ನಿಮ್ಮ ಬಳಿ ವಿವೋ ಫೋನ್‌ ಇದೆಯಾ?..ಹಾಗಿದ್ರೆ, ಆಪ್‌ ಹೈಡ್‌ ಮಾಡಲು ಹೀಗೆ ಮಾಡಿ!

ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನಿನಲ್ಲಿ ಖಾಸಗಿ ಮಾಹಿತಿ, ಫೋಟೋ ಸೇರಿದಂತೆ ಇತರೆ ಅಗತ್ಯ ದಾಖಲೆಗಳ ಮಾಹಿತಿಗಳನ್ನು ಸೇವ್ ಮಾಡಿರುತ್ತಾರೆ. ಅವುಗಳು ಫೋಟೊ ಅಥವಾ ಪಿಡಿಎಫ್‌ ರೂಪದಲ್ಲಿ ಇರಬಹುದು. ಇತರರ ಕೈಗೆ ಫೋನ್‌ ನೀಡಿದಾಗ ಅವರಿಗೆ ಮಾಹಿತಿ ಕಾಣದಂತೆ ತಡೆಯಲು ಬಳಕೆದಾರರು ಆಪ್ಸ್‌ ಹೈಡ್ ಮಾಡಬಹುದು.

ಹೌದು, ಕೆಲವೊಮ್ಮೆ ಮೊಬೈಲ್‌ ಅನ್ನು ಬೇರೆಯವರ ಕೈಗೆ ನೀಡುವ ಸಂದರ್ಭಗಳು ಬರುತ್ತವೆ. ಹಾಗೆಯೇ ಕೆಲವು ವೇಳೆ ಕೆಲವೊಂದು ಆಪ್‌ ಮತ್ತು ಖಾಸಗಿ ಫೋಟೊ, ವಿಡಿಯೋಗಳನ್ನು ಮರೆ ಮಾಡುವುದು ಸೂಕ್ತ ಇರುತ್ತದೆ. ಮಾಹಿತಿ ಸುರಕ್ಷತೆಯ ದೃಷ್ಠಿಯಿಂದ ಇದು ಸೂಕ್ತ ಆಗಿದೆ.

ಅಲ್ಲದೇ ಬಳಕೆದಾರರು ತಮ್ಮ ಮೊಬೈಲ್‌ಗಳಲ್ಲಿ ಬ್ಯಾಂಕ್ ಡಾಕ್ಯುಮೆಂಟ್‌ಗಳು ಅಥವಾ ಪಾಸ್‌ವರ್ಡ್‌ಗಳ ಬ್ಯಾಕಅಪ್‌ನಂತಹ ಸೂಕ್ಷ್ಮ ವಿವರಗಳನ್ನು ಸೇವ ಮಾಡಿರುತ್ತಾರೆ. ಇಂತಹ ಮಾಹಿತಿ ರಕ್ಷಣೆಗೆ ಹೈಡ್ ಮಾಡುವುದು ಅಗತ್ಯ ಎನಿಸುತ್ತದೆ. ಹಾಗಾದರೇ ನಿಮ್ಮ ವಿವೋ ಫೋನ್‌ನಲ್ಲಿ ಆಪ್‌ ಅಥವಾ ಫೋಟೋಗಳನ್ನು ಹೈಡ್ ಮಾಡುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ವಿವೋ ಫೋನ್‌ಗಳಲ್ಲಿ ಆಪ್ಸ್‌ ಹೈಡ್‌ ಮಾಡುವುದು ಹೇಗೆ?
* ವಿವೋ ಸ್ಮಾರ್ಟ್‌ಫೋನ್‌ನಲ್ಲಿ ಸೆಟ್ಟಿಂಗ್‌ಗಳ ಮೆನು ತೆರೆಯಿರಿ ಮತ್ತು ಫೇಸ್ ಮತ್ತು ಪಾಸ್‌ವರ್ಡ್ ವಿಭಾಗಕ್ಕೆ ಹೋಗಿ.
* ಗೌಪ್ಯತೆ ಮತ್ತು ಆಪ್‌ ಎನ್‌ಕ್ರಿಪ್ಶನ್ ಸೆಟ್ಟಿಂಗ್‌ಗಳ ಮೇಲೆ ಕ್ಲಿಕ್ ಮಾಡಿ.
* ನೀವು ಹೈಡ್ ಮಾಡಿ ಆಪ್‌ ಅನ್ನು ಕಾಣಬಹುದು. ಅದನ್ನು ಆನ್ ಮಾಡಲು ಅದರ ಮೇಲೆ ಟ್ಯಾಪ್ ಮಾಡಿ.
* ಈಗ, ನಿಮ್ಮ ಸ್ಮಾರ್ಟ್‌ಫೋನ್‌ನಿಂದ ನೀವು ಮರೆಮಾಡಲು ಬಯಸುವ ಆಪ್‌ ಅನ್ನು ಆಯ್ಕೆ ಮಾಡಿ.
* ಒಮ್ಮೆ ಮಾಡಿದ ನಂತರ, ಅನ್ವಯಿಸು ಕ್ಲಿಕ್ ಮಾಡಿ ಮತ್ತು ನಿಮ್ಮ ಆಪ್‌ ಅನ್ನು ಮರೆಮಾಡಲಾಗುತ್ತದೆ.

