೆ ಮಾಡುವುದು ರೂಢಿ ಆಗಿದೆ. ಹಾಗೆಯೇ ಬಹುತೇಕ ಅಂಗಡಿಗಳಲ್ಲಿ ಸ್ಕ್ಯಾನ್ ಆಯ್ಕೆಯನ್ನು ಒಳಗೊಂಡಿದ್ದು, ಬಳಕೆದಾರರು ಸುಲಭವಾಗಿ ಸ್ಕ್ಯಾನ್ ಮಾಡುವ ಮೂಲಕ ಪೇಂಮೆಂಟ್‌ ಮಾಡಬಹುದಾಗಿದೆ. ಆದರೆ ಅದಕ್ಕೂ ಮೊದಲು ಯುಪಿಐ ಐಡಿ (UPI) ಹೊಂದಿರುವುದು ಅಗತ್ಯ ಆಗಿದೆ. ಹಾಗಾದರೇ UPI ಐಡಿ ರಚಿಸುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಗೂಗಲ್‌ ಪೇ ಬಳಸಿ UPI ಐಡಿ ರಚಿಸಲು ಹೀಗೆ ಮಾಡಿ:
* ಗೂಗಲ್‌ ಪೇ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿ ಮತ್ತು ನೋಂದಾಯಿಸಿ/ಸೈನ್-ಇನ್ ಮಾಡಿ
* ಮೇಲಿನ ಬಲಭಾಗದಲ್ಲಿರುವ ನಿಮ್ಮ ಪ್ರೊಫೈಲ್ ಫೋಟೋವನ್ನು ಟ್ಯಾಪ್ ಮಾಡಿ
* 'ಪಾವತಿ ವಿಧಾನಗಳು' ಅಡಿಯಲ್ಲಿ, "ಬ್ಯಾಂಕ್ ಖಾತೆಗಳು" ಆಯ್ಕೆಮಾಡಿ
* ನೀವು ಹೊಸ ಯುಪಿಐ ಐಡಿಯನ್ನು ಹೊಂದಿಸಲು ಬಯಸುವ ಯಾವುದೇ ಬ್ಯಾಂಕ್ ಖಾತೆಯನ್ನು ಆಯ್ಕೆಮಾಡಿ
* ಯುಪಿಐ ಐಡಿಗಳನ್ನು ನಿರ್ವಹಿಸಿ ಆಯ್ಕೆಮಾಡಿ
* ನೀವು ರಚಿಸಲು ಬಯಸುವ ಯುಪಿಐ ಐಡಿ ಪಕ್ಕದಲ್ಲಿರುವ '+' ಐಕಾನ್ ಅನ್ನು ಟ್ಯಾಪ್ ಮಾಡಿ
* ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಪರಿಶೀಲಿಸಲು, "ಮುಂದುವರಿಸಿ" ಕ್ಲಿಕ್ ಮಾಡಿ
* ಒಮ್ಮೆ ಮೊಬೈಲ್ ಅನ್ನು ಪರಿಶೀಲಿಸಿದ ನಂತರ, ಹೊಸ ಯುಪಿಐ ಐಡಿಯನ್ನು ರಚಿಸಲಾಗುತ್ತದೆ.

