ನಿಮ್ಮ ಫೋನಿಗೆ ಬರುವ ಅಪರಿಚಿತ ನಂಬರ್‌ ಪತ್ತೆ ಮಾಡಲು ಹೀಗೆ ಮಾಡಿ!

ಸಾಮಾನ್ಯವಾಗಿ ಮೊಬೈಲ್‌ಗಳಿಗೆ ಕೆಲವೊಮ್ಮೆ ಅಪರಿಚಿತ ಕರೆಗಳು ಬರುತ್ತವೆ. ಕೆಲವರು ಅಪರಿಚಿತ ಕರೆಗಳನ್ನು ಸ್ವೀಕರಿಸಿದರೆ, ಮತ್ತೆ ಕೆಲವರು ಅಂತಹ ಕರೆಗಳನ್ನು ಸ್ವೀಕರಿಸಲು ಮುಂದಾಗುವುದು ಕಡಿಮೆ. ಆದರೆ ಕರೆ ಮಾಡಿರುವ ಅಪರಿಚಿತರು ಯಾರೂ ಎಂಬುದನ್ನು ತಿಳಿಯಲು ಕೆಲವು ಅತ್ಯುತ್ತಮ ಅಪ್ಲಿಕೇಶನ್‌ಗಳು ಲಭ್ಯ ಇವೆ.

ಹೌದು, ಅಪರಿಚಿತ ಕರೆ ಮಾಡುವವರನ್ನು ಗುರುತಿಸಲು ನೆರವಾಗುವ ಹಲವು ಆಪ್‌ಗಳು ಮತ್ತು ವೆಬ್‌ಸೈಟ್‌ಗಳಿವೆ. ಈ ಆಪ್‌ಗಳು ಮತ್ತು ವೆಬ್‌ಸೈಟ್‌ಗಳು ಕರೆ ಮಾಡುವವರ ವಿವರವನ್ನು ಒದಗಿಸುವುದಲ್ಲದೆ ಸ್ಪ್ಯಾಮ್ ಗುರುತಿಸುವಿಕೆ ಮತ್ತು ಕರೆ ರೆಕಾರ್ಡಿಂಗ್‌ ನಂತಹ ಕೆಲವು ಹೆಚ್ಚಿನ ಫೀಚರ್‌ಗಳನ್ನು ಸಹ ಹೊಂದಿವೆ. ಅಂತಹ ಕೆಲವು ಆಪ್‌ಗಳ ಬಗ್ಗೆ ಮುಂದೆ ತಿಳಿಯೋಣ.

ಅಪರಿಚಿತ ಕರೆ ಮಾಡಿದವರ ಬಗ್ಗೆ ತಿಳಿಯುವುದು ಹೇಗೆ?
ಅಪರಿಚಿತ ಫೋನ್ ನಂಬರ್‌ ಗುರುತನ್ನು ಕಂಡುಹಿಡಿಯಲು, ಬಳಕೆದಾರರು ರಿವರ್ಸ್ ಫೋನ್ ಸಂಖ್ಯೆ ಲುಕಪ್ ಟೂಲ್ ಅನ್ನು ಬಳಸಬಹುದು. ಮರಳಿ ಕರೆ ಮಾಡಬೇಕೆ ಅಥವಾ ಸ್ಪ್ಯಾಮ್ ಎಂದು ವರದಿ ಮಾಡಬೇಕೆ ಎಂದು ನಿರ್ಧರಿಸಲು ಸಹಾಯ ಮಾಡಲು ಅಪರಿಚಿತ ಕಾಲರ್‌ನ ವಿವರಗಳನ್ನು ತಿಳಿಯಲು ಈ ಟೂಲ್ ಅನುಮತಿಸುತ್ತದೆ. ಈ ಮೂಲಕ ಬಳಕೆದಾರರು ಕರೆ ಮುಖ್ಯವೇ ಅಥವಾ ಇಲ್ಲವೇ ಎಂದು ತಿಳಿಯಬಹುದು.