ನೋವಾ ಲಾಂಚರ್ ಆಪ್‌ ಬಳಕೆ ಮಾಡಬಹುದು
* ಪ್ಲೇ ಸ್ಟೋರ್‌ಗೆ ಹೋಗಿ ಮತ್ತು ನೋವಾ ಲಾಂಚರ್ ಆಪ್‌ ಅನ್ನು ಇನ್‌ಸ್ಟಾಲ್‌ ಮಾಡಿ.
* ನಂತರ, ನಿಮ್ಮ ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ನಲ್ಲಿ ಲಾಂಚರ್ ಅನ್ನು ಅನ್ವಯಿಸಿ.
* ಬಳಿ, ನೋವಾ ಸೆಟ್ಟಿಂಗ್‌ಗಳ ಆಪ್‌ ತೆರೆಯಿರಿ ಮತ್ತು ನಂತರ ಆಪ್‌ ಡ್ರಾಯರ್‌ಗೆ ಹೋಗಿ.
* ಅಲ್ಲಿ, ನೀವು ಮರೆಮಾಡು ಅಪ್ಲಿಕೇಶನ್‌ಗಳ ಆಯ್ಕೆಗಳನ್ನು ಕಾಣಬಹುದು.
* ಈಗ ನಿಮ್ಮ ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ನಲ್ಲಿ ನೀವು ಮರೆಮಾಡಲು ಬಯಸುವ ಆಪ್‌ ಅನ್ನು ಆಯ್ಕೆ ಮಾಡಿ ಮತ್ತು ನಂತರ ಬ್ಯಾಕ್ ಬಟನ್ ಒತ್ತಿರಿ.

ಸ್ಯಾಮ್‌ಸಂಗ್ ಫೋನಿನಲ್ಲಿ ಈ ಕ್ರಮ ಅನುಸರಿಸಿ : ಸ್ಯಾಮ್‌ಸಂಗ್ ಫೋನಿನಲ್ಲಿ ಅಧಿಕ ಆಯ್ಕೆಗಳನ್ನು ಪ್ರವೇಶಿಸಲು ಬಳಕೆದಾರರು ಹೋಮ್ ಸ್ಕ್ರೀನ್‌ನಲ್ಲಿ ದೀರ್ಘಕಾಲ ಒತ್ತಿದರೆ ಸಾಕು. ಈಗ, 'ಹೋಮ್ ಸ್ಕ್ರೀನ್ ಸೆಟ್ಟಿಂಗ್‌ಗಳು' > ಅಪ್ಲಿಕೇಶನ್‌ಗಳನ್ನು ಮರೆಮಾಡಿ/ ಹೈಡ್ ಮೇಲೆ ಟ್ಯಾಪ್ ಮಾಡಿ. ನಿಮ್ಮ ಅಪ್ಲಿಕೇಶನ್‌ಗಳ ಟ್ರೇ ಮತ್ತು ಮೇನ್ ಸ್ಕ್ರೀನ್‌ನಿಂದ ನೀವು ಮರೆಮಾಡಲು ಬಯಸುವ ಅಪ್ಲಿಕೇಶನ್‌ಗಳನ್ನು ಈಗ ನೀವು ಆಯ್ಕೆ ಮಾಡಬಹುದು. ನಿಮ್ಮ ಹಿಡನ್ ಅಪ್ಲಿಕೇಶನ್‌ಗಳ ಪಟ್ಟಿಯಿಂದ ಅಪ್ಲಿಕೇಶನ್ ಅನ್ನು ತೆಗೆದುಹಾಕಲು ನೀವು ಬಯಸಿದರೆ, ನಿರ್ದಿಷ್ಟ ಅಪ್ಲಿಕೇಶನ್ ಜೊತೆಗೆ ಮೈನಸ್ (-) ಐಕಾನ್ ಅನ್ನು ಟ್ಯಾಪ್ ಮಾಡಿ.

ಒನ್‌ಪ್ಲಸ್‌ ಫೋನಿನಲ್ಲಿ ಈ ಕ್ರಮ ಅನುಸರಿಸಿ : ಒನ್‌ಪ್ಲಸ್‌ ಸ್ಮಾರ್ಟ್‌ಫೋನ್ ಹೊಂದಿರುವವರು ಹಿಡನ್ ಸ್ಪೇಸ್‌ಗೆ ಪ್ರವೇಶಿಸಲು ಬಲಕ್ಕೆ ಸ್ಲೈಡ್ ಮಾಡಬೇಕಾಗುತ್ತದೆ. ಅಥವಾ ಹೋಮ್ ಸ್ಕ್ರೀನ್‌ನಲ್ಲಿ ಎರಡು ಬೆರಳುಗಳಿಂದ ಹೊರಕ್ಕೆ ಸ್ಲೈಡ್ ಮಾಡಿ. ಒಮ್ಮೆ ನೀವು ಅದನ್ನು ಮಾಡಿದರೆ, ಪ್ಲಸ್ (+) ಐಕಾನ್ ಅನ್ನು ಟ್ಯಾಪ್ ಮಾಡಿ ಮತ್ತು ನಿಮ್ಮ ಸ್ಮಾರ್ಟ್‌ಫೋನ್ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿರುವ ಎಲ್ಲಾ ಅಪ್ಲಿಕೇಶನ್‌ಗಳು ಕಾಣಿಸುತ್ತವೆ. ನಂತರ ನೀವು ಮರೆಮಾಡಲು ಬಯಸುವ ಆಪ್‌ ಅನ್ನು ಆಯ್ಕೆ ಮಾಡಬಹುದು ಮತ್ತು ಟಿಕ್ ಮಾರ್ಕ್ ಐಕಾನ್ ಮೇಲೆ ಟ್ಯಾಪ್ ಮಾಡಿ.