ಪೇಟಿಎಮ್‌ ಬಳಸಿ UPI ಐಡಿ ರಚಿಸಲು ಹೀಗೆ ಮಾಡಿ:
* ಪ್ಲೇ ಸ್ಟೋರ್ ಅಥವಾ ಆಪ್ ಸ್ಟೋರ್‌ನಿಂದ ಪೇಟಿಎಮ್‌ ಆಪ್ ಅನ್ನು ಡೌನ್‌ಲೋಡ್ ಮಾಡಿ
* ಪೇಟಿಎಮ್‌ ಅಪ್ಲಿಕೇಶನ್ ತೆರೆಯಿರಿ
* ಫೋನ್ ಸಂಖ್ಯೆಯನ್ನು ಬಳಸಿಕೊಂಡು ನೋಂದಾಯಿಸಿ ಅಥವಾ ಸೈನ್ ಇನ್ ಮಾಡಿ
* ಪ್ರದರ್ಶಿಸಲಾಗುವ ಪಟ್ಟಿಯಿಂದ ನಿಮ್ಮ ಬ್ಯಾಂಕ್ ಹೆಸರನ್ನು ಆಯ್ಕೆಮಾಡಿ (ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಿಮ್ಮ ಬ್ಯಾಂಕ್‌ನಲ್ಲಿ ನೋಂದಾಯಿಸಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ)
* ನಿಮ್ಮ ಬ್ಯಾಂಕ್ ಖಾತೆಯ ವಿವರಗಳನ್ನು ಪಡೆಯಲಾಗುತ್ತದೆ (ನೀವು ಮೊದಲ ಬಾರಿಗೆ ನಿಮ್ಮ ಬ್ಯಾಂಕ್ ಅನ್ನು ಲಿಂಕ್ ಮಾಡುತ್ತಿದ್ದರೆ, ನಿಮ್ಮ ಡೆಬಿಟ್ ಕಾರ್ಡ್ ವಿವರಗಳನ್ನು ಬಳಸಿಕೊಂಡು UPI ಪಿನ್ ಅನ್ನು ಹೊಂದಿಸಲು ನಿಮ್ಮನ್ನು ಕೇಳಲಾಗುತ್ತದೆ)
* ಒಮ್ಮೆ ಈ ಪ್ರಮಾಣೀಕರಣವನ್ನು ಮಾಡಿದ ನಂತರ, ನಿಮ್ಮ UPI ID ಅನ್ನು ರಚಿಸಲಾಗುತ್ತದೆ (@paytm ನೊಂದಿಗೆ ಕೊನೆಗೊಳ್ಳುತ್ತದೆ)

ಅಮೆಜಾನ್‌ ಪೇ ಬಳಸಿ UPI ID ರಚಿಸುವುದು ಹೇಗೆ?
* ಅಮೆಜಾನ್‌ ಅಪ್ಲಿಕೇಶನ್ ತೆರೆಯಿರಿ
* ಕೆಳಗಿನ ಬಲ ಮೂಲೆಯಲ್ಲಿರುವ ಮೂರು ಸಾಲುಗಳ ಮೇಲೆ ಟ್ಯಾಪ್ ಮಾಡಿ
* ಅಮೆಜಾನ್‌ ಪೇ ಮೇಲೆ ಟ್ಯಾಪ್ ಮಾಡಿ
* ಅಮೆಜಾನ್‌ ಪೇ UPI ಆಯ್ಕೆಯನ್ನು ಟ್ಯಾಪ್ ಮಾಡಿ ಮತ್ತು ಮುಂದುವರೆಯಿರಿ
* UPI ಐಡಿ ಹೊಂದಿಸಲು ಬಯಸುವ ಬ್ಯಾಂಕ್ ಖಾತೆಯನ್ನು ಆಯ್ಕೆಮಾಡಿ
* ಬ್ಯಾಂಕ್ ಖಾತೆಯ ವಿವರಗಳನ್ನು ಪಡೆಯಲಾಗುತ್ತದೆ
* UPI ಐಡಿಯನ್ನು ರಚಿಸಲಾಗುತ್ತದೆ
* UPI ಐಡಿ ಮತ್ತು ಬ್ಯಾಂಕ್ ಖಾತೆಯನ್ನು ಸೇರಿಸಲು ಮುಂದುವರೆಯಿರಿ ಮೇಲೆ ಕ್ಲಿಕ್ ಮಾಡಿ
* ಹೆಚ್ಚಿನ UPI ಐಡಿಗಳನ್ನು ಸೇರಿಸಲು ಬಯಸಿದರೆ, ನೀವು ಅದೇ ಪರದೆಯಲ್ಲಿ UPI ಐಡಿಗಳನ್ನು ನಿರ್ವಹಿಸಿ ಕ್ಲಿಕ್ ಮಾಡಬಹುದು