ಟ್ರೂಕಾಲರ್‌ (Truecaller) : ಜನಪ್ರಿಯ ಮತ್ತು ವಿಶ್ವಾಸಾರ್ಹ ಕರೆ ಗುರುತಿಸುವಿಕೆ ಆಪ್‌ಗಳ ಪೈಕಿ ಒಂದಾದ ಟ್ರೂಕಾಲರ್‌ ಬಹುತೇಕರು ಬಳಕೆ ಮಾಡುತ್ತಾರೆ. ಈ ಆಪ್‌ ಹೆಚ್ಚಿನ ಬಳಕೆದಾರರನ್ನು ಹೊಂದಿದ್ದು, ವಂಚನೆ ಹಾಗೂ ರೋಬೋಕಾಲ್‌ಗಳ ಆಧಾರದ ಮೇಲೆ ಫೋನ್ ಸಂಖ್ಯೆಗಳನ್ನು ಪತ್ತೆಹಚ್ಚಲು ಸಾಧ್ಯವಾಗುತ್ತದೆ.

ಅನೇಕರು ಜನರು ತಮ್ಮ ಸ್ವಭಾವಕ್ಕೆ ಅನುಗುಣವಾಗಿ ಕರೆಗಳನ್ನು ವರದಿ ಮಾಡಿದಾಗ ಇದು ಬಳಕೆದಾರರ ಪ್ರತಿಕ್ರಿಯೆಯಿಂದ ಇದನ್ನು ಮಾಡುತ್ತದೆ. ಈ ರೀತಿಯಲ್ಲಿ ಕರೆ ಬಂದಾಗ, ಅದನ್ನು ಪಿಕ್ ಮಾಡಬೇಕೆ ಅಥವಾ ಬೇಡವೇ ಎಂದು ನಿಮಗೆ ಅಲ್ಲಿಯೇ ತಿಳಿಯುತ್ತದೆ. ಮತ್ತೊಂದೆಡೆ, ವೈಯಕ್ತಿಕ ಕರೆಯ ಸಂದರ್ಭದಲ್ಲಿ, ಫೋನ್ ಸಂಖ್ಯೆಯನ್ನು ಅದರ ಡೇಟಾಬೇಸ್‌ನಲ್ಲಿ ಸಂಗ್ರಹಿಸುವವರೆಗೆ ಅದು ವ್ಯಕ್ತಿಯ ಹೆಸರನ್ನು ಪಾಪ್‌ಅಪ್ ರೂಪದಲ್ಲಿ ಕಾಣಿಸುತ್ತದೆ.

ಟ್ರೂಕಾಲರ್ ಭಾರತ, ದಕ್ಷಿಣ ಆಫ್ರಿಕಾ ಮತ್ತು ನೈಜೀರಿಯಾದಲ್ಲಿ ಐಫೋನ್ ಬಳಕೆದಾರರಿಗೆ ಲೈವ್ ಕಾಲರ್ ಐಡಿ ಆಯ್ಕೆಯನ್ನು ಸಹ ಸೇರಿಸಿದೆ. ಇದು ಸಿರಿ ವಾಯಿಸ್‌ ಅಸಿಸ್ಟಂಟ್‌ ಅನ್ನು ಬಳಸಿಕೊಂಡು ನೈಜ ಸಮಯದಲ್ಲಿ ಅಪರಿಚಿತ ಬಳಕೆದಾರರಿಂದ ಕರೆಗಳನ್ನು ಗುರುತಿಸುತ್ತದೆ. ಆದಾಗ್ಯೂ, ಈ ಆಯ್ಕೆಯು ಐಫೋನ್‌ನಲ್ಲಿ ಟ್ರೂಕಾಲರ್‌ ಪ್ರೀಮಿಯಂ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ.

