LIC ಪ್ರೀಮಿಯಂ ಆನ್‌ಲೈನ್‌ನಲ್ಲಿ ಪಾವತಿಸುವುದು ಹೇಗೆ ಗೊತ್ತಾ?

ಎಲ್‌ಐಸಿ ಪ್ರೀಮಿಯಂ ಶುಲ್ಕ ಪಾವತಿ

ಎಲ್‌ಐಸಿ ಪ್ರೀಮಿಯಂ ಹಣವನ್ನು ಆನ್‌ಲೈನ್‌ ಪಾವತಿ ಮಾಡುಲು ಹಲವು ವಿಧಾನಗಳಿದ್ದು, ಅವುಗಳಲ್ಲಿ ಎಲ್‌ಐಸಿ ಅಧಿಕೃತ ವೆಬ್‌ಸೈಟ್‌ನ ಮೂಲಕ ಸಹ ಪಾವತಿಸಲು ಅವಕಾಶವಿದೆ. ಗ್ರಾಹಕರು ಎಲ್‌ಐಸಿ ವೆಬ್‌ಸೈಟ್‌ನಲ್ಲಿ ಅಕೌಂಟ್‌ ತೆರೆದು(ರಿಜಿಸ್ಟರ್ ಆಗಿ)ಪಾವತಿಸಬಹುದು ಅಥವಾ ಆನ್‌ಲೈನ್‌ ಅಕೌಂಟ್ ರಿಜಿಸ್ಟರ್ ಮಾಡಿಕೊಳ್ಳದೆಯೂ ಸಹ ಹಣ ಪಾವತಿಸಬಹುದಾಗಿದೆ.

ಈ ಹಂತಗಳನ್ನು ಅನುಸರಿಸಿ(Without login)

* ಅಧಿಕೃತ ಎಲ್‌ಐಸಿ ವೆಬ್‌ಸೈಟ್‌ಗೆ ಭೇಟಿ ನೀಡಿ. www.licindia.in
* ಪೇ ಪ್ರೀಮಿಯಂ ಆಯ್ಕೆ ಸೆಲೆಕ್ಟ್‌ ಮಾಡಿರಿ, ನಂತರ ಪೇ ಡೈರೆಕ್ಟ್‌ ಆಯ್ಕೆ ಕ್ಲಿಕ್ ಮಾಡಿ
* ಪ್ರೀಮಿಯಂ ಪೇಮೆಂಟ್ ಆಯ್ಕೆ ಒತ್ತಿರಿ, ಆನಂತರ ಪ್ರೊಸಿಡ್ ಆಯ್ಕೆ ಕ್ಲಿಕ್ಕ್ ಮಾಡಿರಿ
* ಪಾಲಿಸಿ ನಂಬರ್, ಪಾಲಿಸಿ ಮೊತ್ತ, ಸೇರಿದಂತೆ ಅಗತ್ಯ ಮಾಹಿತಿಗಳನ್ನು ತುಂಬಿರಿಸು
* ಮಾಹಿತಿ ತುಂಬಿದ ನಂತರ ಕ್ಯಾಪ್ಚಾ ಕೋಡ್ ನಮೂದಿಸಿ(captcha code), 'ಐ ಅಗ್ರೀ' ಬಾಕ್ಸ್ ಸೆಲೆಕ್ಟ್ ಮಾಡಿ, ಸಬ್ಮಿಟ್ ಒತ್ತಿರಿ.
* ಪಾಲಿಸಿ ಮಾಹಿತಿ ಮತ್ತು ಪಾವತಿಸುವ ಮೊತ್ತ ಚೆಕ್‌ ಮಾಡಿ. ಚೆಕ್‌ ಮತ್ತು ಪೇ ಆಯ್ಕೆ ಕ್ಲಿಕ್ಕ್ ಮಾಡಿ.
* ಆಗ ಹಣ ಪಾವತಿಯ ವಿವಿಧ ಆಯ್ಕೆಗಳು ಕಾಣಿಸುತ್ತವೆ ಅವುಗಳಲ್ಲಿ ನಿಮಗೆ ಅನುಕೂಲವಾದ ಪೇಮೆಂಟ್ ಆಯ್ಕೆ ಮಾಡಿ ಹಣ ಪಾವತಿಸಿ.

ಆಪ್‌ಗಳ ಮೂಲಕ ಶುಲ್ಕ ಪಾವತಿಸಬಹುದು

ಎಲ್‌ಐಸಿ ಪಾಲಿಸಿದಾರನು ತನ್ನ ಸ್ಮಾರ್ಟ್‌ಫೋನ್‌ನಲ್ಲಿ ಎಲ್ಐಸಿಯ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡುವ ಮೂಲಕ ತನ್ನ ಎಲ್‌ಐಸಿ ಪಾಲಿಸಿ ಪ್ರೀಮಿಯಂ ಪಾವತಿಸುವ ಆಯ್ಕೆ ಸಹ ದೊರೆಯುತ್ತದೆ. ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್‌ನ ಆಪ್ ಸ್ಟೋರ್‌ನಲ್ಲಿ ಮುಖ್ಯವಾಗಿ ಮೂರು ಅಪ್ಲಿಕೇಶನ್‌ಗಳು ಲಭ್ಯ ಇವೆ. ಅವುಗಳೆಂದರೇ LIC Customer, LIC Pay Direct ಮತ್ತು My LIC ಆಪ್ಸ್‌ಗಳು ಉಪಯುಕ್ತ.

ಆನ್‌ಲೈನ್‌ ಪಾವತಿ ವೇಳೆ ಈ ಅಂಶಗಳನ್ನು ಗಮನಿಸಿ

* ಸರಿಯಾದ ಮತ್ತು ಚಾಲ್ತಿ ಇರುವ ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ವಿಳಾಸವನ್ನು ಒದಗಿಸಿ.
* ಪಾತಿಯ ರಶೀದಿಯನ್ನು ನಿಮ್ಮ ಇಮೇಲ್ ವಿಳಾಸಕ್ಕೆ ಮೇಲ್ ಮಾಡಲಾಗುತ್ತದೆ.
* ಆನ್‌ಲೈನ್ ಪ್ರೀಮಿಯಂ ಪಾವತಿಯನ್ನು ಪಾಲಿಸಿದಾರರಿಂದಲೇ ಮಾಡಬೇಕು. ಪ್ರೀಮಿಯಂ ಪಾವತಿಸಲು ಮೂರನೇ ವ್ಯಕ್ತಿಯ ಕೈಗೆ ನೀಡಬೇಡಿ.
* ಪ್ರೀಮಿಯಂ ಮೊತ್ತವನ್ನು ನಿಮ್ಮ ಬ್ಯಾಂಕ್ ಖಾತೆಯಿಂದ ಡೆಬಿಟ್ ಮಾಡಲಾಗಿದ್ದರೂ, ಯಾವುದೇ ತಾಂತ್ರಿಕ ಸಮಸ್ಯೆ eror ಕಂಡು ಬಂದರೇ '[email protected]' ಗೆ ವರದಿ ಮಾಡಬಹುದು.