ಹಿಯಾ (Hiya) : ಈ ಮೊದಲು ವೈಟ್‌ಪೇಜ್ ಕಾಲರ್ ಐಡಿ ಎಂದು ಕರೆಯಲಾಗುತ್ತಿತ್ತು, ಹಿಯಾ ರಿವರ್ಸ್ ಕಾಲರ್ ಆಗಿದೆ. ಇದು ಆಂಡ್ರಾಯ್ಡ್‌ಗಾಗಿ ಎಸ್‌ಎಮ್‌ಎಸ್‌ ಲುಕಪ್ ಆಪ್‌ ಆಗಿದೆ. ವಂಚನೆ ಮತ್ತು ರೋಬೋಕಾಲ್‌ಗಳು ಸ್ವಯಂಚಾಲಿತವಾಗಿ ಕಡಿಮೆಯಾಗುವುದು, ನೈಜ-ಸಮಯದ ಫೋನ್ ಸಂಖ್ಯೆ ಗುರುತಿಸುವಿಕೆ ಮತ್ತು ಕಿರಿಕಿರಿ ಕರೆಗಳನ್ನು ನಿರ್ಬಂಧಿಸಲು ಸುಲಭ ಮತ್ತು ತ್ವರಿತ ಮಾರ್ಗದಂತಹ ಹಲವಾರು ಆಯ್ಕೆಗಳೊಂದಿಗೆ ಲಭ್ಯ.

ಶೋಕಾಲರ್ (Showcaller) : ಶೋಕಾಲರ್ ರಿವರ್ಸ್ ಫೋನ್ ಸಂಖ್ಯೆ ಲುಕಪ್ ಆಪ್ ಆಗಿದ್ದು, ಇದು ಇತರೆ ಆಪ್‌ಗಳಿಂತ ಭಿನ್ನವಾಗಿ ಆಫ್‌ಲೈನ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ವ್ಯಕ್ತಿಯನ್ನು ಅವರ ಹೆಸರು ಅಥವಾ ಫೋನ್ ಸಂಖ್ಯೆಯಿಂದ ಗುರುತಿಸಲು, ಆಪ್‌ ಅನ್ನು ತೆರೆಯಿರಿ ಮತ್ತು ಸರ್ಚ್‌ ಮಾಡಿ. ಈ ಮೂಲಕ ಅಪರಿಚಿತ ಕರೆಯನ್ನು ಸುಲಭವಾಗಿ ಗುರುತಿಸಬಹುದು. ಅಂದಹಾಗೆ ಶೋಕಾಲರ್ ಅಂತರ್ನಿರ್ಮಿತ ಕಾಲರ್ ಐಡಿ ಮತ್ತು ಸ್ಪ್ಯಾಮ್ ಪರೀಕ್ಷಕ ಒಳಗೊಂಡಿದೆ.

ಕಾಲ್ಆಪ್ (CallApp) : ಈ ಆಂಡ್ರಾಯ್ಡ್‌ ಕರೆ ಗುರುತಿಸುವಿಕೆ ಮತ್ತು ರಿವರ್ಸ್ ಫೋನ್ ಲುಕಪ್ ಆಪ್‌ ಸ್ಪ್ಯಾಮ್ ಕರೆಗಳನ್ನು ನಿರ್ಬಂಧಿಸುವುದು ಮತ್ತು ಬ್ಲ್ಯಾಕ್‌ ಲಿಸ್ಟ್‌ಗೆ ಹಾಕುವ ಆಯ್ಕೆ ಪಡೆದಿದೆ. ಅಲ್ಲದೇ ಒಳಬರುವ ಮತ್ತು ಹೊರಹೋಗುವ ಕರೆಗಳನ್ನು ರೆಕಾರ್ಡ್ ಮಾಡುವುದು ಮತ್ತು ಫೋನ್ ಸಂಖ್ಯೆಗಳನ್ನು ಪತ್ತೆಹಚ್ಚಲು ಸುಧಾರಿತ ಕಾಲರ್ ಐಡಿ ಸಿಸ್ಟಮ್‌ಗಳಂತಹ ವಿವಿಧ ಆಯ್ಕೆಗಳನ್ನು ಹೊಂದಿದೆ.